କେନ୍ଦ୍ରାପଡା: ଦକ୍ଷିଣାଞ୍ଚଳ ଡିଆଜି ଆଶିଷ ସିଂ । ଯାହାକୁ ସମସ୍ତେ ଦବଙ୍ଗ ଅଫିସର ବୋଲି କୁହନ୍ତି। ଏହି ଦବଙ୍ଗ ଅଫିସର ଏବେ ଲୋକଙ୍କୁ ହାତ ଯୋଡୁଛନ୍ତି। ଅନୁରୋଧ କରିଛନ୍ତି। ହେଲେ କଣ ପାଇଁ ? କେଉଁଠି ଏପରି ଦେଖିବାକୁ ମିଳୁଛି । ଯେତେବେଳେ ବାତ୍ୟା ଅମ୍ପାନ ଉପକୂଳ ମୁହାଁ ହୋଇଛି ,ସେତେବେଳେ ଡିଆଜି ଆଶିଷ ସିଂ କେନ୍ଦ୍ରାପଡା ଦାୟିତ୍ୱ ନେଇଛନ୍ତି । କେନ୍ଦ୍ରାପଡା ଲୋକଙ୍କୁ ବୁଝାସୁଝା କରି କିପରି ବାତ୍ୟା ଆଶ୍ରୟସ୍ଥଳିକୁ ଅଣାଯାଇପାରିବ ସେ କାମରେ ଲାଗିପଡିଛନ୍ତି ଆଶିଷ ସିଂ । ନିଜେ ବାତ୍ୟା ଆଶ୍ରୟ ସ୍ଥଳି ବୁଲୁଛନ୍ତି। ସମୁଦ୍ରକୂଳିଆ ସ୍ଥାନରୁ ବାତ୍ୟା ଆଶ୍ରୟ ସ୍ଥଳିକୁ ଆଣିବାକୁ ହାତ ଯୋଡି ଅନୁରୋଧ କରିଛନ୍ତି। ଲୋକଙ୍କ ଜୀଵନ ବଞ୍ଚେଇବା ପାଇଁ। ଆଉ ବୁଝାଉଛନ୍ତି। କେବେଳ ଗୋଟିଏ ଦିନର କଥା । ଆଶ୍ରୟ ସ୍ଥଳୀରେ ରହି ପରିବାରକୁ ସୁରକ୍ଷିତ ରଖୁବାକୁ। ଏଥିପାଇଁ ଗ୍ରାଉଣ୍ଡରେ ଆଶିଷ । ଦିନରାତି ଏକ କରି କାମ କରୁଛନ୍ତି । ତାଙ୍କ ସହ କେନ୍ଦ୍ରାପଡା ଏସପି ନୀତିଶ ଦେଖାଵତ, ତାଳଚୁଆ ଥାନା ଅଧିକାରୀ ସୁକାନ୍ତ ବାରିକ ଅଞ୍ଚଳର ସମୀକ୍ଷା କରିଛନ୍ତି। ଆଉ ଲୋକଙ୍କୁ ବୁଝାଉଛନ୍ତି ।କେବଳ ସେତିକି ନୁହଁ ବିଭିନ୍ନ ଆଶ୍ରୟସ୍ଥଳୀ ଯାଇ ଆଶିଷ ସିଂ ଲୋକଙ୍କ ଭଲ ମନ୍ଦ ବୁଝୁଛନ୍ତି ଓ ଶୁଖିଲା ଖାଦ୍ୟ ଦେଉଛନ୍ତି। lଦବଙ୍ଗ ଅଫିସରଙ୍କ ଏହି ନିଆରା ପ୍ରୟାସ ଏବେ ଚର୍ଚ୍ଚାର ବିଷୟ।
