ଯାଜପୁର : ରକ୍ତ ଅଭାବରୁ ଯେମିତି କାହାର ମୃତ୍ୟୁ ନ ହେଉ । ରକ୍ତ ଭଣ୍ଡାରରେ ସବୁବେଳେ ଆବଶ୍ୟକ ରକ୍ତ ଗଚ୍ଛିତ ରହୁ । ଯୁବ ସମାଜ ସବୁବେଳେ ରକ୍ତ ଦାନ କରିବାକୁ ଆଗ୍ରହ ପ୍ରକାଶ କରୁ । ଏଥିପାଇଁ ଅଶୋକ ଦାସ ଫାଉଣ୍ଡେସନ ସବୁବେଳେ ଉଦ୍ୟମ ଜାରି ରଖିଛି । ଫଳ ସ୍ୱରୂପ ଯାଜପୁରରେ ଅଧିକାଂଶ ସମୟ ବିଭିନ୍ନ ସ୍ଥାନରେ ଅଶୋକ ଦାସ ଫାଉଣ୍ଡେସନ ତରଫରୁ ସ୍ୱେଚ୍ଛାକୃତ ରକ୍ତଦାନ ଆୟୋଜନ କରାଯାଉଛି । ଏହି ରକ୍ତଦାନ ଶିବିରରେ ନିଜ ଇଚ୍ଛାରେ ବହୁ ଯୁବକ ସାମିଲ ହୋଇ ରକ୍ତଦାନ କରୁଛନ୍ତି । ଯେମିତି ରକ୍ତଦାନ ଜୀବନ ଦାନ ଏ କଥାକୁ ଯୁବ ଗୋଷ୍ଠୀଙ୍କ ଭିତରେ ଆଗ୍ରହ ସୃଷ୍ଟି କରିପାରିଛି ଅଶୋକ ଦାସ ଫାଉଣ୍ଡେସନ । ପ୍ରତ୍ୟେକ ରବିବାର ଅଶୋକ ଦାସ ଫାଉଣ୍ଡେସନ ତରଫରୁ ଆୟୋଜନ ହେଉଛି ରକ୍ତଦାନ ଶିବିର । ଏଥିରେ ଅନେକ ବ୍ୟକ୍ତି ସାମିଲ ହୋଇ ରକ୍ତଦାନ କରୁଛନ୍ତି। ଆଉ ଯାହାର ନେତୃତ୍ୱ ନେଉଛନ୍ତି ଯୁବ ନେତା ଭଵ ପ୍ରସାଦ ଦାସ। ଏହିକ୍ରମରେ ଆଜି ବରୀ ଚତିଶଦେବଲିରେ ଅଶୋକ ଦାସ ଫାଉଣ୍ଡେସନର ୭୩ ତମ ରକ୍ତଦାନ ଶିବିର ଆୟୋଜନ କରାଯାଇ । ଏଥିରେ ଭଵ ପ୍ରସାଦ ଯୋଗଦେଇ ଆଗକୁ ମଧ୍ୟ ଏହି କାର୍ଯ୍ୟକ୍ରମ ଆହୁରୀ ଅଧିକ କରିବାକୁ ପରାମର୍ଶ ଦେଇଥିଲେ । ଜିଲ୍ଲାରେ ଯେମିତି ରକ୍ତ ଅଭାବ ନ ରହିବ ସେ ନେଇ ସଭିଏଁ ଉଦ୍ୟମରେ ଜାରୀ ରଖିବାକୁ କହିଥିଲେ l ନିକଟରେ ଅଶୋକ ଦାସ ଫାଉଣ୍ଡେସନ ତାର ପ୍ରତିଷ୍ଠା ଦିବସ ପାଳନ କରି ଏକ ବର୍ଷ ପାଇଁ ରକ୍ତଦାନ, ବୃକ୍ଷରୋପଣ କାର୍ଯ୍ୟକ୍ରମ ବ୍ୟାପକ କରିବାକୁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛି l
