ଯାଜପୁର : ସ୍ୱାମୀ ବିବେକାନନ୍ଦଙ୍କ ନୀତି ଓ ଆଦର୍ଶକୁ ଯୁବପିଢ଼ି ଯ ଅନୁପ୍ରାଣିତ କରନ୍ତୁ l ଆଜି ଯୁବ ଦିବସରେ ଯୁବକମାନେ ଏହାକୁ ସଂକଳ୍ପ ଭାବେ ଗ୍ରହଣ କରିବା ଦରକାର l ସମାଜକୁ ଉଚିତ ମାର୍ଗରେ ନେବା ପାଇଁ ଯୁବକମାନେ ଆଗେଇ ଆସିବା ଦରକାର ବୋଲି ଓଡ଼ିଶାର ଯୁବ ମାନସର ପ୍ରତୀକ ତଥା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ କହିଛନ୍ତି l ସ୍ୱାମୀ ବିବେକାନନ୍ଦଙ୍କ ଜନ୍ମଦିନ ଅବସରରେ ସ୍ୱାମୀଙ୍କ ଜୀବନକୁ ମନେ ପକାଇ ଏକଥା କହିଛନ୍ତି ପ୍ରଣବ l ଟୁଇଟ କରି ଯୁବ ସମାଜକୁ ସେ ବିବେକାନନ୍ଦଙ୍କ ନୀତି ଆଦର୍ଶକୁ ଗ୍ରହଣ କରିବାକୁ ପରାମର୍ଶ ଦେଇଛନ୍ତି l ସେହିପରି ସ୍ୱାମୀଜୀଙ୍କ ଜନ୍ମଦିନକୁ ସାରା ଦେଶରେ ଯୁବ ଦିବସ ରୂପେ ପାଳନ କରୁଥିବା ବେଳେ ଯାଜପୁରର ବିଭିନ୍ନ ସ୍ଥାନରେ ଯୁବ ଦିବସ ପାଳନ କରାଯାଇଛି । ଭାରତ ସରକାରଙ୍କ ଦ୍ୱାରା ୧୯୪୮ରେ ପ୍ରଥମେ ଜାତୀୟ ଯୁବ ଦିବସ ଭାବେ ଘୋଷଣା କରାଯାଇଥିଲା । ଏହି ଦିନଠାରୁ ଆଜିର ଦିନକୁ ଯୁବ ଦିବସ ଭାବେ ପାଳନ କରାଯାଉଛି । ଏହାସହ ସ୍ୱାମୀ ବିବେକାନନ୍ଦ ସବୁବେଳେ କହନ୍ତି କେବଳ ଶାରୀରିକ ଭାବେ ବଳବାନ ନୁହେଁ, ବରଂ ମାନସିକ ରୂପେ ମଜବୁତ ଲୋକ ହିଁ ଯୁବ। ଏହି ମର୍ମକୁ ବିଶ୍ୱାସ କରି ଯୁବକଙ୍କ ପାଇଁ ଏବେ ଉଦାହରଣ ପାଲଟିଛନ୍ତି ଯାଜପୁରର ପୂର୍ବତନ ପୌରାଧ୍ୟକ୍ଷ ଭବ ପ୍ରସାଦ ଦାସ (ଲଲ)| ସେ ସବୁବେଳେ ସେବାକୁ ବ୍ରତ ଭାବରେ ଗ୍ରହଣ କରି ଦିନ ରାତି ପରିଶ୍ରମ କରି ଚାଲିଛନ୍ତି । ଏବେ ରାଜ୍ୟରେ କରୋନା ସଂକ୍ରମଣ ହାର କମିଛି ସତ ।ହେଲେ ସମ୍ପୁର୍ଣ୍ଣ ରୂପେ ଜୀବନ ସ୍ବଭାବିକ ହୋଇ ନାହିଁ । ତେଣୁ ଏ ସମୟରେ କେମିତି ରକ୍ତର ଅଭାବ ନ ରହିବ ସେ ସେଥିପାଇଁ ବେଶ ଯତ୍ନଶୀଳ ଅଛନ୍ତି । ଏଥିପାଇଁ ସେ ଆଜି ଯୁବ ଦିବସରେ ଏକ ରକ୍ତଦାନ ଶିବିର କରିବା ସହ ସବୁ ଯୁବକ ବନ୍ଧୁମାନଙ୍କୁ ରକ୍ତ ଦାନ ପାଇଁ ଆଗେଇ ଆସିବାକୁ ନିବେଦନ। କରିଛନ୍ତି ।
