- Advertisement -
ଭୁବନେଶ୍ୱର : ବିଧାନସଭାର ଶୀତ କାଳୀନ ଅଧିବେଶନ ପାଇଁ ବିଧାନସଭା ପରିସରରେ ଆରମ୍ଭ ହୋଇଛି କୋଭିଡ ଟେଷ୍ଟ । ତିନି ଦିନ ଧରି ଏହି ଟେଷ୍ଟ ହେବ । ଆସନ୍ତା ନଭେମ୍ବର 20 ତାରିଖରୁ ବିଧାନସଭାର ଶୀତ ଅଧିବେଶନ ଆରମ୍ଭ ହେବ । ଏହାକୁ ଦୃଷ୍ଟିରେ ରଖି ବିଧାୟକମାନେ ନିଜର କରୋନା ଟେଷ୍ଟ କରିଛନ୍ତି । ଏହି ମର୍ମରେ ଯାଜପୁର ବିଧାୟକ ତଥା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ (ବବି) ନିଜର କରୋନା ଟେଷ୍ଟ କରିଛନ୍ତି । ଦ୍ୱିତୀୟ ଦିନରେ ବିଧାନସଭା ପରିସରରେ ହୋଇଥିବା ସ୍ୱତନ୍ତ୍ର ବ୍ୟବସ୍ଥାରେ ପ୍ରଣବ ନିଜର କରୋନା ଟେଷ୍ଟ କରିଛନ୍ତି । ବାଚସ୍ପତିଙ୍କ ନିର୍ଦ୍ଦେଶ ଅନୁଶାରେ ସମସ୍ତ ବିଧାୟକ କରୋନା ଟେଷ୍ଟ କରିବା ବାଧ୍ୟତାମୂଳକ । ପ୍ରଥମ ଦିନରେ ୨୬ ଜଣ ବିଧାୟକ ଏହି ଟେଷ୍ଟ କରିଥିବାବେଳେ ଦ୍ୱିତୀୟ ଦିନରେ ଅଧିକାଂଶ ବିଧାୟକ କରିଛନ୍ତି । ଯେଉଁମାନଙ୍କର ରିପୋର୍ଟ ନେଗେଟିଭ ଆସିବ ସେମାନଙ୍କୁ ଅଧିବେଶନ ପାଇଁ ଅନୁମତି ମିଳିବ।
