ଯାଜପୁର : ଅଶୋକ ଦାସ । ନା ହିଁ ଯଥେଷ୍ଟ । ଯାହାଙ୍କ ଜନ୍ମ ଯେ କେବଳ ସେବା ପାଇଁ ହୋଇଥିଲା ତାହା ସେ ଜୀବନର ଶେଷ ନିସ୍ୱାସ ପର୍ଯ୍ୟନ୍ତ କରିଚାଲିଥିଲେ । ସେବା ହିଁ ମାନବିକତାର ବାର୍ତ୍ତା ବହକ ଥିଲେ ସେ ।
ଆଜକୁ ୧୨ବର୍ଷ ହେବ ଅଶୋକ ସଭୁଁଙ୍କୁ ଛାନି ଚାଲିଯାଇଛନ୍ତି ହେଲେ ସେ ଯେଉଁ ଚିହ୍ନ ଛାଡ଼ିଯାଇଛନ୍ତି ତାଙ୍କୁ ଝୁରୁଛନ୍ତି ଯାଜପୁରବାସୀ । ତାଙ୍କ ନୀତି ଆଦର୍ଶନରେ ଗଠିତ ହୋଇଥିବା ଅଶୋକ ଦାସ ଫାଉଣ୍ଡେସନ ଯେମିତି ଯାଜପୁରବାସୀଙ୍କ ମନରେ ପୁଣିଥରେ ଜାଗ୍ରତ ସୃଷ୍ଟି କରିଛି ଆମ ବାବୁ ଆମକୁ ଛାଡ଼ି ଯାଇନାହାନ୍ତି । ଆଜି ବି ଯାଜପୁରରେ ମୁରବୀ ଏହି ଫାଉଣ୍ଡେସନ ଜରିଆରେ ସବୁ ବୁଝୁଛନ୍ତି । ଯୁବଗୋଷ୍ଠୀଙ୍କୁ ଆହ୍ୱାନ ଦେଉଛନ୍ତି, ତମ ସାଥିରେ ଅଛି ତମେ କାମ କରିଚାଲ । ଯାଜପୁର ସହରକୁ ସୁନ୍ଦର ଭାବେ ଗଢ । ଯେମିତି ପୁରା ଓଡ଼ିଶା ଯାଜପୁରକୁ ଅନୁକରଣ କରିବ । ଯାଜପୁର ନାଁ ଆହୁରୀ ବଢିବ ।
ଯାଜପୁରମାଟିର ଏହି ସ୍ୱାଭିମାନୀ ନେତାଙ୍କ ନୀତି ଆଦର୍ଶରେ ଗଠିତ ହୋଇଥିବା ଅଶୋକ ଦାସ ଫାଉଣ୍ଡେସନ ଏବେ ଯାଜପୁର ସହରକୁ ସବୁଜ ସୁନ୍ଦର ସହର ଭାବେ ଗଢିତୋଳିବାକୁ ଲାଗିପିଛି । ଯୁବଗୋଷ୍ଠୀମାନ ସହରରେ ସଫେଇ ଅଭିଯାନକୁ ଜୋରଦାର କରିଛନ୍ତି । ସହରର ବିଭିନ୍ନ ସ୍ଥାନର ପରିମଳ ବ୍ୟବସ୍ଥା କିପରି ସୁଧାର ଆସିବ ସେନେଇ ସକାଳୁ ସକାଳୁ ଯୁବକମନେ ହାତରେ ଝାଡ଼ୁ,କୋଦାଳ ଧରି ସଫେଇ କାମରେ ଲାଗିଛନ୍ତି । ଫାଉଣ୍ଡେସନର ଏପରି କାର୍ଯ୍ୟରେ ଅଧିକାଶ ସମୟ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ(ବବି) ଯୋଗଦେଇ ନିଜେ ଝାଡ଼ୁ ଓ କୋଦାଳ ଧରି ସପେଇ କରୁଛନ୍ତି । ଯାହା ଯୁବଗୋଷ୍ଠୀଙ୍କୁ ବେଶ ଉତ୍ସାହିତ କରୁଛି । ସହରର ୧୮ଟି ୱାର୍ଡ଼, ଯାଜପୁର ନିର୍ବାଚନୀ ମଣ୍ଡଳୀର ୨ଟି ବ୍ଲକର ପ୍ରତ୍ୟେକ ଗାଁରେ ଏହି ସଫେଇ ଅଭିଯାନକୁ ଜୋରଦାର କରିଛନ୍ତି ଅଶୋକ ଦାସ ଫାଉଣ୍ଡେସନର ସଦସ୍ୟମାନେ । କେବଳ ସଫେଇ ଅଭିଯାନ ନୁର୍ହେ, ବୃକ୍ଷରୋପଣ, ରକ୍ତଦାନ ପରି ମହତ କାର୍ଯ୍ୟ ଫାଉଣ୍ଡେସନ କରୁଛି । ଏହାଛଡ଼ା ଗରିବଲୋକମାନଙ୍କୁ ସେବା କରିବା ଅଶୋକ ଦାସ ଫାଉଣ୍ଡେସନର ମୂଳଲକ୍ଷ ।
ଯାଜପୁରରେ ଭାଇଚାରା ବଜାୟ ରଖିବା ସହ ନୂଆରୂପରେ ଯାଜପୁର ଗଠନ କରିବା ପାଇଁ ସ୍ୱର୍ଗତ ଅଶୋକ ଦାସ ଯେଉଁ ସ୍ୱପ୍ନ ଦେଖିଥିଲେ ତାହା ଅଜି ବାସ୍ତବ ରୂପ ନେଇସାରିଛି । ଯିଏ ବି ଯାଜପୁର ଆସୁଛନ୍ତି ସେ ତାହା ଅନୁଭବ କରୁଛନ୍ତି । ଏଥିରେ ଯାଜପୁରବାସୀଙ୍କ ସହ ପୁଅ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କ ଅବଦାତ ବହୁତ । ହେଲ ଅଶୋକ ଦାସ ଯାହା ଚାହୁଥିଲେ ତାହା ଆଜି ତାଙ୍କ ନାଁରେ ଗଠିତ ହୋଇଥିବା ଅଶୋକ ଦାସ ଫାଉଣ୍ଡେସନ କାମ କରୁଥବାରୁ ତାଙ୍କର ୧୧ ତମ ଶ୍ରାଦ୍ଧବାର୍ଷିକରେ ଏହାଠାରୁ ବଡ଼ ଉପହାର ଆଉ କିଛି ନାହିଁ ।
