{} ଝାରସୁଗୁଡ଼ାରେ ଭାରତ ଯୋଡ଼ ଯାତ୍ରା – ଓଡ଼ିଶା କୁ ବିପୁଳ ଜନସମର୍ଥନ।
ଝାରସୁଗୁଡ଼ା ଜିଲ୍ଲାର ଯୁବକ ଯୁବତୀମାନଙ୍କୁ ସ୍ଥାନୀୟ ଶିଳ୍ପରେ ନିଯୁକ୍ତି ମିଳୁନାହିଁ – ଶରତ ପଟ୍ଟନାୟକ।
() ଆଜି ପ୍ରଦେଶ କଂଗ୍ରେସ ସଭାପତି ଶ୍ରୀ ଶରତ ପଟ୍ଟନାୟକଙ୍କ ନେତୃତ୍ୱରେ ସୁନ୍ଦରଗଡ଼ ଜିଲ୍ଲାର ଭସ୍ମାଠାରୁ \”ଭାରତ ଯୋଡ଼ ଯାତ୍ରା – ଓଡ଼ିଶା\’ର ଯାତ୍ରା ଆରମ୍ଭ ହୋଇଥିଲା । ଯାତ୍ରୀମାନେ ଆଜି ଦିନସାରା ଝାରସୁଗୁଡ଼ା ସହର ପରିକ୍ରମା କରିଥିଲେ । ଅପରାହ୍ନରେ ଝାରସୁଗୁଡ଼ାର ବୃନ୍ଦା ମଲ୍ଠାରେ ଆଜିର କାର୍ଯ୍ୟକ୍ରମ ସମାପ୍ତ ହୋଇଥିଲା । ଏହି ପରିପ୍ରେକ୍ଷୀରେ ପ୍ରଦେଶ କଂଗ୍ରେସ ସଭାପତି ଶ୍ରୀ ଶରତ ପଟ୍ଟନାୟକ ଗଣମାଧ୍ୟମକୁ କହିଥିଲେ ଯେ, ଝାରସୁଗୁଡ଼ା ଜିଲ୍ଲା ଓଡ଼ିଶାର ଶିଳ୍ପକେନ୍ଦ୍ର ହୋଇଥିବା ବେଳେ ଏଠିକାର ବାସିନ୍ଦା ଉପେକ୍ଷିତ ଏବଂ ଅବହେଳିତ । ସ୍ଥାନୀୟ ଲୋକଙ୍କୁ ନିଯୁକ୍ତି ନାହିଁ । ରାଜ୍ୟର ବିଜେଡି ସରକାର ଓ କେନ୍ଦ୍ରର ବିଜେପି ସରକାର ଏଠିକାର କମ୍ପାନୀମାନଙ୍କ ଦ୍ୱାରା ଅନୁଗୃହୀତ ହେଉଛନ୍ତି । ଝାରସୁଗୁଡ଼ାର ଲୋକେ ଧୂଳି, ଧୂଆଁ ଖାଇ ରୋଗାଗ୍ରସ୍ତ ହେଉଛନ୍ତି । ମାତ୍ର ମୋଦି ସରକାର ଓ ନବୀନ ସରକାରଙ୍କୁ ସନ୍ତୁଷ୍ଟ କରି କମ୍ପାନୀର ମାଲିକମାନେ ମାଲେମାଲ୍ ହେଉଛନ୍ତି । ଝାରସୁଗୁଡ଼ାର ଯୁବକମାନଙ୍କର ସ୍ୱର ନରମି ଯାଉଛି । ନିଜର ଅଧିକାର ପାଇଁ ଲଢ଼େଇ କରନ୍ତୁ । କଂଗ୍ରେସ ଦଳ ସେମାନଙ୍କ ସହିତ ଅଛି । ଏଠି ବିଜେଡି ଓ ବିଜେପି ମାଫିଆରାଜ ଚଳାଇଛନ୍ତି । ଶିଳ୍ପମାନଙ୍କର ମନମାନି ବିରୁଦ୍ଧରେ ସାଧାରଣ ଜନତା ଦୁର୍ବାର ଆନ୍ଦୋଳନ କରନ୍ତୁ । ନିଜର ଅଧିକାର ପ୍ରାପ୍ତ ହୁଅନ୍ତୁ । ଝାରସୁଗୁଡ଼ା ଲୁଣ୍ଠିତ ହେଉଛି । ଏହାକୁ ଦେଖି ଏଠିକାର ଯୁବକ, ଛାତ୍ର, ବୁଦ୍ଧିଜୀବୀ ଓ ସମାଜସେବୀ ତଥା ସାମାଜିକ ସଂଗଠନ ନିର୍ଭୟରେ ପ୍ରତିବାଦ କରନ୍ତୁ ।ମୋଦି ଓ ନବୀନ ସରକାରଙ୍କର ମିଥ୍ୟା ପ୍ରତିଶ୍ରୁତି ଜନସାଧାରଣଙ୍କୁ ଭ୍ରମିତ କରିଥିଲା । ଭାରତ ଯୋଡ଼ ଯାତ୍ରା – ଓଡ଼ିଶା ସାଧାରଣ ଜନତାଙ୍କୁ ଜାଗ୍ରତ କରାଉଛି । ଆବାସ ଯୋଜନାରେ ଯେଉଁ ସର୍ତ୍ତ ରଖାଯାଇଛି, ଏହାକୁ ଶ୍ରୀ ପଟ୍ଟନାୟକ ନିନ୍ଦା କରିଛନ୍ତି । ଏହି ସର୍ତ୍ତ ଥିବା ଲୋକେ ଅଧାରୁ ଅଧିକ ଆବାସ ଯୋଜନା ପ୍ରାପ୍ତ ହୋଇଛନ୍ତି । କେବଳ ଜନସାଧାରଣଙ୍କୁ ଭୁଆଁ ବୁଲାଇବା ପାଇଁ ଏଭଳି ବ୍ୟବସ୍ଥା କରାଯାଇଛି ବୋଲି ଶ୍ରୀ ପଟ୍ଟନାୟକ କହିଛନ୍ତି । ତାଲିକା ଦଳ ମତ ଆଧାରରେ କରାଯାଇଛି । ଏଥିରେ ବିଜୁ ଜନତା ଦଳର କର୍ମୀମାନେ ଅଧିକ ଉପକୃତ ହେବେ ।
ମୋଦି ଓ ନବୀନ ସରକାରଙ୍କର ନିଯୁକ୍ତି ପ୍ରତିଶ୍ରୁତି ଲଜ ୍ୟାଜନକ ବୋଲି ଶ୍ରୀ ପଟ୍ଟନାୟକ କହିଥିଲେ । ବର୍ଷକୁ ନବୀନଙ୍କର ୨ ଲକ୍ଷ ଓ ମୋଦିଙ୍କର ୨ କୋଟି ନିଯୁକ୍ତି ପ୍ରତିଶ୍ରୁତି ଆଜି ପ୍ରତାରଣରେ ପରିଣତ ହୋଇଛି । ନବୀନ ସରକାର ଓଡ଼ିଶାର ଯୁବକ ଯୁବତୀମାନଙ୍କୁ ଠକି ଦେଇଛନ୍ତି । ମୋଦି ସରକାର \”ପକୋଡ଼ା ବିକ୍ରି\’ ନିଯୁକ୍ତିର ଅଂଶବିଶେଷ ବୋଲି କହି ବେକାର ଯୁବକ ଯୁବତୀମାନଙ୍କୁ ଉପହାସ କରିଛନ୍ତି । ମୋଦି ଓ ବିଜେପି ଧର୍ମ, ଜାତି, ବର୍ଣ୍ଣ ଓ ଭାଷା ଆଧାରରେ ଭାରତକୁ ଖଣ୍ଡଖଣ୍ଡ କରିବା ପାଇଁ ଷଡ଼ଯନ୍ତ୍ର କରୁଛନ୍ତି । ମାନ୍ୟବର ରାହୁଲ ଗାନ୍ଧୀଙ୍କର \”ଭାରତ ଯୋଡ଼ ଯାତ୍ରା\’ ଭାରତର ଅଖଣ୍ଡତା, ଭ୍ରାତୃଭାବ ରକ୍ଷା ପାଇଁ ଉଦ୍ଦିଷ୍ଟ । ଓଡ଼ିଶାରେ ଭାରତ ଯୋଡ଼ ଯାତ୍ରା କଳଙ୍କିତ ନବୀନ ଶାସନର ପତନ ଘଟାଇବ । ଚାଷୀ, ଯୁବକ, ଦଳିତ, ଆଦିବାସୀ, ମହିଳା ସମସ୍ତେ ନବୀନ ପଟ୍ଟନାୟକଙ୍କ କୁଶାସନରେ ଅତିଷ୍ଠ । ଭାରତ ଯୋଡ଼ ଯାତ୍ରା ଜନଜାଗରଣ ସୃଷ୍ଟି କରୁଛି । ଏ ରାଜ୍ୟର ଉପେକ୍ଷିତ, ପତିତ, ଅତ୍ୟାଚାରିତ ଓ ଅବହେଳିତ ଜନତାର ସ୍ୱର ହେଉଛି ଭାରତ ଯୋଡ଼ ଯାତ୍ରା – ଓଡ଼ିଶା । ମୋଦି ଓ ନବୀନକୃତ ମହଙ୍ଗା ମାଡ଼ରୁ ନିସ୍ତାର ପାଇଁ ଭାରତ ଯୋଡ଼ର ଶାଣିତ ସ୍ୱରରେ ନିଜର ସ୍ୱର ମିଳେଇବାକୁ ସାଧାରଣ ଜନତାଙ୍କୁ ଶ୍ରୀ ପଟ୍ଟନାୟକ ନିବେଦନ କରିଛନ୍ତି । ଓଡ଼ିଶାର ଅର୍ଥନୈତିକ, ରାଜନୈତିକ ଓ ସାମାଜିକ ପରିବର୍ତ୍ତନ ପଇଁ ଭାରତ ଯୋଡ଼ ଯାତ୍ରାରେ ଅଂଶଗ୍ରହଣ କରିବାକୁ ଶ୍ରୀ ପଟ୍ଟନାୟକ ଆହ୍ୱାନ ଦେଇଥିଲେ । ଆଜି ସମ୍ବଲପୁର ଜିଲ୍ଲା ବିଜେଡିର ଉପସଭାପତି ଡଃ ସୁବାସ ନାୟକ ବିଧିବଦ୍ଧ ଭାବରେ ଶ୍ରୀ ପଟ୍ଟନାୟକଙ୍କ ଉପସ୍ଥିତିରେ କଂଗ୍ରେସ ଦଳରେ ଯୋଗ ଦେଇଥିଲେ ।
ଆଜିର କାର୍ଯ୍ୟକ୍ରମରେ କିଶୋର ପଟେଲ, ବିରେନ୍ ପାଣ୍ଡେ, ପ୍ରଦୀପ ଦେବତା, ଅଶୋକ ମିଶ୍ର, ବୁଲୁ ପଣ୍ଡା, ମହେନ୍ଦ୍ର ନାୟକ, ଅମିତା ବିଶ୍ୱାଳ, ସଞ୍ଜୟ ତ୍ରିପାଠୀ, ଜ୍ଞାନ ପଟ୍ଟନାୟକ, ଦୀପକ ମହାପାତ୍ର, ମନୋଜ ସାହୁ,କୈଳାସ ସାହୁ, ମହମ୍ମଦ ସାହାଦୁଲ୍ଲା, ସୁବ୍ରତ ପ୍ରଧାନ, ଭାସ୍କର ପଟେଲ, ପ୍ରଫୁଲ୍ଲ ପାଣ୍ଡେ, କୃଷ୍ଣଚନ୍ଦ୍ର ଭୋଇ, ସାହାରୁକ୍ ଖାଁ, ତରୁଣ ପାଣ୍ଡେ ଓ ରାହୁଲ ଠାକୁର ପ୍ରମୁଖ ଅଂଶଗ୍ରହଣ କରିଥିଲେ ବୋଲି ଭାରତ ଯୋଡ଼ ଯାତ୍ରା – ଓଡ଼ିଶାର ମିଡିଆ ଇନ୍ଚାର୍ଜ ପ୍ରକାଶ ମିଶ୍ର ଏକ ପ୍ରେସ୍ ବିଜ୍ଞପ୍ତିରେ ଜଣାଇଛନ୍ତି ।
