ଭୁବନେଶ୍ୱର : ନଭେମ୍ବର ୩ ତାରିଖରେ ବାଲେଶ୍ୱର ସଦର ଓ ତିର୍ତ୍ତୋଲ ଉପ ନିର୍ବାଚନ ହେବ । ଭଭୟ ବିଜେଡ଼ି ଓ ବିଜେପି ନିଜର ପ୍ରାର୍ଥୀ ତାଲିକା ଘୋଷଣା କରିବା ପରେ ଗ୍ରାଉଣ୍ଡରେ ସରଗରମ ହେଲାଣୀ ରାଜନୀତି । କିପରି ନିର୍ବାଚନରେ ଗଡ଼ ଦଖଲ ହେବ ସେ ଚିନ୍ତା ବି ନେତାଙ୍କୁ ଘାରିଲାଣୀ । ପ୍ରଥମ ଚିନ୍ତା ୨୦୧୯ରେ ଯେଉଁ ଆସନରେ ଦଳ ଜିତିଥିଲା ବିଧାୟକଙ୍କ ଅକାଳ ବିୟୋଗ ପରେ ଯେମିତି ସେ ଆସନ ଦଳ ଅକ୍ତିକାର କରିବ ସେନେଇ ସରିଛି ବ୍ଲୁପ୍ରିଣ୍ଟ । ଅନ୍ୟପଟେ ୨୦୧୯ ନିର୍ବାଚନରେ ଯେଉଁ ବିଧାନସଭା ଆସନ ଦଳ ଖାତାରୁ ଚାଲିଯାଇଛି ସେ ଆସନ ପୂର୍ଣ୍ଣବାର କେମିତି ଦଳ ଖାତାକୁ ଆସିବ ସେନେଇ ଅଙ୍କକଷା ଆରମ୍ଭ କରିଛି ବିଜେଡ଼ି । ସବୁବେଳେ ନିର୍ବାଚନରେ ସମୟରେ ନିଜର ସାଂଗଠନିକ ଦକ୍ଷତା ଦେଖାଇଥିବା ବିଜେଡ଼ିର ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ(ବବି) ପୁଣି ଉପନିର୍ବାଚନ ଲାଗି ଫୁଲ ଦମରେ ଲାଗିପଡ଼ିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିଜୟ ରଣନୀତି ଗ୍ରାଉଣ୍ଡରେ କିପରି ସଫଳ ହେବ ସେ କାମରେ ପ୍ରଣବ ଲାଗିଛନ୍ତି । ବାଲେଶ୍ୱର ସଦର ଓ ତିର୍ତ୍ତୋଲରେ ନେତାଙ୍କୁ ଦିଆଯାଇ୍ଥିବା ଦାୟିତ୍ୱ ଅଧିକ କିପରି ତ୍ୱରାନୀତି ହେବ ସେନେଇ ବରିଷ୍ଠ ଓ କନିଷ୍ଠଙ୍କ ସହ ସମନ୍ୱୟ ରଖି ରଣନୀତି ପ୍ରସ୍ତୁତ କରୁଛନ୍ତି ସେ । ଏହାସହ କଣ କଲେ ଭୋଟ ପ୍ଲସ ହେବ ଓ କାହାକୁ ଦଳରେ ସାମିଲ କଲେ ଦଳ ପଂଚାୟତନ ଓ ବ୍ଲକରେ ଅଧିକ ଶକ୍ତିଶାଳୀ ହେବ ସେ କାମ ବି ଜାରୀ ରଖିଛନ୍ତି । ସେଥିଲାଗି ରୀତିମତ ଦୁଇ ଜିଲ୍ଲାର ପର୍ଯ୍ୟବେକ୍ଷକ ଓ ଜିଲ୍ଲା ନେତାଙ୍କ ସହ ଘନଘନ ଆଲୋଚନା କରୁଛନ୍ତି ସେ । ତିର୍ତ୍ତୋଲରେ ସ୍ୱର୍ଗତ ବିଷ୍ଣୁ ଦାସଙ୍କ ପୁଅ ବିଜୟ ଶଙ୍କର ଦାସଙ୍କୁ ବିଜେଡ଼ି ପ୍ରାର୍ଥୀ କରିଥିବା ବେଳେ ବାଲେଶ୍ୱର ସଦର ଲାଗି ସରପ୍ରାଇଜ ଭାବେ ସ୍ୱରୂପ କୁମାର ଦାସଙ୍କୁ ପ୍ରାର୍ଥୀ କରାଯାଇଛି । ଉଭୟ ଆସନରେ ବଡ଼ ବ୍ୟବଧାନରେ ବିଜେଡ଼ି କିପରି ଜିତିବ ସେ ଲାଗି ପୁରା ଦମରେ ଲାଗିପଡ଼ିଛନ୍ତି ସଭିଁଏ । ବିଜେପୁର ଓ ପାଟକୁରା ପରି ତିର୍ତ୍ତୋଲ ଓ ବାଲେଶ୍ୱରରେ ଦଳ ବଡ଼ ବ୍ୟବଧାନରେ ଜିତିବାକୁ ଅଣ୍ଟା ଭିଡ଼ିଛି । ନବୀନଙ୍କ ଲୋକପ୍ରିୟତା ଓ ରାଜ୍ୟ ସରକାରଙ୍କ ସଫଳ ଯୋଜନାଙ୍କୁ ଭୋଟରଙ୍କୁ ବୁଝାଇ ଦଳ ସପକ୍ଷରେ ଭୋଟ ହାତେଇବା ପାଇଁ ଏବେ ଠାରୁ ଉଭୟ ବିଧାନସଭା ଆସନରେ ଦଳ ପକ୍ଷରୁ ବିଧାୟକ, ସାଂସଦ, ଛାମୁଆ ସଂଠଗନର ନେତାଙ୍କୁ ଦାୟିତ୍ୱ ଦିଆଯାଇଛି । ନେତାଏ ବି ଗଡ଼ ଜିତିବା ପାଇଁ ଉଭୟ ବିଧାନସଭା ଆସନରେ ଡ଼େରା ପକାଇ ରହିଛନ୍ତି । ସେପଟେ ତିର୍ତ୍ତୋଲ ଓ ବାଲେଶ୍ୱର ସଦରରେ ପ୍ରତ୍ୟେକ ଦିନ ବିଜେପି ଓ କଂଗ୍ରେସର ନେତାଏ ବିଜେଡ଼ି ପ୍ରତି ଆକୃଷ୍ଟ ହୋଇ ଦଳରେ ସାମିଲ ହୋଇଛନ୍ତି । ନିର୍ବାଚନ ତାରିଖ ଯେତିକି ପାଖେଇ ଆସୁଛି ବିଜେଡ଼ି ସେତିକି ଶକ୍ତିଶାଳୀ ହେବାରେ ଲାଗିଛି । ଯାହା ବିରୋଧୀ ଶିବିରକୁ ଚିନ୍ତାରେ ପକାଇଛି । ଆଉ ଏସବୁ ରଣକୌଶଳ ମୁଖ୍ୟମନ୍ତ୍ରୀ ନିର୍ଦ୍ଦେଶରେ ପ୍ରଣବ ସଫଳ ରୂପାୟନ କରୁଛନ୍ତି । ତେଣୁ ଉଭୟ ବାଲେଶ୍ୱର ଓ ତିର୍ତ୍ତୋଲରେ ବିଜେଡ଼ି କିପରି ବଡ଼ ବ୍ୟବଧାନରେ ବିଜୟ ଲାଭ କରିଛି ସେ ଟାର୍ଗେଟ ନେଇ ପ୍ରଣବ ଏବେ କାମ କରୁଛନ୍ତି । ପୁରା ଟିମୱାର୍କରେ ସେ ଜୋସ ଭରିଦେଇଛନ୍ତି । ତେବେ ବିଜେପୁର ଫଳାଫଳ ଉଭୟ ଆସନରେ ପ୍ରତିଫଳିତ ହେବ ବୋଲି ବିଜେଡି ଶିବିର ଆଶା ବାଦି ଅଛି l
