() ନେତା ଯେମିତି କର୍ମୀ ବି ସେମିତି । ସବୁବେଳେ ଓ ସବୁ ସମୟରେ ଲୋକଙ୍କ ସହ । ସକାଳୁ ରାତି ଯାଏ ଜନସେବା । କିଏ କଣ କହିଲା, କିଏ କଣ କରୁଛି ତାହା ପଛରେ ପକାଇ ଲୋକସେବାରେ କିପରି ଅଧିକରୁ ଅଧିକ ସମୟ ଦେଇହେବ ସେ ଚିନ୍ତା ସବୁବେଳେ ଘାରିଥାଏ । ପିଲାଦିନରୁ ଜନସେବା କରିବା ଆଗ୍ରହ ଓ ପରବର୍ତ୍ତି ସମୟରେ ଛାତ୍ର ନେତୃତ୍ୱ ନେଇ ଏଯାଏ ଜନସେବା କରିବାରେ ନିଜ ଜୀବନର ବ୍ରତ କରିଛନ୍ତି । ମାନବସେବା ହିଁ ମାଧବସେବା ତାହା ସେ କଥାକୁ ସେ ଭଲ ଭାବରେ ବୁଝିଛନ୍ତି । ରାଜନୀତି ପଦ, ପଦବୀ, କ୍ଷମତା ଓ ଅୟସ , ଆରମ ପାଇଁ ନୁହେଁ, ବଂର ରାଜନୀତି ଜରିଆରେ କେତେ ଅଧିକ ଲୋକଙ୍କ ସେବା କରିହେବ ସେ କାମ ପ୍ରତ୍ୟେକ ଦିନ କରିଚାଲିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ନୀତି, ଆଦର୍ଶରେ ଅନୁପ୍ରାଣିତ ହୋଇ ଭବ କାମ କରୁଛନ୍ତି ।
ରକ୍ତ ଅଭାବରୁ ଯେମିତି କେହି ଲୋକ ମରିବେନି ସେ ନେଇ ମୁଖ୍ୟମନ୍ତ୍ରୀ ଦେଇଥିବା ଆହ୍ୱାନକୁ ଗ୍ରାଉଣ୍ଡରେ ଅକ୍ଷର ଅକ୍ଷରେ ପାଳନ କରିଛନ୍ତି ଭବ । ବିଜେଡ଼ି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ରକ୍ତଦାନ ମହତ ଦାନ ଏହି ଅଭିଯାନକୁ ଯାଜପୁରରେ ଏକ ଜନ ଆନ୍ଦୋଳନରେ ପରିଣତ କରିଛନ୍ତି ସେ । ଜୀବନ ବିନ୍ଦୁ ଓ ଅଶୋକ ଦାସ ଫାଉଣ୍ଡେସନର ମିଳିତ ସହଯୋଗରେ ପ୍ରତି ରବିବାର ଯାଜପୁରରେ ରକ୍ତଦାନ ଶିବିର ଆୟୋଜିତ ହେଉଛି । ଏବେ ଯାଜପୁର ନିର୍ବାଚନୀ ମଣ୍ଡଳୀରେ ରକ୍ତଦାନ କରିବା ପାଇଁ ଯୁବ ପିଢିମାନେ ଆଗ୍ରହ ପ୍ରକାଶ କରୁଛନ୍ତି । କେବଳ ସେତିକି ନୁହେଁ, ସହରର ସୌନ୍ଦଯ୍ୟକରଣର ସାରଥୀ ମଧ୍ୟ ସାଜିଛନ୍ତି । ପ୍ରତି ରବିବାର ଗରିବ ଲୋକଙ୍କୁ ଅଶୋକ ଦାସ ଫାଉଣ୍ଡେସନ ପକ୍ଷରୁ ମାଗଣାରେ ଖାଦ୍ୟ ବଣ୍ଟନ କରାଯାଉଛି ।
ସକାଳ ୬ଟାରୁ ରାତି ୯ଟା ଯାଏ ଭବ ଲୋକଙ୍କ ସହ ରହି ସେମାନଙ୍କ ସୁଖଦୁଃଖ ବୁଝନ୍ତି । ସକାଳୁ ଘରେ, ଏହାପରେ କାଳିମେଘାରେ ଜନ ଶୁଣାଣୀ କରନ୍ତି । ଯାଜପୁର ବ୍ଲକ, ଦଶରଥପୁର ବ୍ଲକ ଓ ଯାଜପୁର ପୌର ପରିଷଦ ଲୋକମାନେ ବିଭିନ୍ନ ସମସ୍ୟା ନେଇ ତାଙ୍କୁ ଅବଗତ କରାନ୍ତି । ସେ ମଧ୍ୟ ଧର୍ଯ୍ୟର ସହ ସବୁ ଲୋକଙ୍କ କଥା ଶୁଣିବା ପରେ ଜନଶୁଣାଣୀରେ ଲୋକଙ୍କ ସମାଧାନ ପାଇଁ ବିଧାୟକ ଗଠନ କରିଥିବା ଟିମକୁ ଦାୟିତ୍ୟ ଦେଇ ତୁରନ୍ତ ସମାଧାନ କରନ୍ତି । ପ୍ରତି ରବିବାର ବିଧାୟକ ପ୍ରଣବ ପ୍ରକାଶ ଦାସ ବି ଶୁଣାଣୀ କରିବା ସହ ୬ଦିନର ଲୋକଙ୍କ ଅଭିଯୋଗ ଓ ସମସ୍ୟା ଉପରେ କଣ କାର୍ଯ୍ୟାନୁଷ୍ଠାନ ଗ୍ରହଣ କରାଗଲା ତାହାର ସମୀକ୍ଷା କରନ୍ତି ବବି । ସେହିପରି ପ୍ରତ୍ୟେକ ଦିନ ବିଭିନ୍ନ ପଂଚାୟତକୁ ଯାଇ ଲୋକଙ୍କ ସମସ୍ୟା ବୁଛିବା ସହ ପଂଚାୟତରେ ଉନ୍ନୟନ କାମ କିପରି ଚାଲିଛି ତାହା ବିଧାୟକଙ୍କ ପ୍ରତିନିଧି ଭାବେ ଭବ ତଦାରଖ କରିବା ସହ ତୁରନ୍ତ ବିଭିନ୍ନ ପ୍ରକଳ୍ପ କାମ କିପରି ସରିବ ସରକାରୀ ଅଧିକାରୀଙ୍କ ସହ ଆଲୋଚନା କରନ୍ତି । ପ୍ରଣବ ପରି ଭବ ମଧ୍ୟ ଲୋକଙ୍କ ସହ ରହି କାମ କରିବାକୁ ଭଲ ପାଆନ୍ତି ।
ଭବ ଓ ବବି ନେତୃତ୍ୱ ଉପରେ ଭରଷା କରି ବିରୋଧୀ ଗୋଷ୍ଠୀର ନେତା ଓ କର୍ମୀମାନେ ବିଜେଡ଼ିରେ ସାମିଲ ହେଉଛନ୍ତି । ପ୍ରତ୍ୟେକ ଦିନ ଜିଲ୍ଲାର ମିଶ୍ରଣ ପର୍ବ ଚାଲିଛି । ଯାଜପୁରରେ ଧୀରେଧୀରେ ବିରୋଧୀଙ୍କ ଦୁର୍ଗ ଭାଙ୍ଗିବାରେ ଲାଗିଛି । ଆଗକୁ ପଂଚାୟତ ଓ ପୌର ନିର୍ବାଚନ ଥିବାରୁ ବିରୋଧୀ ଦଳର ନେତୃତ୍ୱ ନେଉଥିବା ଅନେକ ଆଗ ଧାଡ଼ିର ନେତା ବିଜେଡ଼ିରେ ସାମିଲ ହେବା ନେଇ ଯାଜପୁର ଜିଲ୍ଲାରେ ଜୋରଦାର ଚର୍ଚ୍ଚା ଚାଲିଛି ।
ରାଜନୀତିରୁ ଉର୍ଦ୍ଧରେ ରହି ପ୍ରଣବ ଯେପରି ବିରୋଧୀ ଓ ଶାସକ କିଛି ନଭାବି ଯାଜପୁର ସାମଗ୍ରୀକ ବିକାଶ କରୁଛନ୍ତି ତାହାକୁ ସବୁ ମହଲରେ ସ୍ୱାଗତ କରାଯାଉଛି । ବିକାଶ ପଥେ ଆଗେଇ ଚାଲିଛି ଯାଜପୁର ଜିଲ୍ଲା । ବିରୋଧୀ ଯେତେ ମିଥ୍ୟା ପ୍ରଚାର କରୁଥିଲେ ମଧ୍ୟ ଏହାକୁ ଖାତିର ନକରି ଉଭୟ ବବି ଓ ଭବ ଜନକଲ୍ୟାଣ ସେବାରେ ଲାଗିଛନ୍ତି । ସାଜିଛନ୍ତି ନୂତନ ଯାଜପୁର ଗଠନର ବିନ୍ଧାଣୀ ।
