- Advertisement -
( ) ବର୍ଷୀୟାନ ଅଭିନେତା ତଥା ବିଜେଡି ସାଂସଦ ପ୍ରଶାନ୍ତ ନନ୍ଦଙ୍କୁ ମିଳିଲା ସମ୍ମାନଜନକ ଡିଲିଟ ଉପାଧି । ମହାରାଷ୍ଟ୍ର ପୁନେସ୍ଥିତ MIT ଆର୍ଟ ଡ଼ିଜାଇନିଂ ଆଣ୍ଡ ଟେକ୍ନୋଲୋଜି ବିଶ୍ଵବିଦ୍ୟାଳୟ ତରଫରୁ ଦିଆଯାଇଛି ଏହି ସମ୍ମାନ । ଓଡ଼ିଶା ଚଳଚ୍ଚିତ୍ର ଜଗତରେ ତାଙ୍କର ଅବଦାନ ଲାଗି ମିଳିଛି ଏ ସମ୍ମାନ । ପ୍ରଶାନ୍ତ ନନ୍ଦ କହିଛନ୍ତି, 2021 ଡିସେମ୍ବର 29ରେ ମୋ ପାଖକୁ ଚିଠି ଆସିଥିଲା । ସେଥିରେ କୁହାଯାଇଥିଲା, ଚଳଚ୍ଚିତ୍ର ଜଗତରେ ଅବଦାନ ଲାଗି ମୋତେ ଡିଲିଟ ଦେବାକୁ । ମୁଁ ସମ୍ମତି ମଧ୍ୟ ଜଣାଇଥିଲି । 60 ଦଶକରୁ 2021 ମସିହା ଯାଏ ଚଳଚ୍ଚିତ୍ର ଜଗତ ସହ ଜଡ଼ିତ । ସେ ଦୃଷ୍ଟିରୁ ମୋତେ ଏହି ଡିଲିଟ ମିଳିଛି ବୋଲି ଅଭିନେତା ଓ ବିଜେଡି ସାଂସଦ ପ୍ରଶାନ୍ତ ନନ୍ଦ କହିଛନ୍ତି l
