ଭୁବନେଶ୍ୱର : ବନ୍ଦେ ଉତ୍କଳ ଜନନୀକୁ ଗତକାଲି ରାଜ୍ୟ ସଂଗୀତ ମାନ୍ୟତା ମିଳିଛି।ଏବେ ଏହାକୁ ପାଠ୍ୟ ପୁସ୍ତକରେ ମଧ୍ୟ ସାମିଲ କରାଯିବ। ହେଲେ ଏହି ବର୍ଷ ସାମିଲ କରାଯିବ ଯିବ ନା ନାଇଁ ସେଥିପାଇଁ ବିଭାଗ ବିଚାର ବିମର୍ଷ କରୁଛି ।ଏହାସହ ୪ଟା ବେଳେ ଛୁଟି ହେବା ପୂର୍ବରୁ ଏହି ସଙ୍ଗୀତ ଗାନ କରାଯିବ ବୋଲି କହିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ।
ମନ୍ତ୍ରୀ ସମୀର ଦାଶ କହିଛନ୍ତି , ଚଳିତ ବର୍ଷ ବହି ବଣ୍ଟା ସରିଛି ।ସଙ୍ଗୀତର ପୂର୍ଣାଙ୍ଗ ରୂପ ରେଖ ଆସିଲା ପରେ ବିଭାଗ ଏ ନେଇ ପଦକ୍ଷେପ ନେବ। ଯେହେତୁ ଏବେ ସବୁ ପିଲାଙ୍କ ପାଖକୁ ବହି ପହଂଚା ସରିଛି , ଆଉ ପାଠ୍ୟ ପୁସ୍ତକରେ ବନ୍ଦେ ଉତ୍କଳ ଜନନୀକୁ ସାମିଲ କରାଯାଇ ପାରିବନି।ତେଣୁ ଏବର୍ଷ ସ୍ୱତନ୍ତ୍ର ପୁସ୍ତିକା କରି ଦେବାର ବ୍ୟବସ୍ଥା କରାଯିବ ।ଏନେଇ ବିଭାଗ ବିସ୍ତୁତ ଅନୁଧ୍ୟାନ ପରେ ନିଷ୍ପତ୍ତି ନିଆଯିବ ବୋଲି ବୋଲି ବିଭାଗୀୟ ମନ୍ତ୍ରୀ କହିଛନ୍ତି।ଏହାସହ ସ୍କୁଲରେ ୪ଟା ବେଳେ ଛୁଟି ହେବା ପୂର୍ବରୁ ଏହି ସଙ୍ଗୀତ ଗାନ କରାଯିବ। ଏବେ ବି କିଛି ସ୍କୁଲ ରେ ଗାନ କରାଯାଉଛି। ଆସନ୍ତା ବର୍ଷ ପାଠ୍ୟକ୍ରମ ରେ ସ୍ଥାନ ପାଇବ। ସୂଚନା ଓ ପ୍ରସାରଣ ବିଭାଗ ଯେଉଁ ଆଧାରରେ ଏହା କରିବ ସେ ଅନୁସାରେ ପାଠ୍ୟକ୍ରମ ରେ ସାମିଲ ହେବ। ସଙ୍ଗିତ ରହିବ ଓ କାନ୍ତକବିଙ୍କ ସଂପର୍କରେ ମଧ୍ୟ ବହିରେ ସ୍ଥାନ ପାଇବ। ମନ୍ତ୍ରୀଙ୍କ ଏହି ପ୍ରତିକ୍ରିୟା ପରେ ବିଭିନ୍ନ ମହଲରୁ ଶିକ୍ଷା ବିଭାଗକୁ ପ୍ରଶଂସା କରାଯାଉଛି।
