() ରୀତିକାନ୍ତି ରେ ପାଳିତ ହେଲା ମା ବିରଜା ଙ୍କ ବନଜାଗ ଉତ୍ସବ, ଆଙ୍କର:-ଯାଜପୁର ଭାରତର ପ୍ରାଚିନତମ ଶନ୍ତିପୀଠ ମଧ୍ଯରୁ ଯାଜପୁର ଅଧିଷ୍ଠାତ୍ରୀ ଦେବୀ ମା’ବିରଜାଙ୍କର ଶକ୍ତିପିଠ ଅନ୍ୟତମ ଭାବେ ସାରା ବିଶ୍ୱବିଦିତ, କାହିଁ କେଉଁ ଅନାଦି କାଳରୁ ଯାଜପୁରରେ ମା’ବିରଜା ପୂଜା ପାଇଆସୁଛନ୍ତି । ମା’ବିରଜା ଦ୍ୱିଭୂଜା ଅଟନ୍ତି । ବାମ ହାତରେ ମହିଁଷିର ଲାଙ୍ଗୁଡ଼ ଧରିଥିବା ବେଳେ ଡ଼ାହାଣ ହାତରେ ତି୍ରଶୂଳ ଧରି ମହିଷିକୁ ବଧ କରିଛନ୍ତି । ମା’ଙ୍କ ମସ୍ତକରେ ଗଣେଶ, ବାସୁକି, ଯୋନିି, ଲିଙ୍ଗ, ଚନ୍ଦ୍ର ଶୋଭାପାଉଛି । ମା’ ପରମ ବୈଷ୍ଣବିଭାବେ ପୂଜା ପାଆନ୍ତି । ସାରା ବିଶ୍ୱରେ ଦ୍ୱିଭୂଜା ମୁର୍ତ୍ତି ପୂଜା ପାଉଥିବାର କେଉଁଠି ଦେଖିବାକୁ ମିଳେ ନାହିଁ । ମା’ବିରଜା ବନଦୁର୍ଗା ମନ୍ତ୍ରରେ ପୂଜା ପାଆନ୍ତି . ଭାଦ୍ରବ ମାସ 22ଦିନ ବୁଧବାର 7ତାରିଖ ଦିନ 4.05ମିନିଟ ପରେ ଆରମ୍ଭ ହୋଇଥିଲା ମା ବିରଜା ଙ୍କ ବଳି ମଣ୍ଡପ ପାଖରେ ସାବିତ୍ରୀ ଓ ସରସ୍ବତୀ ଙ୍କ ଯଥାବିଧି ପୂଜା. ଶୁଭ ସୁନିଆ ରେ ମା ବିରଜା ଙ୍କ ବନଜାଗ ଵିଧି ପୂଜା ଅନୁଷ୍ଠିତ ହୋଇଥିଲା । ଏହାପରେ ନବାଙ୍କ ବା ନୂଆ ଅଙ୍କ ତାଳପତ୍ର ରେ ଲେଖନୀ ରେ ଲେଖା ଯାଇଥିଲା । ମା ବିରଜା ଙ୍କୁ ପୂଜା କରିଥିବା ସମସ୍ତ ପୂଜକ ଉପସ୍ଥିତ ରହି ଏହି ଵିଧି ସମାପନ କରିଥିଲେ ।ରଥ ନିର୍ମାଣ ନିମନ୍ତେ ଶୁଭ ସୁନିଆ ଠାରୁ ମା’ବିରଜାଙ୍କ ବନଯାଗ ବିଧି ପର୍ବ ଅନୁଷ୍ଠିତ କରାଯାଇ ରଥପାଇଁ ବିଲ୍ୱବରଣୀ ଅନୁକୁଳ ହୋଇଥିଲା ।ଏହା ପୂର୍ଵ ଓ ଉତ୍ତର ଦିଗ ରେ ଛେଦନ ହୋଇ ନଥିବା ବେଲ ଗଛ କୁ ମନ୍ଦିର ପୂଜାରୀ, ବାରିକ ଓ ଟ୍ରଷ୍ଟ ର ଜଣେ ସଦସ୍ୟ ଙ୍କ ଦ୍ୱାରା ସ୍ଥିରୀକୃତ କରାଯାଇଥିଲା ।ମନ୍ଦିର ନିକଟ ହାଟପାଟଣା ଗ୍ରାମର ବୃନ୍ଦାବନ ଙ୍କ ଘରୁ ଆସିଥିଲା ରଥ ନିର୍ମାଣ ପାଇଁ ବେଲ୍ଵ ବରଣ କାଠ । ଏହି ଶୋଭା ଯାତ୍ରାରେ ସମସ୍ତ ପୂଜକ ଘଣ୍ଟ ବାଡେଇ ପୂଜା ଵିଧି କରି ବିଲ୍ଵ ବରଣୀ ପାଇଁ ଆଣିଥିଲେ।
