() ଜନସମ୍ପର୍କ ପଦଯାତ୍ରାକୁ ସଫଳ କରିବାକୁ କର୍ମକର୍ତ୍ତାଙ୍କୁ ବିଜେଡି ସଭାପତି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଚିଠି ଲେଖିଛନ୍ତି l ଚିଠିରେ ଉଲ୍ଲେଖ କରାଯାଇଛି ଯେ ଗାନ୍ଧୀ ଜୟନ୍ତୀରୁ ବିଜେଡିର ଜନସମ୍ପର୍କ ପଦଯାତ୍ରା ୧ମାସ ଧରି ଜିଲ୍ଲା, ନିର୍ବାଚନମଣ୍ଡଳୀ, ନଗର ପଞ୍ଚାୟତ, ଓ୍ବାର୍ଡ ସ୍ତରରେ ପାଳନ ହେବ। ଦଳର କର୍ମକର୍ତ୍ତା, ପର୍ଯ୍ୟବେକ୍ଷକ, ସାଂସଦ, ବିଧାୟକ, ବିଧାୟିକା,ଜିଲ୍ଲା ସଭାପତି, ପ୍ରମୁଖ ଦଳୀୟ ସଙ୍ଗଠନ, ଯୁବ,ଛାତ୍ର ଓ ଆଦି ସମସ୍ତ କର୍ମକର୍ତ୍ତା ସାମିଲ ହେବେ। ଘରେ ଘରେ ରାଜ୍ୟ ସରକାରଙ୍କ ଲୋକାଭିମୁଖୀ କାର୍ଯ୍ୟକ୍ରମ ସମ୍ପର୍କରେ ଲୋକଙ୍କୁ ସଚେତନ ସହ ରକ୍ତଦାନ, ବୃକ୍ଷରୋପଣ ଆଦି ଜନକଲ୍ୟାଣ କାର୍ଯ୍ୟ ଦ୍ବାରା ଜନସେବା ଆଭିମୁଖ୍ୟକୁ ବୃଦ୍ଧି କରାଯିବ। ପଦଯାତ୍ରା କାର୍ଯ୍ୟକ୍ରମରେ ମହାତ୍ମାଗାନ୍ଧୀ ଏବଂ ବିଜୁବାବୁଙ୍କ ଫଟୋଚିତ୍ରରେ ମାଲ୍ୟାର୍ପଣ କରାଯିବା ସହ ପର୍ବପର୍ବାଣୀ ଦିନରେ ବନ୍ଦ ରହିବ କାର୍ଯ୍ୟକ୍ରମ।ନଭେମ୍ବର ୨ରେ ଜିଲ୍ଲା ସ୍ତରରେ ପ୍ରତ୍ୟେକ କର୍ମୀ ଜନକଲ୍ୟାଣ ମନୋଭାବ ରଖି କାର୍ଯ୍ୟ କରିବାକୁ ସମୂହ ଶପଥ ଗ୍ରହଣ କରି ପଦଯାତ୍ରାର ସମାପ୍ତି କରିବାକୁ କର୍ମକର୍ତ୍ତାଙ୍କୁ ବାର୍ତ୍ତା ବିଜେଡି ସଭାପତି ଶ୍ରୀ ନବୀନ ପଟ୍ଟନାୟକ। ଏନେଇ ବିଜେଡି ପ୍ରସ୍ତୁତି ବୈଠକ ମଧ୍ୟ ସରିଛି l
