( ) ବର୍ତ୍ତମାନ ସୁଦ୍ଧା ଦ୍ୱିତୀୟ ଡୋଜ ଟୀକା ନେଇନାହାନ୍ତି ରାଜ୍ୟର 29 ଲକ୍ଷ ଲୋକ । ପ୍ରିକସନ ଡୋଜ ଟୀକା ନେଇନାହାନ୍ତି ରାଜ୍ୟର 40 ପ୍ରତିଶତ ସ୍ୱାସ୍ଥ୍ୟକର୍ମୀ । ତେବେ 90 ପ୍ରତିଶତ ଫ୍ରଣ୍ଟଲାଇନ ୱାର୍କର ପ୍ରିକସନ ଡୋଜ ଟୀକା ନେଇ ସାରିଛନ୍ତି । 18 ବର୍ଷରୁ ଉର୍ଦ୍ଧ୍ବ 96 ପ୍ରତିଶତ ପ୍ରଥମ ଡୋଜ, 12 ରୁ 14 ବର୍ଷ ବୟସ ବର୍ଗର 91 ପ୍ରତିଶତ, 15ରୁ 17 ବର୍ଷ ବୟସ ବର୍ଗର 80% ପ୍ରଥମ ଡୋଜ ଟୀକା ନେଇସାରିଛନ୍ତି । ବର୍ତ୍ତମାନ ଟୀକାକରଣକୁ ତ୍ୱରାନ୍ୱିତ କରିବାକୁ ରାଜ୍ୟରେ ଆରମ୍ଭ ହୋଇଛି ହର ଘର ଦସ୍ତକ କାର୍ଯ୍ୟକ୍ରମ । ଏଥିରେ କିଏ ପ୍ରଥମ ଡୋଜ ନେଇଛି, କିଏ ଦ୍ୱିତୀୟ ଡୋଜ ନେଇଛି, କିଏ ପ୍ରିକସନ ଡୋଜ ନେଇଛି, କିଏ ଟୀକା ନେଇନାହାନ୍ତି ତାହା ଚିହ୍ନଟ କରାଯାଇ ମୋବାଇଲ ଭ୍ୟାନ ଜରିଆରେ ଘର ଘର ବୁଲି ଟୀକା ଦିଆଯାଉଛି । ଜୁନ 1ରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ଜରିଆରେ ବର୍ତ୍ତମାନ ସୁଦ୍ଧା 1 ଲକ୍ଷ 46 ହଜାର 334 ଡୋଜ ଟୀକା ଦିଆସରିଛି । ଏବେ ରାଜ୍ୟର 2277 ଟୀକାକରଣ କେନ୍ଦ୍ରରେ ଟିକାଦାନ ଚାଲିଛି ।
ବିଜୟ କୁମାର ପାଣିଗ୍ରାହୀ, ପରିବାର କଲ୍ୟାଣ ନିର୍ଦେଶକ
