ଯାଜପୁର: ପ୍ରତ୍ୟେକ ସପ୍ତାହରେ ଚାଲିଛି ରକ୍ତ ଦାନ ଶିବିର l ରକ୍ତ ଅଭାବରେ କେହି ଯେପରି ଜୀବନ ନ ହରାନ୍ତି ତାକୁ ଦେଖି ଏଭଳି ପଦକ୍ଷେପ ନେଇଛି ଅଶୋକ ଦାସ ଫାଉଣ୍ଡେସନ । ଯାଜପୁରରେ ଏହାର ମଙ୍ଗ ଧରିଛନ୍ତି ବିଜେଡି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ।
କେବଳ ଯାଜପୁର ନୁହେଁ, ସମଗ୍ର ରାଜ୍ୟରେ କୌଣସି ବି ବ୍ୟକ୍ତିର ରକ୍ତ ଅଭାବ ନ ହୁଏ ତାକୁ ଦେଖି ଏହି ଶିବିର ଆୟୋଜନ ଚାଲିଛି । ଖୋଦ ଭବ ଓ ପ୍ରଣବ ଏହି ରକ୍ତଦାନ ଶିବିରରେ ଉପସ୍ଥିତ ରହି ରକ୍ତଦାତା ମାନଙ୍କୁ ଉତ୍ସାହିତ କରୁଛନ୍ତି । ଉଭୟ ଅନେକ ଥର ରକ୍ତଦାନ କରି ସାଧାରଣ ଲୋକଙ୍କୁ ରକ୍ତଦାନ ପାଇଁ ଉତ୍ସାହିତ କରୁଥିବାର ନଜରି ବି ରହିଛି। ପ୍ରଣବ ଓ ଭବଙ୍କ ପ୍ରେରଣାରେ ଆଜି ଜିଲ୍ଲାର ଅନେକ ଯୁବକ ସ୍ୱଚ୍ଛାକୃତ ରକ୍ତଦାନ କରିବାକୁ ଆଗେଇ ଆସୁଛନ୍ତି । ଗୋଟେ ଦିନରେ ପ୍ରାୟ ୫୦ ରୁ ୨ଶହ ୟୁନିଟ ରକ୍ତ ସଂଗ୍ରହ ହେଉଛି । ଜିଲ୍ଲା ରେଡକ୍ରସର ସଭ୍ୟମାନେ ଉପସ୍ଥିତ ରହି ରକ୍ତ ସଂଗ୍ରହକୁ ସଫଳ କରୁଛନ୍ତି । ଯାଜପୁର ର ବିଭିନ ଯୁବକ ସଂଘ ପକ୍ଷରୁ ଉତ୍ସାହୀ ଯୁବକ ମାନେ ମଧ୍ୟ ରକ୍ତଦାନ ଶିବିରରେ ସାମିଲ ହେଉଛନ୍ତି l ସ୍ବର୍ଗତ ଅଶୋକ ଦାସଙ୍କ ନୀତି ଆଦର୍ଶରେ ଚାଲିଥିବା ଅଶୋକ ଦାସ ଫାଉଣ୍ଡେସନ ପ୍ରତ୍ୟେକ ରବିବାର ରକ୍ତଦାନ ଶିବିର ଆୟୋଜନ କରି ଜିଲ୍ଲାର ରକ୍ତ ଅଭାବକୁ ଦୂର କରିବା ସହ ସାରା ଓଡିଶା ପାଇଁ ଉଦାହରଣ ସାଜିଛି l ଆଉ ଏହାକୁ ସଫଳ କରିବାରେ ମୁଖ୍ୟ ସୂତ୍ରଧାର ସାଜିଛନ୍ତି ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଓ ଯାଜପୁର ପୌର ପରିଷଦର ପୂର୍ବତନ ଅଧକ୍ଷ୍ୟ ଭବ ପ୍ରସାଦ ଦାସ l
