() ଛାତ୍ର ଜୀବନରୁ ମାନବ ସେବା ହିଁ ମାଧବ ସେବା ନୀତିକୁ ଗ୍ରହଣ କରିଥିବା ଭବ ଏବେ ଯାଜପୁରବାସୀଙ୍କ ସୁଖ ଓ ଦୁଃଖର ସାହାରାବାଡ଼ି ସାଜିଛନ୍ତି । ପାହାନ୍ତାରୁ ରାତି ଯାଏ କେବଳ ଗୋଟିଏ ଲକ୍ଷ କେତେ ଲୋକଙ୍କ ସେବା କରିହେବ ।ଆଉ ଯଦି କିଏ ବିପଦରେ ପଡ଼ିଛି କି କାହାର କିଛି ଅସୁବିଧା ଅଛି ଏ ଖବର ଯଦି ଭବ କାନରେ ପଡ଼େ , ତେବେ ସେ ସଙ୍ଗେସଙ୍ଗେ ସବୁ କାମ ଛାଡ଼ି ସେ ବ୍ୟକ୍ତି ବା ତାଙ୍କ ପରିବାର ପାଖରେ ଯାଇ ଛିଡ଼ା ହୋଇଯାଆନ୍ତି । 
ଗରିବଙ୍କ ବେଦନା ସେ ସହିପାରନ୍ତିନି । ସବୁବେଳେ ବିଜେଡ଼ି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ (ବବି)ଙ୍କ ପରି ନିଃସ୍ୱାର୍ଥପର ଭାବେ ଯାଜପୁରବାସୀଙ୍କ ସେବା କରିବାରେ ସେ ବି ଆଗଭର । ସକାଳ ୬ଟାରୁ ସେ ଅଭିଯୋଗ ପ୍ରକୋଷ୍ଠରେ ବସି ବିଭିନ୍ନ ଲୋକଙ୍କ ସମସ୍ୟା ବୁଝନ୍ତି । ଅଭିଯୋଗ ପ୍ରକୋଷ୍ଠକୁ ଆସି ଯେମିତି କୌଣସି ସାଧାରଣ ଲୋକ ହଇରାଣ ନହୁଏ ଓ ଘଣ୍ଟା ଘଣ୍ଟା ଧରି ଛିଡ଼ା ନହେବ ସେଥିପ୍ରତି ସେ ବିଶେଷ ଦୃଷ୍ଟି ଦିଅନ୍ତି । 
ନିଜେ ଅଭିଯୋଗ ପ୍ରକୋଷ୍ଠରେ ଅଭିଯୋଗ ନେଇ ଆସିଥିବା ପ୍ରତି ବ୍ୟକ୍ତିଙ୍କ ସହ ଆଲୋଚନା କରି ସେମାନଙ୍କ ସମସ୍ୟା ବୁଝି ସମାଧାନ କରିବା ପାଇଁ ଅଣ୍ଟା ଭିଡ଼ନ୍ତି । ତୁରନ୍ତ ଲୋକଙ୍କ ସମସ୍ୟା ଦୂର କରିବା ପାଇଁ ବିଧାୟକଙ୍କ ନିର୍ଦ୍ଦେଶରେ ଏକ ବଡ଼ ଟିମ ବି ସେ ଗଠନ କରିଛନ୍ତି କେବଳ ଲୋକଙ୍କ ସମସ୍ୟା ଦୂର କରିବା ପାଇଁ ।
କେବଳ ସେତିକି ନୁହେଁ ଲୋକଙ୍କ ସମସ୍ୟା ବିଜେଡ଼ି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରତିନିଧି ଭାବେ ଭବ ନିର୍ବାଚନ ମଣ୍ଡଳୀର ୨ଟି ବ୍ଲକରେ ବିକାଶମୂଳକ କାର୍ଯ୍ୟକ୍ରମ କିପରି ତ୍ୱରାନୀତ ହେବ ତାହା ଉପରେ ବି ବିଶେଷ ଗୁରୁତ୍ୱ ଦିଅନ୍ତି । ଘନଘନ ପ୍ରଶାସନିକ ଅଧିକାରୀଙ୍କ ସହ ଆଲୋଚନା କରି ବିକାଶମୂଳକ କାର୍ଯ୍ୟକ୍ରମ ଆଗେଇ ନିଅନ୍ତି । ପ୍ରତି ଦିନ ସେ ବିଧାୟକଙ୍କ ଏ ସର୍ମ୍ପକରେ ଅବଗତ କରିବା ସହ କେଉଁଠି କେଉଁ ସମସ୍ୟା ପାଇଁ କାମ ଆଗେଇ ପାରୁନାହିଁ ସେ କଥା ବି ଅବଗତ କରାନ୍ତି । 
ଏହାସହ ଲୋକଙ୍କ ଦାବି କଣ ରହିଛି ଓ କଣ ନୂଆ କରିହେବ ସେ ଆଲୋଚନା କରନ୍ତି ସେ । ବିଧାୟକ ପ୍ରଣବ ବି ପ୍ରତିନିଧି ଭବ ଯେଉଁ ପ୍ରସ୍ତାବ ଦିଅନ୍ତି ଓ ଲୋକଙ୍କ ଦାବିକୁ ଅଧିକ ଫୋକସ କରି ଯୁଦ୍ଧକାଳୀନ ଭିତ୍ତିରେ ସବୁ ସମସ୍ୟା ଦୂର କରନ୍ତି । ବ୍ୟସ୍ତ ରାଜନୈତିକ କାର୍ଯ୍ୟକ୍ରମ ଭିତରେ ସପ୍ତାହରେ ୫ଦିନ ପ୍ରଣବ ଯାଜପୁର ଗସ୍ତ କରି ନେତାଙ୍କୁ ଯେଉଁ ଦାୟିତ୍ୱ ଦେଇଥାଆନ୍ତି ତାହାର ତଦାରଖ କରିବା ସହ କାମ କରିନଥିବା ନେତା ଓ ଅଧିକାରୀଙ୍କୁ ବି ତାଗିତ କରନ୍ତି । ଯାଜପୁର ପାଇଁ ବିଧାୟକ ପ୍ରଣବ ପ୍ରକାଶ ଦାସ ଯେଉଁ ସ୍ୱପ୍ନ ଦେଖିଛନ୍ତି ତାହାକୁ ଗ୍ରାଉଣ୍ଡରେ ବାସ୍ତବ ରୂପ ଦିଅନ୍ତି ଭବ ।
ଏହାସହ ଜିଲ୍ଲାକୁ ସବୁଜ ସୁନ୍ଦର କରିବା ପାଇଁ ସବୁବେଳେ ବିଭିନ୍ନ ପଂଚାୟତରେ ବୃକ୍ଷରୋପଣ କାର୍ଯ୍ୟକ୍ରମ ଯୋଗଦେଇ ଲୋକମାନଙ୍କୁ ଗଛ ଲଗାଇବା ପାଇଁ ଉତ୍ସାହିତ କରନ୍ତି । ଜିଲ୍ଲାରେ ଯେପରି ରକ୍ତ ଅଭାବ ନରହିବ ସେନେଇ ପ୍ରତି ସପ୍ତାହରେ ଅଶୋକ ଦାସ ଫାଉଣ୍ଡେସନ ପକ୍ଷରୁ ବିଭିନ୍ନ ସ୍ଥାନରେ ରକ୍ତଦାନ ଅଭିଯାନ କରି ରକ୍ତ ଅଭାବ ଦୂର କରିବା ଭବ ପ୍ରମୁଖ ସେନାପତି ସାଜନ୍ତି । ଯାଜପୁରକୁ ସବୁଜ ସୁନ୍ଦର ଓ ସ୍ୱଚ୍ଛ ରଖିବା ପାଇଁ ଯୁବଗୋଷ୍ଠୀଙ୍କୁ ଉତ୍ସାହିତ କରି ଅନେକ ଦାୟିତ୍ୱ ଦିଅନ୍ତି । ସହର ଓ ଗାଁ କିପରି ସ୍ୱଚ୍ଛ ରହିବ ସେ ଦାୟିତ୍ୱ ପ୍ରତ୍ୟେକ ଯାଜପୁରବାସୀ ନେବାକୁ ବିଧାୟକ ଯେଉଁ ଆହ୍ୱାନ ଦେଇଥିଲେ ତାହାକୁ ସେ ସଫଳ କରିଛନ୍ତି, ଲୋକଙ୍କୁ ସଚେତନ କରିବା ସହ ଦଳର ସଂଗଠନକୁ ମଜବୁତ କରିବା ପାଇଁ ଦଳୀୟ କର୍ମୀଙ୍କ ସହ ଘନଘନ ବୈଠକ କରି ସଂଗଠନକୁ ଅଧିକ ମଜବୁତ କରିବା ସହ ରାଜ୍ୟ ସରକାରଙ୍କ ବିଭିନ୍ନ ଯୋଜନା କିପରି ଅଧିକ ଲାଭ ଲୋକେ ପାଇପାରିବେ ସେନେଇ ଦଳୀୟ ନେତାଙ୍କୁ ଗୁରୁମନ୍ତ୍ର ଦିଅନ୍ତି ଭବ ।
ଯାଜପୁରବାସୀଙ୍କ ସେବା କରିବା ପାଇଁ ବବି ଓ ଭବଙ୍କ ଯୁଗଳ ଯୋଡ଼ି ଏବେ ଯାଜପୁରକୁ ନୂଆରୂପ ଦେଇଛି । ନୂଆ ଓଡ଼ିଶା ଓ ନୂଆ ଯାଜପୁର ଗଠନ ବିନ୍ଧାଶୀ ସାଜିଛନ୍ତି ବବି ଓ ଭବ । ଖାସ ସେଥିପାଇଁ ତ ଯାଜପୁର ନିର୍ବାଚନୀ ମଣ୍ଡଳୀରେ ବିରୋଧ ଏବେ ଛିଟପଟାଙ୍ଗ । ପ୍ରଣବଙ୍କ ବିକାଶ ଏଜେଣ୍ଡା ସହ ରାଜନୈତିକ ଗୋଟି ଚାଳନାରେ ଧରାଶୟୀ ହୋଇଛନ୍ତି ଯାଜପୁରରେ ବିରୋଧୀ ବିଜେପି ଓ କଂଗ୍ରେସ । କ୍ଷମତା କି ପଦ ପଦବୀ ନୁହେଁ, ଲୋକଙ୍କ ପାଇଁ ନିଃସ୍ୱାର୍ଥପର ସେବା ଦେବା ପାଇଁ ବବି ଓ ଭବ ଉଦମ୍ୟକୁ ଯାଜପୁରବାସୀ ଶତ ପ୍ରଶଂସା କରିଛନ୍ତି । ସଭିଙ୍କ ହୃଦୟରେ ଏବେ ଗୋଟିଏ କଥା ଭାଇ ଅଛନ୍ତି ତ ସବୁ ଅଛି । ପୁରା ଯାଜପୁରବାସୀଙ୍କ ଭାଇ ସାଜିଛନ୍ତି ବବି ଓ ଭବ ।
