ଅନୁଗୁଳ : ଅନୁଗୁଳ ଜିଲ୍ଲା କିଶୋର ନଗର ବ୍ଲକର ଘୋଷର ଗ୍ରାମରେ ମାହେଶ୍ୱରୀ ୟୁଥ କ୍ଲବ ଆନୁକୂଲ୍ୟରେ ୭ମ ଘୋଷର ପ୍ରିମିୟର ଲିଗ ଉଦ୍ଘାଟିତ ହୋଇଯାଇଛି।ଏଥିରେ ପୂର୍ବତନ ଏକ୍ସସାଇଜ୍ ଇନସପେକ୍ଟର୍ ଦିଲ୍ଲୀପ କୁମାର ପ୍ରଧାନ ମୁଖ୍ୟ ଅତିଥିଭାବେ ଯୋଗ ଦେଇଥିଲେ। ଏହାସହ ଖେଳାଳୀ ମାନଙ୍କୁ ଖେଳୁଆଡ଼ ମନଭାଵ ନେଇ ଖେଳିବାକୁ କହିଥିଲେ । ତାଙ୍କ ସହ ମହେଶ୍ୱରୀ କ୍ଲବର ସଭାପତି ସୁଜିତ କୁମାର ପ୍ରଧାନ ଉପସଭାପତି ଶୁଭାଶିଷ ପ୍ରଧାନଙ୍କ ସହ ମହେଶ୍ୱରୀ ୟୁଥ କ୍ଲବର ଅନେକ ସଦସ୍ୟ ଉପସ୍ଥିତ ଥିଲେ।
ଉଦଘାଟନ ମ୍ୟାଚରେ କରଡ଼ିଙ୍ଗବାହାଳ ଟିମ୍ ନକଟିନାଳି କ୍ରିକେଟ କ୍ଲବକୁ ଭେଟିଥିଲା।ଏଥିରେ ନଉଟିନାଳି କ୍ରିକେଟ ଟିମ ପ୍ରଥମେ ବ୍ୟାଟିଙ୍ଗ କରି ୧୦୧ କରିଥିଲା ।ଜବାବରେ କରଡ଼ିଙ୍ଗବାହାଳ କ୍ରିକେଟ୍ କ୍ଲବ ୧୦୫ରନ କରି ପ୍ରଥମ ମ୍ୟାଚଟିକୁ ଜିତି ନେଇଥିଲା।୨ୟ ଲିଗ୍ ମ୍ୟାଚରେ ହିମିତିରା କ୍ରିକେଟ୍ ଟିମ ଠେଲକନାଳୀକୁ ଭେଟିଥିଲା। ଏହି ମ୍ୟାଚଟିକୁ ଠେଲକନାଳୀ ୫ ୱିକେଟରେ ଜିତି ନେଇଥିଲା । ଉଭୟ ମ୍ୟାଚର ବିଜେତାଙ୍କୁ ନେଇ ପ୍ରଥମ କ୍ୱାଟର ଫାଇନାଲ ମ୍ୟାଚ ହୋଇଥିଲା।ଏଥିରେ ଠେଲକନାଳୀ ପ୍ରଥମେ ବ୍ୟାଟିଂ କରି ନିର୍ଧାରିତ ୧୦ ଓଭରରେ ୮୮ ସଂଗ୍ରହ କରିଥିଲା ।ଜବାରେ କରଡ଼ିଙ୍ଗବାହାଳ କ୍ରିକେଟ୍ ଟିମ ୬୦ ରନରେ କରିଥିଲା । ଏହାସହ ଠେଲକନାଳୀ ଘୋଷର ପ୍ରିମିୟର ଲିଗର ପ୍ରଥମ ଟିମ ଭାବେ ସେମି ଫାଇନାଲ ପର୍ଯ୍ୟାୟକୁ ପହଞ୍ଚିଛି । ଆସନ୍ତା ସାଧାରଣତନ୍ତ୍ର ଦିବସରେ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ଅନୁଷ୍ଠିତ ହେବ।
