() ଭାଙ୍ଗୁଛି ବିରୋଧୀ କ୍ୟାମ୍ପ। ଅଧିକ ଶକ୍ତିଶାଳୀ ହେଉଛି ବିଜେଡ଼ି । ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ବିଜେଡ଼ି ପ୍ରତି ବିଭିନ୍ନ ବର୍ଗର ଲୋକ ସାମିଲ ହେଉଛନ୍ତି । ସବୁଠାରୁ ବଡ଼ କଥା ହେଉଛି ନବୀନ ଶାସନ କାଳ ଯେତେ ବଢୁଛି ଲୋକଙ୍କ ବିଜେଡ଼ି ପ୍ରତି ସେତିକି ଆକର୍ଷଣ ବଢ଼ୁଛି । 
ସାଧାରଣତଃ ଦେଖାଦିଏ ଯେ ସରକାର ଅବଧି ବଢିଲ ସରକାର ବିରୋଧୀ ହାୱା ବହେ । ନବୀନଙ୍କ ଶାସନରେ କିନ୍ତୁ ବିପରୀତ । କାରଣ ମୁଖ୍ୟମନ୍ତ୍ରୀ ସବୁବେଳେ କହିନ୍ତି ଯେ ସାଢେ ଚାରିକୋଟି ଓଡ଼ିଆ ତାଙ୍କର ପରିବାର । ତେଣୁ ରାଜନୀତି ନୁହେଁ, ସେବା ପାଇଁ ତାଙ୍କ ଦଳ ଉତ୍ସଗୀକୃତ । ଦିନକୁ ଦିନ ବିଜେଡ଼ି ପ୍ରତି ଲୋକଙ୍କ ଆସ୍ଥା ଓ ବିଶ୍ୱାସ ଯେମିତି ହୁହୁ ହୋଇ ବଡିଚାଲିଛି ।
ଲୋକମାନେ ବିଜେଡ଼ି ପ୍ରତି ଆକର୍ଷିତ ହେବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ନବୀନଙ୍କ ଅତି ବିଶ୍ୱସ୍ତ ଯାଜପୁର ବିଧାୟକ ତଥା ଦଳର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ (ବବି) । ବିଜେଡ଼ି ସଂଗଠନକୁ ମଜବୁତ କରିବା ପାଇଁ ଯେଉଁ ମେକାନିଜିମ କାମ କରୁଛି ତାହାର ଚାବି ପ୍ରଣବଙ୍କ ପାଖରେ ।
ସାଗଂଠନିକ ସମ୍ପାଦକ ଭାବେ ପ୍ରଣବ ପଂଚାୟତ ଠାରୁ ଆରମ୍ଭ କରି ଶୀର୍ଷ ନେତୃତ୍ୱର ସଂଗଠନକୁ ଚଳଚଞ୍ଚଳ କରିଛନ୍ତି । ପାରମ୍ପରିକ ରାଜନୀତି ବିଶ୍ୱାସ ନକରି ଗ୍ରାଉଣ୍ଡକୁ ଯାଇ ବବି କାମ କରୁଛନ୍ତି । ରାଜଧାନୀରେ ରହି ନେତାଙ୍କୁ ନର୍ଦ୍ଧେଶ ଦେବା ନୁହେଁ, ସମଗ୍ର ରାଜ୍ୟରେ ବିଭିନ୍ନ ଜିଲ୍ଲାକୁ ଗସ୍ତ କରି ସଂଗଠନକୁ ଅଧିକ ମଜବୁତ କରିବାରେ ଲାଗିଛନ୍ତି । କେବଳ ସଂଗଠନ ନୂହେଁ, ଗାଁକୁ ଯାଇ ଲୋକଙ୍କ ସୁଖ ଦୁଃଖ ବୁଝିବା ସହ ପଂଚାୟତରେ ରାତି ମଧ୍ୟ କଟାଉଛନ୍ତି । 
କେବଳ ନିଜ ଜିଲ୍ଲା କି ଦାୟିତ୍ୱରେ ଥିବା ଜିଲ୍ଲା ନୁହେଁ, ଘନଘନ ବିଭିନ୍ନି ଜିଲ୍ଲାକୁ ତୋଫାନି ଗସ୍ତ କରି ଦଳୀୟ ନେତା, କର୍ମୀ ଓ ସାଧାରଣ ଲୋକଙ୍କ ସହ ବବି ଆଲୋଚନା କରୁଛନ୍ତି । ଏହାସହ ରାଜ୍ୟ ସରକାରଙ୍କ ବିଭିନ୍ନି ଯୋଜନାର ଲୋକମାନେ କିପରି ଅଧିକ ଫାଇଦା ପାଇପାରିବେ ସେନେଇ ବିଜେଡ଼ି ବିଧାୟକ, ସାଂସଦ ,ମନ୍ତ୍ରୀ, ନେତା, ଓ ର୍କମୀଙ୍କ ଗୁରୁମନ୍ତ୍ର ଦେଉଛନ୍ତି । ଅଧିକରୁ ଅଧିକ ସମୟ ଲୋକଙ୍କ ସେବାରେ ନିୟୋଜିତ ହେବା ପାଇଁ ବବି ନେତା ଓ କର୍ମୀଙ୍କ ନିର୍ଦ୍ଦେଶ ଦେଇଛନ୍ତି ।
ନବୀନଙ୍କ ନୀତି ଆଦର୍ଶ ଓ ପ୍ରଣବଙ୍କ ସାଂଗଠନିକ ଦକ୍ଷତାକୁ ବିଶ୍ୱାସକୁ ନେଇ ବିରୋଧୀ କ୍ୟାମ୍ପରୁ ନେତାଏ ଏବେ ବିଜେଡ଼ି ମୁହାଁ ହୋଇଛନ୍ତି । ସେ ଯାଜପୁର, ମୟୁରଭଞ୍ଜ, ଭଦ୍ରକ ହେଉ ଅବା କେନ୍ଦୁଝର, ମାଲକାନାଗିରି କଳାହାଣ୍ଡି କି କୋରାପୁଟ । ସବୁଠି ବିରୋଧୀ ଦଳର ନେତା ଓ କର୍ମୀ ବିଜେଡ଼ିରେ ସାମିଲ ହେଉଛନ୍ତି । ବିଶ୍ୱାସ ବିଜେଡ଼ିରେ ହିଁ ରହି ଲୋକଙ୍କ ସେବା କରିହେବ ଓ ରାଜନୀତିରେ ଆଗକୁ ଯାଇହେବ ।
ପୂର୍ବରୁ ବିଜେଡ଼ିର ନୂତନ କାର୍ଯ୍ୟାଳୟ ଭିତ୍ତିପ୍ରସ୍ତର ସ୍ଥାପନ ସମୟରେ ବିଜେଡ଼ି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ(ବବି) କହିଛନ୍ତି ସାଢେ ଚାରିକୋଟି ଓଡ଼ିଆଙ୍କ ପାଇଁ ବିଜେଡ଼ି ଦଳ ସମପିତ । ପ୍ରତ୍ୟେକ ଓଡ଼ିଆଙ୍କ ପାଇଁ ରାଜନୀତି ଠାରୁ ଉର୍ଦ୍ଧରେ ରହି ବିଜେଡ଼ି ନେତା ଓ କର୍ମୀ କାମ କରୁଛନ୍ତି ଓ ଭବିଷ୍ୟତରେ ବି କରିବେ ।
ବିଜେଡ଼ିର ଦିନକୁ ଦିନ ଶକ୍ତିବୃଦ୍ଧି ରାଜ୍ୟରେ ବିରୋଧୀଙ୍କୁ ଚିନ୍ତାରେ ପକାଇଛି । ଏହାକୁ ପ୍ରତିରୋଧ କରିବା ପାଇଁ ବିଭିନ୍ନ ପ୍ରସଙ୍ଗ ନେଇ ବିରୋଧୀ ବିଜେଡ଼ିକୁ ହରଡ଼ଘଣାରେ ପକାଇବାକୁ ଚେଷ୍ଟା କରୁଥିଲେ ମଧ୍ୟ ତାହା ଫଳପ୍ରଦ ହୋଇ ପାରୁନାହିଁ , ନବୀନ ଓ ପ୍ରଣବ ଦକ୍ଷତା ପାଖରେ । ଯାହାର ଫଳସ୍ୱରୂପ ଦିନକୁ ଦିନ ପୁରା ଓଡ଼ିଶା ଶଙ୍ଖମୟ ହେବାରେ ଲାଗିଛି ।
