ଭୁବନେଶ୍ୱର :ରାଜ୍ୟରେ ଆଇନ ଶୃଙ୍ଖଳା ଦିନକୁ ଦିନ ବିପର୍ଯ୍ୟସ୍ତ କିନ୍ତୁ ସରକାରଙ୍କ ନିଦ ଭାଙ୍ଗୁନି । ମହିଳା ନିର୍ଯାତନା କ୍ଷେତ୍ରରେ ରାଜ୍ୟର ସ୍ଥିତି ସଙ୍ଗୀନ । ରକ୍ଷକ ଏବେ ଭକ୍ଷକ ସାଜିଛି । ସାଧାରଣ ଲୋକଙ୍କୁ ସୁରକ୍ଷା ଦେଉଥିବା ପୋଲିସ ଏବେ ମହିଳା ଦୁଷ୍କର୍ମରେ ଲିପ୍ତ । କିନ୍ତୁ ରାଜ୍ୟ ସରକାର ଘଣ୍ଟ ଘୋଡାଇବାରେ ବ୍ୟସ୍ତ । ମାଲକାନଗିରିରେ ମହିଳାଙ୍କୁ ନିର୍ଯ୍ୟାତନା ଦେଇ ମାରିଦିଆଗଲା କିନ୍ତୁ ଏପର୍ଯ୍ୟନ୍ତ ଏସସି ଏସଟି ଆକ୍ଟରେ ମାମଲା ଋଜୁ କରାଗଲା ନାହିଁ । ବୀରମିତ୍ରପୁରରେ ମଧ୍ୟ ସମାନ ଘଟଣା । ୧୩ବର୍ଷର ନାବାଳିକାକୁ ପୋଲିସ ଦୁଷ୍କର୍ମ କରିଛି । ସେଠାରେ ମଧ୍ୟ ମାମଲା କରାଗଲା ନାହିଁ । ବିଜେପିର ପ୍ରତିନିଧି ଦଳକୁ ମାତ୍ର ୫ ମିନିଟ ଦିଆଗଲା ସେ ଝିଅ ସହ କଥା ହେବାକୁ ।
ଏହି ଦୁଇ ଘଟଣାରେ ଶେଷ ଅପରାଧୀ ଦଣ୍ଡିତ ନହେବା ପର୍ଯ୍ୟନ୍ତ ରାଜ୍ୟ ବିଜେପି ଏହି ଘଟଣାକୁ ନେଇ ବିରୋଧ ଜାରି ରଖିବ । ଗତ କାଲି ବିଜେପିର ପ୍ରତିନିଧି ଦଳ ପୋଲିସ ଡ଼ିଜିଙ୍କୁ ଭେଟି ଜଣାଇଛୁ । ଦୁଇଟି ସ୍ବତନ୍ତ୍ର ଅନୁସନ୍ଧାନକାରୀ ଦଳ ଏହାକୁ ଅନୁସନ୍ଧାନ କରନ୍ତୁ । ଏସସି ଏସଟି ଆଇନରେ ମାମଲା ହେଉ । ବିଜେପିର ମଧ୍ୟ ଦୁଇଟି ପ୍ରତିନିଧି ଦଳ ମଧ୍ୟ ଘଟଣାସ୍ଥଳକୁ ଯାଇ ଅନୁସନ୍ଧାନ କରିବ । ଆବଶ୍ୟକତା ପଡ଼ିଲେ କେନ୍ଦ୍ର ଗୃହ ମନ୍ତ୍ରଣାଳୟକୁ ରିପୋର୍ଟ ଦେବୁ । କରୋନା ସ୍ଥିତିକୁ ଦେଖି ଆମେ ଅଭିଯୋଗ କରୁନଥିଲୁ ଓ ଆଶା ଥିଲା ରାଜା ସରକାର ତାଙ୍କ ଦାୟିତ୍ଵ ପାଳନ କରିବେ । କିନ୍ତୁ ଲାଗୁଛି ରାଜ୍ୟ ସରକାର ଘଟଣାକୁ ଚପେଇବାକୁ ଚେଷ୍ଟା କରୁଛନ୍ତି । ମାନବାଧିକାର କମିଶନଙ୍କୁ ଜଣାଇଥିଲୁ, ଏସସି କମିଶନକୁ ମଧ୍ୟ ଯିବୁ । ତେଣୁ ଯଦି ୬୦ଦିନ ଭିତରେ ଦୋଷୀକୁ ଦଣ୍ଡ ଦିଆନଗଲା ତେବେ ବିଜେପି ରାଜରାସ୍ତାକୁ ଓହ୍ଲାଇବ । କ୍ରାଇମବ୍ରାଞ୍ଚ ତଦନ୍ତକୁ ସ୍ବାଗତ କରୁଛୁ କିନ୍ତୁ ଦୋଷୀ ଦଣ୍ଡ ପାଇବା ଦରକାର । ପୃଥ୍ୱୀରାଜ ହରିଚନ୍ଦନ ଏହି ସାମ୍ବାଦିକ ସମ୍ମିଳନୀରେ ଅନ୍ୟ ମାନଙ୍କ ମଧ୍ୟରେ ଉପସଭାପତି ପ୍ରଭାତୀ ପରିଡା, ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର, ମହିଳା ମୋର୍ଚ୍ଚା ସଭାପତି ସ୍ମୃତି ପଟ୍ଟନାୟକ, ବିଧାୟକ ଶଙ୍କର ଓରାମ, ବିଜେପି ନେତ୍ରୀ ସୋନାଲି ସାହୁ ଉପସ୍ଥିତ ।
