ଭୁବନେଶ୍ୱର : ଆଜିଠାରୁ ଘରେ ଘରେ ପହଞ୍ଚିବ ବିଜେଡ଼ି । ଦଳୀୟ କାର୍ଯ୍ୟାଳୟରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେଡ଼ିର ସଭ୍ୟ ସଂଗ୍ରହ ଅଭିଯାନକୁ ଶୁଭରାମ୍ଭ କରିବେ । ୧କୋଟି ଲୋକଙ୍କୁ ବିଜେଡ଼ିର ସଭ୍ୟ ସଂଗ୍ରହରେ ସାମିଲ କରିବା ସହ ଆଧାର ଲିଙ୍କ କରିବା ଲାଗି ଦଳ ଲକ୍ଷ ରଖିଛି । ସଂଗଠନକୁ ମଜବୁତ ଓ କ୍ରୀୟାଶୀଳ କରିବା ସହ ଲୋକଙ୍କ ସୁଖ ଦୁଃଖରେ ବିଜେଡ଼ି କର୍ମୀମାନେ ସାମିଲ କରିବା ଲକ୍ଷରେ ଏହି ସଭ୍ୟ ସଂଗ୍ରହ ଅଭିଯାନ ଆରମ୍ଭ ହେବ । ଏଥôଲାଗି ତୃଣମୂଳ ସ୍ତରରୁ ରାଜ୍ୟ ନେତୃତ୍ୱ ପର୍ଯ୍ୟନ୍ତ ନେତାଙ୍କୁ ଦାୟିତ୍ୱ ଦେଇଛନ୍ତି ନବୀନ । ଆସନ୍ତା ଅକ୍ଟୋବର ୩୧ ତାରିଖ ପର୍ୟ୍ୟନ୍ତ ବିଜେଡ଼ିର ଏହି ସଭ୍ୟ ସଂଗ୍ରହ ଅଭିଯାନ ଚାଲିବ । ଏଥିରେ ଦଳର ସବୁ ନେତା ଓ କର୍ମୀ ସକ୍ରିୟ ଭାବରେ ସାମିଲ ହୋଇ ତୃଣମୂଳସ୍ତରର କାର୍ୟ୍ୟକର୍ତ୍ତା ଓ କର୍ମୀଙ୍କୁ ସାଥିରେ ଧରି ଘରେ ଘରେ ପହଞô୍ଚବାକୁ ସେ ପରାମର୍ଶ ଦେଇଛନ୍ତି । ପ୍ରତି ୧୫ ଦିନରେ ଥରେ ନବୀନ ସଭ୍ୟ ସଂଗ୍ରହ କାର୍ୟ୍ୟର ଅଗ୍ରଗତିର ସମୀକ୍ଷା କରିବେ ।
ବିଜେଡ଼ି ବର୍ତ୍ତମାନ ରାଜ୍ୟରେ ୧ ନମ୍ବର ରାଜନୈତିକ ଦଳ ରହିଛି । ତେବେ ପଂଚାୟତ ଓ ପୌର ନିର୍ବାଚନ ପୂବରୁ ଦଳକୁ ଆହୁରୀ ସୁ-ସଂଗଠିତ କରିବା ପାଇଁ ନବୀନ ନେତାଙ୍କୁ ଗୁୁରୁମନ୍ତ୍ର ଦେଇଚନ୍ତି । ସେ କହିଛନ୍ତି ଯେ ରାଜ୍ୟର ସାଢେ ୪ କୋଟି ଜନତା ବିଜେଡି ଦଳକୁ ଆଶୀର୍ବାଦ କରିଥିବାରୁ ସେ ତାଙ୍କ ପାଖରେ ଋଣୀ । ଲକ୍ଷ ଲକ୍ଷ କର୍ମୀଙ୍କ ତ୍ୟାଗ ଓ ପରିଶ୍ରମ ଯୋଗୁଁ ବିଜେଡି ତା’ର ବିଜୟ ଧାରା ଜାରି ରଖିଛି । ନିର୍ବାଚନରେ ଭଲ ପ୍ରଦର୍ଶନ କରିଛି । ସାଧାରଣ ଲୋକେ ଆମର ସବୁ କାର୍ୟ୍ୟକ୍ରମର କେନ୍ଦ୍ର ବିନ୍ଦୁ । ଲୋକଙ୍କୁ ତାଙ୍କର ହକ୍ ଦେବା ପାଇଁ ୫-ଟି ମନ୍ତ୍ର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ସେ କହିଛନ୍ତି । ସଭ୍ୟ ସଂଗ୍ରହ ଅଭିଯାନକୁ ତବରାନୀତି କରିବା ପାଇଁ ପୂର୍ବରୁ କମିଟି ଗଠନ କରିଛନ୍ତି ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ।
