ଯାଜପୁର : ଯାଜପୁର ସହରରେ ଯେମିତି ବିକାଶ କାର୍ଯ୍ୟକ୍ରମ ତ୍ବରାନ୍ବିତ ହେଉଚି ଠିକ୍ ସେହି ଢାଞ୍ଚାରେ ପଞ୍ଚାୟତରେ ଚାଲିବ ବିକାଶ । ପଞ୍ଚାୟତର କୌଣସି ଲୋକ ଯେମିତି ମୌଳିକ ସୁବିଧାରୁ ବଞ୍ଚିତ ନହୁଅନ୍ତି ତା ଉପରେ ଫୋକସ କରିଛନ୍ତି ବିଜେଡି ଯୁବ ନେତା ତଥା ଯାଜପୁର ପୌର ପରିଷଦର ପୂର୍ବତନ ପୌରାଧ୍ୟକ୍ଷ ଭବ ପ୍ରସାଦ ଦାସ ।
ସୋମବାର ଯାଜପୁର ବ୍ଲକ ସିମିଳିଆ ପଞ୍ଚାୟତରେ ଓ୍ଵାଡ ବୈଠକ କରିଥିଲେ । ଏହି ବୈଠକରେ ପଞ୍ଚାୟତ ପ୍ରତିନିଧି ଓ ଲୋକମାନଙ୍କ ସହ ଆଲୋଚନା କରିଥିଲେ ଭବ । ପଞ୍ଚାୟତର ପ୍ରତ୍ୟେକ ଲୋକଙ୍କ ପାଖରେ ସରକାରୀ ଯୋଜନା ଠିକ ସେ ପହଞ୍ଚିଲା କି ନାହିଁ କେଉଁ କେଉଁ ସମସ୍ୟା ରହିଛି ,ଏବଂ କେଉଁ କାମ ଅଧା ହୋଇ ପଡିଛି ତାହା ଉପରେ ଆଲୋଚନା କରିଥିଲେ l ଏହାସହ ପଞ୍ଚାୟତର ବିକାଶ ପାଇଁ ଆଉ କଣ ନୂଆ କାର୍ଯ୍ୟ କରିହେବ ତା ଉପରେ ସେ ଗୁରୁତ୍ୱ ଦେଇଥିଲେ ।କେବଳ ଯାଜପୁର ସହର ନୁହେଁ ପୁରା ଯାଜପୁର ନିର୍ବାଚନୀ ମଣ୍ଡଳୀରେ କିପରି ସମାନ ଭାବେ ବିକାଶରଥ ଚାଲିବ ତାହା ଉପରେ ଗୁରୁତ୍ୱ ଦେଇଛନ୍ତି ଯାଜପୁର ବିଧାୟକ ପ୍ରଣବ ପ୍ରକାଶ ଦାସ l ଆଉ ଏବେ ଏହାକୁ ବାସ୍ତବ ରୁପ ଦେଉଛନ୍ତି ଭବପ୍ରସାଦ ଦାସ । ଭଵ ସବୁବେଳେ ଲୋକଙ୍କ ସାଥିରେ ରହି ଲୋକଙ୍କ ସୁଖ, ଦୁଃଖରେ ଜଡିତ ରହୁଛନ୍ତି l ଅଧିକାଂଶ ସମୟ ସେ ଏପରି ବୈଠକ ବିଭିନ୍ନ ପଂଚାୟତ କରି ଲୋକଙ୍କ ସମସ୍ୟା ବୁଝନ୍ତି l କାରଣ ଯାଜପୁର ବିଧାୟକ ତଥା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ବି ବିଭିନ୍ନ ସମୟରେ ପଂଚାୟତରେ ଲୋକଙ୍କ ସମସ୍ୟା ବୁଝିବା ପାଇଁ ରାତିରେ ସ୍କୁଲ ଘରେ ରହି ଲୋକଙ୍କ କଥା ଶୁଣନ୍ତି l ଠିକ ସେହିପରି ଭଵ ଲୋକଙ୍କ ସମସ୍ୟା ଦୂର କରିବା ପାଇଁ ଏବେ ଦିନ ରାତି ଏକ କରି କାମ କରିଚାଲିଛନ୍ତି l ଯାଜପୁରବାସୀ ପ୍ରଣବ ଓ ଭଵଙ୍କ ପରି ଯୁବନେତା ପାଇଁ ବେଶ ଖୁସି l କାରଣ ରାଜନୀତି ପାଇଁ ନୁହେଁ, ନୂଆ ଯାଜପୁର ଗଢିବା ପାଇଁ ପ୍ରଣବ ଯେଉଁ ସ୍ବପ୍ନ ଦେଖିଛନ୍ତି ତାହାକୁ ସଫଳ କରିବା ପାଇଁ ଯାଜପୁର ବାସୀଙ୍କ ସହ ମିଶି କାମ କରିଚାଲିଛନ୍ତି ଭଵ l
