ଭୁବନେଶ୍ୱର : ପ୍ରାକୃତିକ ବିପର୍ଯ୍ୟୟ ମୁକାବିଲାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ସାରା ବିଶ୍ୱ ପାଇଁ ଉଦାହରଣ ସାଜିଛନ୍ତି । ସେ ବତ୍ୟା,ବନ୍ୟା ପରି ପ୍ରାକୃତିକ ବିପର୍ଯ୍ୟୟ ହେଉ ଅବା ମହାମାରୀ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦୃରଦୃଷ୍ଟି ଯୋଗୁଁ ରାଜ୍ୟ ଏହାକୁ ସଫଳତାର ସହ ମୁକାବିଲା କରୁଛି । ଏବେ ଯେମିତି କୋଭିଡ଼ ୧୯କୁ ରାଜ୍ୟ ସଫଳତାର ସହ ଲଢୁଛି । ପ୍ରଥମଥର ଲାଗି ସାରା ବିଶ୍ୱ ଯେତେବେଳେ ଏକ ଅଜଣା ଭୂତାଣୁ ସହ ଲଢୁଛି , ସେତେବେଳେ ମୁଖ୍ୟମନ୍ତ୍ରୀଙ୍କ ଦୂରଦୃଷ୍ଟି ଯୋଗୁଁ ଓଡ଼ିଶା କୋଭିଡ଼ ୧୯ ମୁକାବିଲା ପାଇଁ ଅନେକ ଆଗୁଆ ପଦକ୍ଷପ ଗ୍ରହଣ କରିଥିଲା । ଯାହାର ଫଳ ସ୍ୱରୂପ ଆଜି ସାରା ବିଶ୍ୱରେ ଓଡ଼ିଶାରେ ସୁସ୍ଥତା ହାର ଅଧିକ ଥିବା ବେଳେ ମୃତ୍ୟୁହାର ବି ବହୁତ କମ । ଯାହା ଆମ ପାଇଁ ଏକ ବଡ଼ ସଫଳତା । ତେଣୁ ଏଥିଲାଗି ଆମେ ସମେସ୍ତ ମୁଖ୍ୟମନ୍ତ୍ରୀଙ୍କ ପାଖରେ ନମନ । କୋଭିଡ଼ ୧୯କୁ ଯେଉଁଭଳି ଭାବରେ କୋଭିଡ଼ ଯୋଦ୍ଧାମାନେ ମୁଖ୍ୟମନ୍ତ୍ରୀ ନେତୃତ୍ୱରେ ଏକ ହୋଇ ଲଢେଇ କରି ଏହି ସଫଳତା ଆଣିଛନ୍ତି ସେ ସମସ୍ତ ଯୋଦ୍ଧା ଆଜି ପ୍ରଶଂସାର ପାତ୍ର । ତାଙ୍କ ପାଖରେ ଆମେ ସମସ୍ତେ ଋଣୀ।
ଡ଼ାକ୍ତର,ସ୍ୱାସ୍ଥ୍ୟକର୍ମୀ , କରୋନା ଯୋଦ୍ଧା ଓ ବିଶେଷକରି ଘରର ମାଆମାନେ ଯେପରି ଦିନରାତି ଏକ କରି ଲୋକଙ୍କ ଜୀବନ ବଂଚାଉଛନ୍ତି ଏଥିଲାଗି ଓଡ଼ିଶାରେ କରୋନ ମୁକାବିଲା ଠିକ ଚାଲିଛି । ସ୍ୱତନ୍ତ୍ର କୋଭିଡ଼ ହସ୍ପିଟାଲ ନିର୍ମାଣ କରିବା , ଅଧିକ ଟେଷ୍ଟିଂ କରିବା, କରୋନା ରୋଗୀଙ୍କର ସ୍ୱତନ୍ତ୍ର ଯତ୍ନନେବା, ପୁଷ୍ଟିକର ଖାଦ୍ୟ ଦେବା ଆଦି କ୍ଷେତ୍ରରେ ଓଡ଼ିଶା ବେଶ ଭଲ କାମ କରୁଛି । ଯେଉଁଥି ପାଇଁ ମୁଖ୍ୟମନ୍ତ୍ରୀ ବିଧାୟକ ,ମନ୍ତ୍ରୀ,ସାଂସଦ , ସରକାର କର୍ମଚାରୀ ଦରମା ଓ ଅଧିକାଶ ବିଭାଗର ଖର୍ଚ୍ଚକାଟ କରି ସବୁ ସ୍ୱାସ୍ଥ୍ୟସେବାରେ ଲଗାଇଛନ୍ତି ।ଆଉ ଲକ୍ଷ କେବଳ ଜୀବନ ବଂଚାଇବା । ସେ କାମ ଜାରୀ ରହିଛି । ଏ ଲମ୍ବା ଲଢେଇ ଜାରୀ ରହିଥିବା ବେଳେ କେତେକ ନ୍ୟସ୍ତସ୍ୱାର୍ଥ ଗୋଷ୍ଠୀ ଏପରି ମହାମାରୀ ଯୁଦ୍ଧ ସମୟରେ ସାମନ୍ୟ ଭୂଲ ଭଟକାକୁ ନେଇ ଗାଁ ଓ ସହରରେ ଗୁଜବ ସୃଷ୍ଟି କରୁଛନ୍ତି । ଆମର ରାଜନାତୀ କରିବା,ସମାଲୋଚନା କରବା ପାଇଁ ସମସ୍ତଙ୍କର ଅଧିକାରୀ ଅଛି , ହେଲେ ଯେତେବେଳେ ଓଡ଼ିଶା ମହାମାରୀ ଯୁଦ୍ଧ ଲଢୁଛି ସେତେବେଳେ ଏପରି ଗୁଜବ ଓ ଅପପ୍ରଚାର କରିବା ଠିକ ନୁହେଁ ବୋଲି ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ କହିଛନ୍ତି । ଖାସ ସେଥିଲାଗି ବିଜେଡ଼ିର ଯୁବ ଓ ଛାତ୍ର ସଂଗଠନ ସଜାଗ ହେବା ପାଇଁ ସେ ପରାମର୍ଶ ଦେଇଛନ୍ତି । ଗାଁଗାଁରେ ଯେଉଁମାନେ ମହାମାରୀ ସମୟରେ ଗୁଜବ କରୁଛନ୍ତି ସେମାନଙ୍କୁ ରୋକିବା ପାଇଁ ପ୍ରଣବ ପରାମର୍ଶ ଦେଇଛନ୍ତି । ଏଥିଲାଗି ଛାତ୍ର ଓ ଯୁବ କର୍ମୀମାନେ ଉତ୍ସାହର ସହ କାମ କରିବାକୁ ସେ ଆହ୍ୱାନ ଦେଇଛନ୍ତି । କରୋନା ମୁକାବିଲାରେ ଆମକୁ ଯେଉଁ ସଫଳତା ମିଳୁଛି ତାହା ଆମ ମନବଳକୁ ଦୃଢ କରିବା ସହ ଅଧିକ କାମ କରିବାକୁ ଉତ୍ସାହିତ କରୁଛି ବୋଲି ବିଜୁ ଯୁବ ଓ ଛାତ୍ର ଜନତା ଦଳ ପକ୍ଷରୁ କରାଯାଇଥିବା ୱେବିନାର ସମ୍ମିଳନୀରେ ବିଜେଡ଼ି ସଂଗଠନ ସମ୍ପାଦକ ନିଜ ମନ୍ତବ୍ୟରେ ଏପରି କହିଛନ୍ତି । ଏହି ୱେବିନାରରେ ସ୍ୱାସ୍ଥ୍ୟମନ୍ତ୍ରୀ ନବ ଦାସ, ବିଜେଡ଼ିର ବରିଷ୍ଠ ଉପସଭାପତି ଦେବୀ ପ୍ରସାଦ ମିଶ୍ର,ସାଂସଦ ଅଚ୍ୟୁତ ସାମନ୍ତ, ବିଧାୟକ ପ୍ରଣବ ବଳବନ୍ତରାୟ,ବହୁ ସ୍ୱାସ୍ଥ୍ୟ ବିଶେଷଜ୍ଞ, ଡ଼ାକ୍ତର, ବିଦେଶରେ ରହୁଥିବା କିଛି ବିଶିଷ୍ଟ ବ୍ୟକ୍ତି ସହ ବିଜୁ ଛାତ୍ର ଓ ଯୁବ ସଂଗଠନର ସଭାପତି ଉପସ୍ଥିତ ଥିଲେ ।
