ଭୁବନେଶ୍ୱର : ଆସନ୍ତାକାଲି ବିଧାନସଭାର ମୌସୁୂମୀ ଅଧିବେଶନ ବସିବାକୁ ଯାଉଛି । ଅଧିବେଶନ ପୂର୍ବରୁ ଶାସକ ଓ ବିରୋଧୀ ରଣନୀତି ପ୍ରସ୍ତୁତ କରିବାକୁ ଅଣ୍ଟା ଭିଡ଼ିଛନ୍ତି । ଅପରାହ୍ନ ୫ଟା୩୦ ମିନିଟରେ ବିଧାନସଭାର ୫୪ ନମ୍ବର ପ୍ରକୋଷ୍ଠରେ ବିଜେଡ଼ି ବିଧାୟକ ଦଳ ବୈଠକ ବସିବାକୁ ଯାଉଛି । ମୁଖ୍ୟମନ୍ତ୍ରୀ ଅଧ୍ୟକ୍ଷତାରେ ବସିବାକୁ ଯାଉଥିବା ଏହି ବୈଠକରେ ବିଜେଡ଼ି ସମସ୍ତ ବିଧାୟକ ଯୋଗଦେଇ ରଣନୀତି ପ୍ରସ୍ତୁତ କରିବେ । ବିଶେଷକରି ରାଜ୍ୟର ସ୍ୱାର୍ଥ ସମ୍ବଳିତ ପ୍ରସଙ୍ଗକୁ କିପରି ଗୃହରେ ଆଲୋଚନା କରାଯିବ ତାହାରି ଉପରେ ବିଶେଷ କରି ବୈଠକରେ ଆଲୋଚନା ହେବ । ଏହାସହ ବିରୋଧୀ ଦଳର ସଦସ୍ୟମାନେ ଯେଉଁ ପ୍ରସଙ୍ଗ ଉଠାଇବେ ଗୃହରେ ତାହାକୁ ଗଠନ ମୂଳକ ଆଲୋଚନା ଜରିଆରେ ଜବାବ ଦେବାକୁ ଦଳ ବ୍ଲୁପ୍ରୀଣ୍ଟ ପ୍ରସ୍ତୁତ କରିବ । ସେହିପରି ସଂନ୍ଧ୍ୟାରେ କଂଗ୍ରେସ ବିଧାୟକ ଦଳ ବୈଠକ ବସିବ । ବୈଠକରେ କୃଷି ବିଲ, ବନ୍ୟା, କୋଭିଡ଼ ପରିଚାଳନା ତ୍ରୃଟି, ଜିଏସଟି ପ୍ରସଙ୍ଗ, ବିଜୁଳି ଦଳ ବୃଦ୍ଧି ଓ ଆଇନ ଶୃଙ୍ଖଳା ପରିସ୍ଥିତି କଥା ଉଠାଇ ଗୃହରେ ଜବାବ ମାଗିବ ଦଳ । ତେବେ ଉଭୟ ଦଳର ବୈଠକରେ ସାମାଜିକ କଟକଣା ଓ ଯେଉଁ ବିଧାୟକମାନେ କରୋନାରେ ଆକ୍ରାନ୍ତ ସେମାନଙ୍କୁ ଦାବ ଦିଆଯାଇଛି ।
