ଯେତେବେଳେ ଏକ ଉଚ୍ଚ ବୃତ୍ତିଧାରୀ ମନ ଖାଦ୍ୟଶିଳ୍ପର ମୋହରେ ପଡେ , ସେତେବେଳେ ସେ କ୍ଷେତ୍ରରେ ସୃଷ୍ଟି ହୁଏ ବୈପ୍ଲବିକ ପରିବର୍ତ୍ତନ । କିଛି ଭିନ୍ନ, ଅନନ୍ୟ ଓ ସ୍ବତନ୍ତ୍ର କରି ଦେଖାଇବାର ଝୁଙ୍କ୍ ଯେତେବେଳେ ମନରୁ ମସ୍ତିଷ୍କକୁ ଜଡ଼େଇ ଧରେ, ସେତେବେଳେ ଶିଖର ସଫଳତା ଛୁଇଁବା ବାଟ ଆପେ କଢ଼େଇ ହୋଇଯାଏ । ସେମିତି ହିଁ କିଛି ଜିଦ୍ ଓ ଆପଣା ମାଟିର ମହକ ତାଙ୍କୁ ବାଧ୍ୟ କରିଛି ଖାଦ୍ୟଶିଳ୍ପରେ ସୃଷ୍ଟି କରିବାକୁ ସ୍ବତନ୍ତ୍ର ଛାପ ।….
… ତାପସ କୁମାର ସାହୁ… ପେସାରେ ଚାଟାର୍ଡ ଆକାଉଣ୍ଟାଣ୍ଟ । ହେଲେ ପିଲା ବେଳୁ ସେ ପଡ଼ିଥିଲେ ଖାଦ୍ୟ ପ୍ରେମରେ । ଭଳିକି ଭଳି ଖାଦ୍ୟ ଚାଖିବା ଓ ନୂଆ ନୂଆ ଡିସ୍ ତିଆରି କରି ଖୁଆଇବା ଥିଲା ତାଙ୍କର ସଉକ । ଆମ ରାଜ୍ୟ ଓଡ଼ିଶାର ଖାଦ୍ୟପେୟ ଯେତିକି ବିବିଧ, ସେତିକି ସମୃଦ୍ଧ ତାର ସ୍ଵାଦର ଇତିହାସ । ଜଣେ ଖାଦ୍ୟପ୍ରିୟ ଓଡ଼ିଆ ଭାବେ ତାପସ ବା କେମିତି ସ୍ବାଦର ଏହି ମୋହରୁ ମୁକିଳି ପାରି ଥାଆନ୍ତେ ? ହିସାବକିତାବର ଜଞ୍ଜାଳମୟ ବୃତ୍ତିରୁ ଫୁରୁସତ ମିଳିଲେ, ସେ ଲାଗି ପଡୁଥିଲେ ଭିନ୍ନ ଭିନ୍ନ ଖାଦ୍ୟର ପୃଷ୍ଠଭୂମି ଓ ପରମ୍ପରା ଅଣ୍ଡାଳିବାରେ । ସେତିକିରେ ବୁଝୁ ନ ଥିଲା ତାଙ୍କ ମନ । ସେସବୁ ଡିସ୍କୁ ନିଜ ଅନ୍ଦାଜରେ ରୋଷେଇ ଘରେ ତିଆରି କରୁଥିଲେ ତାପସ । ଏସବୁ ଭିତରେ ବିରିୟାନି ଥିଲା ତାଙ୍କ ସବୁଠୁ ପସନ୍ଦର ଡିସ୍ । ନିଜେ ନାନା ରକମର ବିରିଆନି ଖାଉଥିଲେ, ଆଉ ତିଆରି କରି ଅନ୍ୟମାନଙ୍କୁ ଖୁଆଉଥିଲେ ।…
୨୦୧୪ର କଥା । ପାରାଦୀପ ରହଣି ବେଳେ ସି ଫୁଡ୍ ପ୍ରତି ଆକର୍ଷିତ ହୋଇ ଏସବୁ ଉପରେ ବି ପରୀକ୍ଷା ନିରୀକ୍ଷା ଆରମ୍ଭ କରିଦିଅନ୍ତି ତାପସ I ଆଉ ଏତିକି ବେଳେ ସେ ପଡିଯାନ୍ତି ଅପେକ୍ଷାକୃତ ନରମ ଆବରଣଯୁକ୍ତ ମାଂସାଳ ଓ ମଧୁରିଆ ନୀଳ କଙ୍କଡା ମୋହରେ I ଏହା ପରେ ତାଙ୍କ ପାକଶାଳାରୁ ଜନ୍ମନିଏ Blue Crab ବା ନୀଳ କଙ୍କଡ଼ା ଦମ୍ ବିରିୟାନୀ । 
ୟେ ବିରିୟାନୀ ବି ଏତେ ସୁଆଦିଆ ଓ ସୁଗନ୍ଧରେ ଭରା ଥିଲା ଯେ, ତୃପ୍ତିର ଖୁସି ଖାଲି ପାଟିରୁ ନୁହେଁ, ମନରୁ ବି ନିଗିଡ଼ି ଆସିଥିଲା । ସବୁଠୁ ବଡ଼ କଥା ହେଲା, ଏହା ଆଦୌ ବି ତୈଳାକ୍ତ ନ ଥିଲା । ଉଭୟ ପାଟି ଓ ପେଟ ପାଇଁ ଏହାର ଅନୁଭବ ଏପରି ଥିଲା ଯେ, ବିଶ୍ବାସ କରନ୍ତୁ… ସେବେଠୁ ଆଜି ଯାଏଁ ଯିଏ ବି ତାପସଙ୍କ ନୀଳ କଙ୍କଡ଼ା ବିରିଆନି ଚାଖିଛି, ସେ କହିଛି.. ‘ୟେ ଦିଲ୍ ମାଙ୍ଗେ ମୋର୍’ ।…
ଭିଓ-୨
() କଥାରେ ଅଛି ଖୁସି ବାଣ୍ଟିଲେ ବଢ଼େ । ଆଉ ଜଣେ ଖାଦ୍ୟପ୍ରିୟ ମଣିଷ ପାଇଁ ସ୍ବାଦ ବାଣ୍ଟିବା ଛଡ଼ା ଆଉ ଖୁସିର କଥା କଣ ହୋଇପାରେ । ଏଭଳି ଏକ ଅବର୍ଣ୍ଣନୀୟ ସ୍ବାଦକୁ ଦୁନିଆ ସହ ବାଣ୍ଟିବା ପାଇଁ ନିଜ ପରିବାର ଓ ସାଙ୍ଗସାଥୀଙ୍କ ପ୍ରେରଣା, ତାପସଙ୍କୁ ବାଟ କଢ଼େଇ ଆଣିଛି ଆଜିର ଏହି ସୋପାନ ଯାଏଁ । ପରିବେଶ ସୁରକ୍ଷା ଭଳି ଗୁରୁତ୍ୱପୂର୍ଣ୍ଣ ଦିଗକୁ ଅଣଦେଖା ନକରି, ତାଙ୍କ ଭଳି ସମସ୍ତ ଖାଦ୍ୟପ୍ରେମୀଙ୍କ ହାତରେ ଅତି ସହଜରେ ସ୍ବାଦିଷ୍ଟ ଖାଦ୍ୟ ପହଞ୍ଚାଇବାର ପ୍ରୟାସରୁ ସୃଷ୍ଟି ହୋଇଛି ଆଜିର ଏହି ସ୍ବାଦର ସମ୍ଭାର ।
ଇକୋ-ଫ୍ରେଣ୍ଡଲି ଓ ମାଇକ୍ରୋୱେଭେବୁଲ୍ ପ୍ୟାକେଜିଂରେ ରେଡି-ଟୁ-ଇଟ୍ ମିଲ୍ ଭାବେ ଆମେ ଯୋଗାଇ ଦେବାକୁ ଯାଉଛୁ ବିରିଆନିର ସ୍ବାଦିଷ୍ଟ ସମ୍ଭାର । 
…..
ଗ୍ରାହକଙ୍କ ସୁବିଧା ଦୃଷ୍ଟିରୁ ଏହି ପ୍ୟାକେଜିଂରେ ସାମିଲ ହୋଇଛି ସାନିଟାଇଜର୍ ୱାଇପ୍, ଉଡେନ୍ ସ୍ପୁନ୍, ଉଡେନ୍ ଫର୍କ, ସଲଟ ଓ ମାଉଥ୍ ଫ୍ରେଶନର୍ ସାଚେଟ । ଏହା କେବଳ ଯେ ଆପଣଙ୍କୁ ତୃପ୍ତିପୂର୍ଣ୍ଣ ଅଭୁଲା ସ୍ବାଦର ଅନୁଭବ ଦେବ ତା ନୁହେଁ, ପରିବେଶ ସୁରକ୍ଷା ଦିଗରେ ମଧ୍ୟ ଏକ ବଡ଼ ଯୋଗଦାନ ରଖିବ । ଆମ ପ୍ୟାକେଜିଂରେ ବ୍ୟବହାର କରାଯାଉଥିବା ବ୍ୟାକୟାଡ୍ କମ୍ପୋଷ୍ଟେଵୁଲ ପ୍ଲେଟ୍ ସହଜରେ ମାଟିରେ ମିଳେଇଯିବ । ଜଳ ସଂଚୟ ଓ ସଂରକ୍ଷଣ ଦିଗରେ ବି ବେଶ୍ ସହାୟକ ହୋଇପାରିବ ଆମ ଏ ପ୍ୟାକେଜିଂ।
ତାପସଙ୍କ ଏହି ବିରିଆନି ରେସିପିରେ ପାରମ୍ପରିକ ଓଡ଼ିଆ ଖେଚୁଡ଼ି ରନ୍ଧନ ଶୈଳୀର ଛାପ ଥିବାରୁ ଖାଦ୍ୟର ଦୁନିଆକୁ ଏହା ଓଡ଼ିଆ ବିରିୟାନୀର ପରିଚୟ ନେଇ ଆସିବା ନିଃସନ୍ଦେହ ଥିଲା I ତେଣୁ ଏଇ ବିରିୟାନୀ ପାଇଁ ନାଁଟି ବାଛିଲା ବେଳେ Scrumptiousଠୁ ବଳି ଭଲ ନାଁ ଟେ ବା ଆଉ କଣ ହୋଇପାରିଥାନ୍ତା? ସେଇଥିପାଇଁ ବହୁ ବିଚାରବିମର୍ଶ ପରେ ବିରିୟାନୀ ଜଗତରେ ଆମେ ଏହି ନୂଆ ଯାତ୍ରାର ନାଁ ଦେଲୁ ସ୍କ୍ରମ୍ପସିୟସ ବିରିୟାନୀ।….
