() ଆଶା କଲେ ନିରାଶ ହେବାକୁ ପଡ଼େ । ଆଶା ବିନା ବି ବଂଚିବା ମୁସକିଲ । ବେଳେବେଳେ ସମୟ ଚକ୍ରେରେ ଆଶା ଠାରୁ ଅଧିକ ବି ମିଳିଥାଏ । ତାହା ଭାଗ୍ୟ ନା ଭଲପାଇବା ତାହା ଭିନ୍ନ କଥା । ହେଲେ ଏଥିରୁ ମିଳେ ଭରପୁର ଖୁସି । ପରିବର୍ତ୍ତନଶୀଳ ଦୁନିଆରେ ସବୁ କିଛି ବଦଳିଯାଉଛି କ୍ଷଣିକ ମଧ୍ୟରେ । ଜୀବନର ଟ୍ରାକ ଯେ ହଠାତ ଲାଇନଚୁକ୍ତ ହୋଇ ନୂଆ ଦିଗରେ ଗତି କରିଚାଲିଛି । ଆଉ ତାହାରି ଭିତରେ ଆଶା, ସ୍ୱପ୍ନ ଓ ଭଲପାଇବା ଜୀବନର ସୂତାକୁ ମଜବୁତ କରୁଛି ଧୀରେଧୀରେ । ସଂଘର୍ଷ ଓ ଲଢେଇ ଭି୍ତରେ ସହଯୋଗର ସେତୁ ଏବେ ପ୍ରତ୍ୟେକ ବ୍ୟକ୍ତିଙ୍କୁ ଆଗକୁ ଯିବା ପାଇଁ ପ୍ରେରଣା ଯୋଗାଉଛି ।
ଲକ୍ଡ଼ାଉନ ଓ ସଟଡ଼ାଉନ । ତାହାରୀ ଭିତରେ ଜୀବନ ଓ ଜୀବିକା । ସବୁକିଛ ି ଚାଲିଛି । କହିବାକୁ ଗଲେ ପୁରା ନୂଆ ସମୟ ଦେଇ ଗତି କରୁଛନ୍ତି ସିର୍ଭଁଏ । ଚିନୁ ବି ସେ ସମୟ ଦେଇ ଚାଲିଛି । ଆଶା,ଭରଷା, ବିଶ୍ୱାସ ଓ ହସଖୁସି ଭିତରେ ଦିନରାତି କେତେବେଳେ ବିତିଯାଉଛି ସେ ଜାଣିପାରୁନାହିଁ । ଘରେ ଠାରୁ ବହୁଦୂରରେ ରହୁଥିବା ଚିନୁ ହଠାତ ବିଶ୍ୱ ଯେଉଁ ଅଦୃଶ୍ୟ ଶକ୍ତିକୁ ସାମ୍ନା କଲା ସେ ବି ତାହାକୁ ଏଯାଏ ସାମ୍ନା କରିଚାଲିଛି । ପ୍ରତ୍ୟେଦି ଦିନ ଅଦୃଶ୍ୟ ଶକ୍ତି ସହ ଲଢିବାର ସାହସ ଜୁଟାଇ ନିଜ କାମ କରିଚାଲିଛି । ହେଲେ ପୂର୍ବରୁ ଯେମିତି କାମ ତାର ଜୀବନ ଥିଲା ସେଥିରେ ଅନେକ ପରିବତ୍ତ୍ର୍ନ ଘଟିଛି । ସେ ଦାୟିତ୍ୱବାନ ଓ ଯତ୍ନବାନ ବି । ଭୂତାଣୁ ଯେମିତି ସଭିଁଙ୍କୁ ସଚେତନ , ସର୍ତକ ଓ କଟକଣା ଜୀବନ ଶୈଳୀ ଶିଖାଇଛି ସେ ବି ସେହି ଗଣ୍ଡି ଭିତରେ ରହି ସବୁକିଛି କରିଚାଲିଛି । ବୃତ୍ତିଗତ ଜୀବନରେ ପୂର୍ବରୁ ଯେମତି ସାହାର୍ଯ୍ୟ ଓ ସହଯୋଗ ସହକର୍ମୀମାନେ କରୁଥିଲେ ଆଜି ବି ସେ ଧାରା ଜାରୀ ରହିଛି । ହେଲେ ଏହି ବର୍ଷେ ହେବେ ଯାହା କେବେ ସେ ଆଶା କରୁନଥିଲା , ତାଠାରୁ ଅଧିକ କିଛି ପାଇଛି ସେ । କର୍ମସଂସ୍ଥା ଓ ସହକର୍ମୀ ଠାରୁ ଆବଶ୍ୟକ ଠାରୁ ଅଧିକ ସହଯୋଗ ମିଳିବା ,କିଛି ପଡ଼ୋଶୀଙ୍କ ଠାରୁ ଘର ଠାରୁ ଅଧିକ ସ୍ନେହ ପାଇଛି ସେ । ପରିବର୍ତ୍ତନ ଶୀଳ ଜୀବନରେ, ପ୍ରକୃତିକୁ ଭଲ ପାଇବା , ଜୀବଜନ୍ତୁଙ୍କୁ ଭଲ ପାଇବା ଓ ସବୁ ସ୍ତରର ସମ୍ପର୍କକୁ ବୁଝିଛ ି ସେ । ମନରେ ସାହସ ଜୁଟାଇ ସବୁ ପରିସ୍ଥିତିକୁ ସାମ୍ନା କରିବା ଓ ଅନ୍ୟକୁ ସାହସ ଦେଇପାରିଛି ସେ । ଯାହା କେବେ ଚିନୁ ଭାବିନଥିଲା । ଏମିତିକି ସ୍ୱଜନଶୀଳତା , ଆମୋଦପ୍ରମୋଦ, କଳା, ସଂସ୍କୃତି , କ୍ରୀଡା଼. ଯୋଗ, ଭଗବାନଙ୍କ ସହ ସମ୍ପର୍କ ଓ ଖୋଲା ଜୀବନ ବି ଅନେକ ଫର୍ଦ୍ଧ ଆପେଆପେ ଯୋଡ଼ିହୋଇ ହୋଇଛି ତାହା ଜୀବନରେ । ଜୀବନ ଜିଇବାର କଳା ଶିଖିଛି ସେ ଏବଂ ନିଜକୁ ଖୋଜି ପାଇଛି । ସତରେ ଏ ଦୁନିଆ କେତେ ବିଚିତ୍ର ।
