ଜୁନ୍ ୮ରେ ଭରଚୁଆଲ ରାଲି ମାଧ୍ୟମରେ ଓଡ଼ିଶା ଲୋକଙ୍କୁ ସମ୍ବୋଧନ କରିବେ ଶାହା

- Advertisement -

ଭୁବନେଶ୍ୱର :ବିଜେପି ମୋଦି ସରକାରଙ୍କର ଦ୍ୱିତୀୟ ପାଳିର ପ୍ରଥମ ବର୍ଷ ପୂରଣ ହୋଇଛି। ଏହି ଅବସରରେ ଦଳ ଭରଚୁଆଲ ରାଲି କରିବାକୁ ଯାଉଛି। ଦେଶରେ ଲକ୍ ଡାଉନ ପାଇଁ ବିଜେପି ଡିଜିଟାଲ ମାଧ୍ୟମରେ ଲୋକଙ୍କ ପାଖରେ ପହଞ୍ଚିବ।ଏଥିପାଇଁ ଗୃହମନ୍ତ୍ରୀ ଅମିତ ଶାହା ଜୁନ୍ ୮ ତାରିଖ ଅପରାହ୍ନ ୩.୩୦ ସମୟରେ ଡିଜିଟାଲ ମାଧ୍ୟମରେ ଓଡିଶାର ଲୋକଙ୍କୁ ସମ୍ବୋଧିତ କରିବେ।
ଏହି ଅବସରରେ ବିଜେପି ରାଜ୍ୟ ସଭାପତି ସମୀର ମହନ୍ତି କହିଛନ୍ତି ମୋଦି ସରକାରଙ୍କର ପ୍ରଥମ ବର୍ଷର ସଫଳତାକୁ ଲୋକଙ୍କ ପାଖରେ ପହଞ୍ଚିବା ଏହି ଭରଚୁଆଲ ରାଳିର ମୁଖ୍ୟ ଉଦ୍ଦେଶ୍ୟ।ପ୍ରଥମ ଥର ପାଇଁ ଏକ ରାଜନୈତିକ ଦଳ ଏଭଳି ଏକ ରାଲି ଆୟୋଜନ କରିବାକୁ ଯାଉଛି। ଶାହାଙ୍କ ବ୍ୟତୀତ ଅନ୍ୟ ବକ୍ତାମାନେ ମଧ୍ୟ ଉପସ୍ଥିତ ରହିବେ। ନୂଆଦିଲ୍ଲୀରୁ ଶାହା ସମ୍ବୋଧିତ କରିବେ ଯାହା ସିଧା ପ୍ରସାରଣ ହେବ ବୋଲି ସମୀର ମହାନ୍ତି କହିଛନ୍ତି।