() ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ (ବବି) ୨୦୨୪ରେ ଦୁଇଟି ଆସନରୁନିର୍ବାଚନ ଲଢ଼ିପାରନ୍ତି l ବିଜେଡି ମିଶନ ୧୩୦ ଟାର୍ଗେଟ ନେଇ ଦଳ ସମ୍ପୂର୍ଣ୍ଣ ପ୍ରସ୍ତୁତ ଥିବା ବେଳେ ପ୍ରଣବ ୨୪ରେ ଦୁଇଟିଆସନରୁ ଲଢିବା ପାଇଁ ଦଳୀୟ ବିଧାୟକ ପ୍ରସ୍ତାବ ଦେଲେଣିl ପଶ୍ଚିମ ଓଡିଶାର ସମ୍ବଲପୁରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିର୍ବାଚନ ଲଢିବା ପାଇଁ ମନସ୍ଥ କରିଥିବାରୁ ବିଜେଡି ଏପରି ରଣନୀତି କରୁଛି l ୫ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିୟାନ ସମ୍ବଲପୁର ସମୀକ୍ଷା କରୁଥିବା ବେଳେ ବିଧାୟକ ରୋହିତ ପୂଜାରୀ ଗଣମଧ୍ଯମ ଆଗରେ ନିଜର ପ୍ରତିକ୍ରିୟା ରଖି କହିଛନ୍ତି ଯେ ‘ବବି ଭାଇ ସମ୍ବଲପୁର ଆସି ନିର୍ବାଚନ ଲଢ଼ିଲେ ଆମେ ଖୁସିହେବୁ । ସମସ୍ତ 7ଟି ଯାକ ବିଧାନସଭା ଆମେ ଜିତିବୁ ।’ ରେଢ଼ାଖୋଲ ବିଧାୟକ ରୋହିତ ପୂଜାରୀଙ୍କ ସମ୍ୱଲପୁରରେ ବବିଙ୍କ ନିର୍ବାଚନ ଲଢିବା ପ୍ରସ୍ତାବକୁ ଏବେ ପୁରା ପଶ୍ଚିମ ଓଡ଼ିଶାରେ ଚର୍ଚ୍ଚାର ବିଷୟ l ୨୦୧୯ରେ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହିଞ୍ଜିଳି ସହ ବିଜେପୁର ବିଧାନସଭା ଆସନରୁ ନିର୍ବାଚନ ଲଢିଥିଲେ l ଠିକ୍ ସେହିପରି ବିଜେଡି କର୍ମୀ ଓ ନେତାଙ୍କୁ ଅଧିକ ଉତ୍ସାହିତ କରିବା ପାଇଁ ନବୀନ ଓ ୫ଟି ଅଧ୍ୟକ୍ଷଙ୍କ ଅତି ବିଶ୍ଵସ୍ତ ପ୍ରଣବ ପ୍ରକାଶ ଦାସଙ୍କୁ ଦୁଇଟି ନିର୍ବାଚନୀ ମଣ୍ଡଳୀରୁ ପ୍ରାଥି କରିବାକୁ ବିଜେଡି ରଣନୀତି କରି ପୁରା ପଶ୍ଚିମ ଓଡ଼ିଶାରେ ଏକ ପାଖିଆ ବିଜୟ ଲାଭ କରିବାକୁ ଯୋଜନା କରିଛି l ଦଳ ପ୍ରଥମେ ପ୍ରଣବଙ୍କୁ ପଶ୍ଚିମ ଓଡ଼ିଶାର ସମ୍ବଲପୁରର ପର୍ଯ୍ୟବେକ୍ଷକ ଭାବେ ଗୁରୁ ଦାୟିତ୍ୱ ମଧ୍ୟ ଦେଇଛି l ପ୍ରଣବ ପର୍ଯ୍ୟବେକ୍ଷକ ହେବା ପରେ ସମ୍ୱଲପୁର ଜିଲ୍ଲାର ସମସ୍ତ ନିର୍ବାଚନ ମଣ୍ଡଳୀର ବିଜେଡିର ତୃଣମୂଳ ସ୍ତରରୁ ଅଧିକ ସଂଗଠିତ ହୋଇଛି l ତେବେ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦଳୀୟ ବିଧାୟକ ପ୍ରସ୍ତାବରେ ମୋହର ମରୁଛନ୍ତି ନା ଦଳ ଅନ୍ୟ କିଛି ରଣନୀତି କରିଛି ତାହା ଉପରେ ପୁରା ଓଡିଶାର ନଜର l
