() ଅନଗୁଳ ଜିଲ୍ଲା ବନ୍ତଳା ଅଞ୍ଚଳରେ ଜଣେ କରୋନାରେ ଆକ୍ରାନ୍ତ ଚିହ୍ନଟ ହୋଇଛନ୍ତି । ଚିହ୍ନଟ ବ୍ୟକ୍ତି ଜଣଙ୍କ ସ୍ଥାନୀୟ ବାସିନ୍ଦା ହୋଉଥିବାରୁ ବହୁ ଲୋକଙ୍କ ସହିତ ସଂସ୍ପର୍ଶରେ ଆସିଛନ୍ତି। ଏ ନେଇ ପୋକତୁଙ୍ଗା, ଧୋକୁଟା, ନନ୍ଦପୁର, ସଙ୍ଖପୁର, ବନ୍ତଳା ଓ କୁମୁରିସିଙ୍ଗା ଆଦି ୬ ଟି ପଞ୍ଚାୟତ ମଙ୍ଗଳବାର ଠାରୁ ଶୁକ୍ରବାର ପରିଯ୍ୟନ୍ତ ଶଟଡାଉନ ଘୋଷଣା କରାଯାଇଛି । ଏହି ଶଟଡାଉନକୁ ସେହି ଛଅ ଟି ପଞ୍ଚାୟତ ବାସୀ ସମର୍ଥନ ଜଣାଇବା ସହିତ କେବଳ ମେଡ଼ିସିନ ଦୋକାନ, କୃଷି ଭିତ୍ତିକ ଦୋକାନ ଓ କ୍ଷୀର ଦୋକାନ କୁ ଛାଡିଦେଲେ ବାକି ଦୋକାନ ବଜାର ବନ୍ଦ ରଖି ଛନ୍ତି। ଲୋକମାନେ ଏକାଠି ରୁଣ୍ଡ ହେଉ ନାହାଁନ୍ତି କି ଘରୁ ବାହାରୁ ନାହାନ୍ତି। ଅତି ଆବଶ୍ୟକ ପଡିଲେ ମୁହଁରେ ମାକ୍ସ ପିନ୍ଧିବା ବାହାରୁ ଛନ୍ତି। ଅନ୍ୟପକ୍ଷରେ ବାରଗୌନିଆ, ବାଳୁଅ କଟା ଓ ଖିଣ୍ଡା ଆଦି ତିନୋଟି ପଞ୍ଚାୟତ ସମର୍ଥନ ଜଣାଇବା ସହିତ ଗ୍ରାମରେ ଡେଙ୍ଗୁରା ମାଧ୍ୟମରେ ସଚେତନ କରାଇ ଛନ୍ତି। ଅଧିକ କରୋନା ରୋଗୀ ଚିହ୍ନଟ ହେଲେ ଗ୍ରାମକୁ କଣ୍ଟେନମେଣ୍ଟ ଜୋନ ଭାବରେ ଘୋଷଣା କରାଯିବ ବୋଲି ଜିଲ୍ଲାପାଳ ମନୋଜ କୁମାର ମହାନ୍ତି ପ୍ରକାଶ କରିଛନ୍ତି।
