() ନନ୍ଦିପୁରିଆ ନନା । ଗାଁ ଶେଷ ମୁଣ୍ଡରେ ସଉଦା ଦୋକାନୀ । ଭାରି ଷୁଣ୍ଠି ଲୋକ । କାହାକୁ ଟଙ୍କାଟିଏ ଛାଡନନ୍ତି ନାହିଁ , କି କାହାକୁ ବାକି ଦିଅନ୍ତିନି । ବଜାରରେ ଯେଉଁ ସାମଗ୍ରୀ ଦର ୫ଟଙ୍କା ତାହା ନନ୍ଦିପୁରିଆ ନନା ଦୋକନାରେ ୮ଟଙ୍କା । ଚାଉଳ ,ଡ଼ାଲି, ଆଳୁ, ପିଆଜ , ହେଉ ଅବା ତେଲ, ବିସ୍କୁଟ , ଚେନାଚୁର, କି ସାମ୍ପ,ସାବୁନ । ଏମିତି ଥଣ୍ଡା, ଆଇସ୍ରିମ, ପର୍ଯ୍ୟନ୍ତ ମିଳେ ତାଙ୍କ ଦୋକାନରେ । ସବୁ ଦର ଚଢା । ଛୁଞ୍ଚି ଠାରୁ ଔଷଧ ଯାଏ ସବୁମିଳେ ନନ୍ଦିପୁରିଆ ଦୋକାନରେ । ଗାଁର ଗୋଟିଏ ବୋଲି ଦୋକାନ । ମୁଖ୍ୟ ବଜାରକୁ ଛାଡ଼ି ଦେଲେ ଆପପାଖ ୫ କିଲୋମିଟର ପର୍ଯ୍ୟନ୍ତ ଦୋକନା ନାହିଁ । ଷୁଣ୍ଠିଆ ନନା ନାଁରେ ବେଶ ପରିଚିତ ଆଖପାଖ ଅଂଚଳରେ ।
ମହାବତ୍ୟା ସମୟ । ଗାଁ ଲୋକେ ଦୁଇଦିନ ଆଗରୁ ମୁଖ୍ୟ ବଜାରକୁ ଯାଇ ଯାହା କିଣାକିଣି କରି ଆଣିଥାନ୍ତି । କିଛି ସବୁ ଜିନିଷ କିଣିକି ଆଣିଥିଲେ ମଧ୍ୟ ଘରେ ପହଞ୍ଚିଗଲା ବେଳେ ଭୂଲିଯାଇଥିବା ଆଉ କିଛି ଜିନିଷ ନନ୍ଦିପୁରିଆ ନନାଙ୍କ ଦୋକାନରୁ ଆଣନ୍ତିି । ହେଲେ ଗାଁରେ ଅନେକ ଏମିତି ଘର ଅଛି ଯେଉଁମାନେ ନନ୍ଦିପୁରିଆ ନନା ଦୋକାନରୁ କିଣିବାକୁ ବାଧ୍ୟ । ଏହାଛଡ଼ା କଲେଜ ବନ୍ଧରେ ଯେହେତୁ ନନାଙ୍କ ସଉଦା ଦୋକାନ । ତେଣୁ ହଷ୍ଟେଲ ଛାତ୍ରଛାତ୍ରୀ ବି ନନାଙ୍କ ଦୋକାନରୁ ସଉଦା ଓ ଆବଶ୍ୟକ ଜିନିଷ କିଣନ୍ତି । ତାଙ୍କୁ ଦରଦାମର ଫରକ କିଛି ପଡ଼େ ନାହିଁ । ସବୁଜିନିଷ ଅଧିକ ଦାମରେ ବିକ୍ରି କରୁଥିବା ନନ୍ଦିପୁରିଆ ନନାଙ୍କୁ ଯେମିତି ବାତ୍ୟା ବଡ଼ ସୁଯୋଗ ଦେଇଥାଏ । ବଜାରରେ ଦର ଯାହା ଥାଉ କା କାହିକିଁ , ଏ ସମୟରେ ନନା ପାଟିରୁ ଯାହା ଦାମ ବାହାରିଲା ତାହା ଦେବାକୁ ଆପଣ ବାଧ୍ୟ ।
ଏମିତି ବାତ୍ୟାପୂର୍ବ ଦିନ ଯୁକ୍ତ ତିନି ଛାତ୍ର ରୋଜି ମହାନ୍ତି ନନାଙ୍କ ଦୋକାନରୁ ସଉଦା କିଣିବାକୁ ଗଲା । ଯେ ଆଜି କାଲିର ଝିଅ । ପହଞ୍ଚିଛି କି କହିଲା ଅଙ୍କଲ ଆଜି ଟିକେ ଅଧିକ ଜିନିଷ ନେବି । ହେଲେ ମୋ ପାଖରେ ପଇସା ନାହିଁ, ପେଟିଏମ କି ଗୁଗୁଲ ପେ ରେ ପଇସା ଦେବି ଆପଣଙ୍କୁ । ନନ୍ଦିପୁରିଆ ନନାର ସୁନ୍ଦରୀଙ୍କ ପ୍ରତି ଟିକେ ଦୁୂର୍ବଳତା ଥାଏ । ସବୁ ପୁରୁଷଙ୍କର ସେମିତି ବି ସୁନ୍ଦର ଝିଅ ଦେଖିଲେ ଟିକେ ଆବଶ୍ୟକ ଠାରୁ ଅଧିକ ସହଯୋଗ କରିବାକୁ ଆଗେଇ ଆସନ୍ତି । ଏମିତି ନନାଙ୍କ ସ୍ତ୍ରୀ ଭାରି ମୋଟି ଓ ଦେଖିବାକୁ କାଳି । ତେଣୁ ନନା ସୁନ୍ଦରୀଙ୍କ ପ୍ରତି ଆକର୍ଷିତ ହେବା ସ୍ୱଭାବିକ । ଆଉ ରୋଜି ତ ଯୌବନର ପ୍ରଥମ ପାହାଚରେ । ଦେଖିବାକୁ ତୋଫା ଗୋରା ଓ ତନୁ ପତଳୀ । କହିବାକୁ ଗଲେ ଭାରି ସୁନ୍ଦରିଆ ଝିଅଟିଏ । ସେ ଖଣ୍ଡ ମଣ୍ଡଳରେ ରୋଜିର ଡ଼ିମାଣ୍ଡ ବି କିଛି କମ ନୁହେଁ । ତାହା ସହ ରୋଜିର ଆଧୁନିକ ଡ଼୍ରେସ । ଟୋକା ତ ଟୋକା , ୭୦ବର୍ଷ ବୁଢା ବି ରୋଜି କଲେଜ ଗଲା ବେଳେ କଣେଇ କଣେଇ ଚାର୍ହିଦିଅନ୍ତି । ତେଣୁ ରୋଜି ଯେତେବେଳେ ନାନାଙ୍କୁ କହିଛି ପଇସା ନାହିଁ, ହେଲେ ମୁଁ ଜିିନିଷ ନେବି ବାତ୍ୟା ଆସୁଛି । ତେଣୁ ନନ୍ଦିପୁରିଆ ନନା ଆଉ ମନା କଲା ନାହିଁ । ଜୀବନରେ କେବେ ବାକି ଦେଇନଥିବା ନନ୍ଦିପୁରିଆ ନନା ରୋଜିକୁ ୨୭ଶହ ୫୦ଟଙ୍କାର ଜିନିଷ ବାକି ଦେଲା । ରୋଜି ଜିନିଷ ନେବା ବେଳେ କହିଲା, ଅଙ୍କଲ ବାତ୍ୟା ଛାଡ଼ିଲେ ମୁଁ ଏଟିଏମକୁ ଯାଇ ପଇସା ଉଠାଇ ଆପଣଙ୍କର ସବୁ ଟଙ୍କା ଦେଇଦେବି । ଏହା କହି ହସିଦେଲା, କହିଲା ଅଙ୍କଲ ଆପଣଙ୍କ ପରି ଲୋକେ ଅଛନ୍ତି ବୋଲି ଆମେ ହଷ୍ଟେଲ ପିଲାମାନେ ଘର ଠାରୁ ଦୂରରେ ରହି ବି ଘର ଓ ଗାଁରେ ଥିବା ପରି ଲାଗୁଛି । ବାତ୍ୟା ଛାଡ଼ିଗଲା । ବାତ୍ୟାରେ ଭୟଙ୍କର କ୍ଷତି ହୋଇଥିବା ସ୍କୁଲ ,କଲେଜରେ ଲୋକେ ମାସକାଳ ଧରି ରହିବେ ବୋଲି ସରକାର ଘୋଷଣା କଲେ । ଅନ୍ୟପଟେ ବତ୍ୟା କ୍ଷୟକ୍ଷତିକୁ ଲକ୍ଷ କରି ସବୁ ପରୀକ୍ଷା ବିି ବାତିଲ କଲେ ସରକାର । ଏମିତି ବି ମହାମାରୀ ସମୟରେ ପରୀକ୍ଷା ହେବ କି ନାହିଁ ତାହା ଅନିଶ୍ଚିତତା ଭିତରେ ଥିଲା । ଆଉ ଠିକ ଏହି ସମୟରେ ବାତ୍ୟା ଆସିଲା । ତେଣୁ ସରକାରକ ସବୁ ପରୀକ୍ଷା ବାତିଲ କରି ସବୁ ପିଲାଙ୍କୁ ପାସ ବୋଲି ଘୋଷଣା କରିଦେଲେ । ରୋଜି ପରୀକ୍ଷା ବାତିଲ ହେବା କଥା ଶୁଣି , ଗାଁକୁ ପଳେଇଲା । ବିଚାର ନନ୍ଦିପୁରିଆ ନନାର ବାକି ପଇସା ବୁଡ଼ିଗଲା । ସେହିଦିନ ଠାରୁ ସୁନ୍ଦରୀ ନାରୀ ଓ ମହାବାତ୍ୟା କଥା ଶୁଣିଲେ ନନା ମନରେ କୋକୁଆ ଭୟ ।
