{} କୋଭିଡ୍ ସଂକ୍ରମିତ ଜଣେ ୧୧ ବର୍ଷୀୟ ବାଳିକାଙ୍କର ସମ୍ କୋଭିଡ୍ ହସ୍ପିଟାଲ୍ରେ ସଫଳ ଅସ୍ତ୍ରୋପଚାରକରାଯାଇଛି । ଆପେଣ୍ଡିସାଇଟିସ୍ ସମସ୍ୟା ଥିବା ଏହି ବାଳିକାଙ୍କର ଅସ୍ତ୍ରୋପଚାର କରି ତାଙ୍କୁ ସୁସ୍ଥ କରିଛନ୍ତି ସମ୍ ଶିଶୁରୋଗଅସ୍ତ୍ରୋପଚାର ବିଭାଗର ଡାକ୍ତର ।
ଭୁବନେଶ୍ୱର ପଟିଆ ଅଂଚଳର ୧୧ ବର୍ଷର ବାଳିକାର ତଳି ପେଟରେ ଯନ୍ତ୍ରଣା ହେବା ଯୋଗୁଁ ସେ ଚିକିତ୍ସା ପାଇଁ ଗତ ୨୭ ତାରିଖଦିନ ସମ୍ ହସ୍ପିଟାଲ୍କୁ ଆସିଥିଲେ । ସେଠାରେ ପରୀକ୍ଷା ନିରୀକ୍ଷା ସମୟରେ ସେ କୋଭିଡ୍ ସଂକ୍ରମିତ ଥିବା ଜଣାପଡ଼ିବା ପରେତାଙ୍କୁ ସମ୍ କୋଭିଡ ହସ୍ପିଟାଲ୍କୁ ସ୍ଥାନାନ୍ତର କରାଯାଇଥିଲା । ତେବେ ତାଙ୍କର ଅବସ୍ଥା ଗୁରୁତର ଥିବାରୁ ତାଙ୍କର ଚିକିତ୍ସା କରିବାପରେ ତୁରନ୍ତ ଅସ୍ତ୍ରୋପଚାର କରାଯିବାର ନିଷ୍ପତି ନେଇଥିଲେ ସମ୍ ହସ୍ପିଟାଲ୍ର ଶିଶୁରୋଗ ଅସ୍ତ୍ରୋପଚାର ବିଭାଗର ଆସୋସିଏଟ୍ ପ୍ରଫେସର ଡଃ ଲଳିତ ପରିଡା ।କୋଭିଡ୍ ହସ୍ପିଟାଲ୍ରେ ସମସ୍ତ କୋଭିଡ୍ ନିୟମକୁ ପାଳନ କରି ବାଳିକାଟିର ଆପେଣ୍ଡେକ୍ଟୋମି କରାଯାଇଥିଲା । ଯଦିଓ ପୂର୍ବରୁକରାଯାଇଥିବା ଅଲ୍ଟ୍ରାସାଉଣ୍ଡରେ କେବଳ ଆପେଣ୍ଡିସାଇଟିସ୍ ଚିହ୍ନଟ ହୋଇଥିଲା ତେବେ ଅପରେସନ୍ ସମୟରେ ପେଟରେ ପ୍ରାୟ ଦେଢ଼ ସେମିର ଷ୍ଟୋନ୍ ମଧ୍ୟ ଥିବାର ଜଣାପଡ଼ିଥିଲା । ଡାକ୍ତରୀ ଭାଷାରେ ଏହାକୁ ପର୍ଫୋରେଟେଡ୍ ଆପେଣ୍ଡିସାଇଟିସ୍ ୱିଥ୍ଫେକୋଲିଥ୍ ଓ ପ୍ୟାୟୋପେରିଟୋନିୟମ୍ ବୋଲି ଡାକ୍ତର ପରିଡା କହିଛନ୍ତି । ତେବେ ସର୍ଜରୀ ଦ୍ୱାରା ବାଳିକାଟିର ଶରୀରରୁ ଏହାକଢ଼ା ହୋଇଯାଇଛି ।ଡାକ୍ତର ପରିଡାଙ୍କୁ ଏହି ସର୍ଜରୀରେ ଆନାସ୍ଥେସିଓଲୋଜି ବିଭାଗର ପ୍ରଫେସର ଡଃ ସ୍ୱସ୍ତିକା ସ୍ୱାରୋ ସହାୟତା କରିଥିଲେ । ସେହିପରି ସର୍ଜରୀ ପରେ ଆଇସିୟୁରେ ତା’ର ଚିକିତ୍ସା ଓ ଯତ୍ନ ନେଇଥିଲେ ଶିଶୁରୋଗ ବିଭାଗର ଆସିଷ୍ଟାଂଟ ପ୍ରଫେସର ଡାକ୍ତରମୃଣ୍ମୟ ଦାସ ମହାପାତ୍ର ଓ ଡଃ ଶୁଭଶ୍ରୀ ବେଉରା ।ଡଃ ପରିଡା ଚଳିତ ବର୍ଷ ମେ ମାସରେ ଅନ୍ୟ ଜଣେ କୋଭିଡ ସଂକ୍ରମିତ ୧୪ ବର୍ଷୀୟ ବାଳିକାର ସେ ସଫଳ ଆପେଣ୍ଡିସାଇଟିସ୍
ସର୍ଜରୀ କରିଥିଲେ ବୋଲି କହିଛନ୍ତି ।ଡଃ ପରିଡାଙ୍କ ମତରେ କୋଭିଡ୍ ସଂକ୍ରମିତ ଶିଶୁଙ୍କ ନିକଟରେ ଆପେଣ୍ଡିସାଇଟିସ୍ ଦେଖାଦେଲେ ଏହା ଗୁରୁତର ହୋଇପାରେ ଏବଂଏଥି ନିମନ୍ତେ ତୁରନ୍ତ ଅସ୍ତ୍ରୋପଚାରର ଆବଶ୍ୟକ । ଖୁବ୍ ଶୀଘ୍ର ଝିଅଟି ହସ୍ପିଟାଲ୍ରୁ ଡିସ୍ଚାର୍ଜ ହେବ ବୋଲି ସେ କହିଛନ୍ତି ।
ଝିଅଟି ସୁସ୍ଥ ହେବା ପରେ ସମ୍ କୋଭିଡ୍ ହସ୍ପିଟାଲ୍ର ଡାକ୍ତର, ନର୍ସ ଏବଂ ଅନ୍ୟ ସ୍ୱାସ୍ଥ୍ୟକର୍ମୀମାନଙ୍କୁ ଧନ୍ୟବାଦ ଓ କୃତଜ୍ଞତାଜଣାଇଛନ୍ତି ତାଙ୍କର ବାପା ଶ୍ରୀ ଅଜୟ ନାୟକ । ଝିଅ ଅସୁସ୍ଥ ହୋଇପଡ଼ିବା ସହ କୋଭିଡ୍ ସଂକ୍ରମିତ ହେବା ପରେ ଆମେ ଭୟଭୀତହୋଇପଡ଼ ିଥିଲୁ । ତେବେ ଯେଉଁଭଳି ଭାବେ ସମ୍ କୋଭିଡ୍ ହସ୍ପିଟାଲ୍ରେ ଝିଅର ତୁରନ୍ତ ଅସ୍ତ୍ରୋପଚାର କରାଯିବା ସହ ଚିକିତ୍ସା କରାଗଲା ସେଥିପାଇଁ ଆମେ କୃତଜ୍ଞ ବୋଲି ଶ୍ରୀ ନାୟକ କହିଛନ୍ତି । ଅସ୍ତ୍ରୋପଚାର ସହ କୋଭିଡ୍ର ମଧ୍ୟ ଉତମ ଚିକିତ୍ସା
କରାଯାଉଥିଲା ଏବଂ ହସ୍ପିଟାଲ୍ ପକ୍ଷରୁ ଝିଅ ବିଷୟରେ ଆମକୁ ସବୁ ସମୟରେ ସୂଚନା ଦିଆଯାଉଥିଲ । ସମ୍ କୋଭିଡ୍ ହସ୍ପିଟାଲ୍ରଏହି ଉପକାର ଭୁଲି ହେବ ନାହିଁ ବୋଲି ଶ୍ରୀ ନାୟକ କହିଛନ୍ତି ।
