ବିଜେଡ଼ି ନେତାଙ୍କୁ ଟାଉସନ କରିବେ ନବୀନ । ଯେଉଁ ଦାୟିତ୍ୱ ଦିଆଯାଇଚି ତାହାକୁ କିପରି ସମ୍ପାଦନ କରୁଛନ୍ତି ତାହାର ହେବ ହିସାବ । ଏହାସହ କାହିକିଁ ସେମାନଙ୍କ ଜିଲ୍ଲାରେ ଏଥର ନିର୍ବାଚନରେ ବିଜେଡ଼ି ଭଲ ପ୍ରଦର୍ଶନ କଲା ତାହା ଉପରେ ମଧ୍ୟହେବ ଆଲୋଚନା । କେଉଁଠି ରହୁଛି ଭୂଲ । କାହିକିଁ ବିଧାୟକ,ସାହସଦ ଓ ମନ୍ତ୍ରୀମାନେ ତୃଣମୂଳ ସ୍ତରର ସଂଗଠନକୁ ନେଇ ଆଗକୁ ଯାଉଦାହାନ୍ତି । କାହାର କାହା ସହ କାହିକିଁ ସର୍ମ୍ପକ ରହୁନାହିଁ । ଦଳରେ ଅସନ୍ତୋଷର ବାତାବରଣ କିଏ ସୃଷ୍ଟି କରୁଛି । ଏମସବୁ ସହ ନୂଆ ଦାୟିତ୍ୱ ଦିଆଯିବ ନେତାଙ୍କୁ । କିପରି ବିଜେଡ଼ି ସଂଗଠନକୁ ଆହୁରୀ ମଜବୁତ କରାଯିବ । ତୃଣମୂଳ ସ୍ତରରେ ଦଳ ଯେଉଁଠି ଦୁର୍ବଳ ରହିଛି ସେଠାରେ ଦଳକୁ ମଜବୁତ କରିବା ପାଇଁ ପ୍ରସ୍ତୁତ ହେବ ବ୍ଲ୍ରୁପ୍ରିଣ୍ଟ । ସବୁନେତା କିପରି ଏକଜୁଟ ହୋଇ କାମ କରିବେ ତାହା ଉପରେ ଗୁରୁତ୍ୱ ଦେଇଛନ୍ତି ନବୀନ ।
ଏହାଛଡ଼ା କିଛି ନେତାଙ୍କୁ ଦଳରୁ ଗୁରୁଦାୟିତ୍ୱ ଦେବେ ନବୀନ । ଖାସ ସେଥିଲାଗି ସେପ୍ଟେମ୍ବର ୧ ତାରିଖରେ ଭୁବନେଶ୍ୱରର ବସିବାକୁ ଯାଉଛି ବିଜେଡ଼ିର ପରିବର୍ତ୍ତତ କାର୍ଯ୍ୟକାରିଣୀ ବୈଠକ । ଏହି ବୈଠକରେ ସମସ୍ତ ନେତା, ବିଧାୟକ,ସାଂସଦ,ମନ୍ତ୍ରୀମାନେ ଉପସ୍ଥିତି ରହିବାକୁ ଦଳ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଏହାଛଡ଼ା ସେପ୍ଟେମ୍ବର ୨ତାରିଖରୁ ବିଜୁ ଜନତା ଦଳର ସଭ୍ୟ ସଂଗ୍ରହ ଅଭିଯାନ ଆରମ୍ଭ ହେବ। ରାଜ୍ୟର ପଅତି ଗ୍ରାମାଞ୍ଚଳ ଓ ପୌରାଞ୍ଚଳରେ ଏଥିବାଇଁ ସ୍ଵତନ୍ତ୍ର ଆୟୋଜନ ହେବ। ଅକ୍ଟୋବର ୩୧ ତାରିଖ ଯାଏ ଏହି ଅଭିଯାନ ଚାଲିବ ବୋଲି ବିଜେଡି କାର୍ୟ୍ୟାଳୟ ସୂତ୍ରରୁ ସୂଚନା ମିଳିଛି। ତେବେ ଏହି ବୈଠକକୁ ନେଇ ଏବେ ରାଜନୈତିକ ମହଲରେ ନାନା ଚର୍ଚ୍ଚା ଆରମ୍ଭ ହୋଇଛି । ହେଲେ ବିଜେଡ଼ି ସୁପ୍ରିମୋ ଏହି କାର୍ଯ୍ୟକାରିଣୀ ବୈଠକରେ କି ନିଷ୍ପତି ନେଉଛନ୍ତି ତାହା ଉପରେ ଏବେ ସମସ୍ତଙ୍କ ନଜର ।
