ଭୁବନେଶ୍ୱର : ରାତିରେ ଫୁଟେ ଦୁର୍ଲଭ ବ୍ରହ୍ମକମଳ ଫୁଲ ଏବଂ ରାତିରେ ମଉଳି ଯାଏ I ଭଗବାଙ୍କର ପ୍ରିୟ ଫୁଲ ହେଉଛି ବ୍ରହ୍ମକମଳ ଏହି ବିରଳ ଫୁଲ ଯାହା ମହାପ୍ରଭୁନଙ୍କ ଆଦେଶରେ ଫୁଟେ I ଓଡିଶା ବିଦ୍ୟୁତ ଉପଭୋକ୍ତା ମହାସଂଘର ସଭାପତି ରମେଶ ଶତପଥୀଙ୍କ ଘର ବଗିଚାରେ ସୋମବାର ରାତିରେ ଏହି ବିରଳ ଫୁଲ ଫୁଟିଛି I ଗୋଟେ କି ଦୁଇଟା ନୁହେଁ ପ୍ରଭୁଙ୍କ ଆସରିବାଦ ରୁ ୧୨ଟା ବ୍ରହମକମଳ ଫୁଲ ଏକାଥରେ ଫୁଟିଛି I ଯାହାକି ଏକ ସୌଭାଗ୍ୟର କଥା I ଆଉ ରମେଶ ବାବୁ ଏହାକୁ ଶ୍ରଦ୍ଧାରେ ନିଜ ଘରେ ଥିବା ଜଗନ୍ନାଥଙ୍କୁ ସମର୍ପିତ କରିଛନ୍ତି I କରୋନା ମହାମାରୀ ସମୟରେ ରମେଶଙ୍କ ବଗିଚାରେ ଜଗନ୍ନାଥଙ୍କର ଅତି ପ୍ରିୟ ବ୍ରହ୍ମକମଳ ଫୁଲ ଫୁଟିଥିବାରୁ ସେ ବେଶ ଆନନ୍ଦିତ I ଆଜକୁ ୫ବର୍ଷ ହେବ ରମେଶ ଶତପଥୀଙ୍କ ବଗିଚାରେ ବ୍ରହ୍ମକମଳ ଫୁଲ ଫୁଟୁଛି I ସବୁଠାରୁ ବଡ କଥା ହେଉଛି , ଜଗନ୍ନାଥଙ୍କର ଆଶୀର୍ବାଦ ଏପରି ଥାଏ ଯେ , ତାଙ୍କର ସବୁ ବଡ ତିଥିରେ ରମେଶଙ୍କ ବଗିଚାରେ ବ୍ରହ୍ମକମଳ ଫୁଟିଥାଏ , ସେ ରଥଯାତ୍ରା ହେଉ ଅବା ଗୁଣ୍ଡିଚା ଯାତ୍ରା କି ଚିତାଲାଗି ଅମାବାସ୍ୟା I ଏହିସବୁ ଦିନ ମାନଙ୍କରେ ସ୍ୱର୍ଗର ଫୁଲ ବ୍ରହ୍ମକମଳ ରମେଶଙ୍କ ବଗିଚାରେ ଫୁଟିଥାଏ I ଜଗତର ନାଥ ଜଗନ୍ନାଥଙ୍କ ଆଶୀର୍ବାଦରୁ ଆଜକୁ ୫ବର୍ଷ ଧରି ତାଙ୍କ ବଗିଚାରେ ଫୁଟୁଥିବା ଅଧିକାଂଶ ବ୍ରହ୍ମକମଳ ଫୁଲକୁ ଭକ୍ତିର ସହିତ ପୁରୀ ନେଇ ଜଗନ୍ନାଥଙ୍କ ପାଖରେ ଅର୍ପଣ କରନ୍ତି ରମେଶ I ନିଜ ବାଡ଼ିରେ ଥିବା ବ୍ରହ୍ମକମଳ ଗଛକୁ ନେଇ ଜଗାକୁ ମଧ୍ୟ ଅର୍ପଣ କରଥାନ୍ତି ଅନେକ ସମୟରେ I କେବଳ ପୁରୀରେ ନୁହେଁ ଭୁବନେଶ୍ୱରର ଇସ୍କନ ମନ୍ଦିରରେ ମଧ୍ୟ ଅନେକ ସମୟରେ ଏହି ଦୁର୍ଲଭ ଫୁଲକୁ ଅର୍ପଣ କରନ୍ତି I ସୋମବାର ସନ୍ଧ୍ୟାରେ ଫୁଟିଥିବା ୧୨ଟି ଫୁଲକୁ ଲକଡାଉନ ଯୋଗୁ ପୁରୀ କି ଇସ୍କନ ନନେଇ ନିଜ ଘରେ ପୂଜା ପାଉଥିବା ପତିତ ପାବନଙ୍କ ପାଖରେ ନିଜ ଧର୍ମପତ୍ନୀ ଓ କର୍ମଚାରୀଙ୍କ ସାଙ୍ଗରେ ମହାପ୍ରଭୁଙ୍କୁ ଅର୍ପଣ କରିଛନ୍ତି I ଶାସ୍ତ୍ର କୁହେ ଏହି ଫୁଲ ଫୁଟୁଥବା ସମୟରେ ଏହାକୁ ଦର୍ଶନ କଲେ ପୁର୍ଣ୍ଣ୍ୟ ମିଳିବା ସହ ମନସ୍କାମନା ପୂର୍ଣ୍ଣ ହୋଇଥାଏ I ତେବେ ବ୍ରହ୍ମକମଳ କୁ ନେଇ ରହିଛି ଅନେକ ପୋୖରାଣିକ ମତ I ଯେତେବେଳେ ଗଣେଶଙ୍କ ମସ୍ତକରେ ହାତୀର ମସ୍ତକ ସ୍ଥାପନ କରାଗଲା ସେତେବେଳେ ପାର୍ବତୀଙ୍କ ଅନୁରୋଧ କ୍ରମେ ସୃଷ୍ଟିକର୍ତ୍ତା ବ୍ରହ୍ମା ଏହାକୁ ସୃଷ୍ଟି କରିଥିଲେ ଏବଂ ବ୍ରହ୍ମକମଳ ଫୁଲରେ ଗଣେଶଙ୍କ ଉପରେ ପାଣି ସିଞ୍ଚନ କରି ଗଣେଶଙ୍କୁ ଜୀବନଦାନ ଦେଇଥିଲେ I ଯେହେତୁ ସ୍ୱୟଂ ବ୍ରହ୍ମା ଏହାକୁ ସୃଷ୍ଟି କରିଥିଲେ ଏହି କାରଣରୁ ଏହାକୁ ବ୍ରହ୍ମକମଳ ନାମରେ ନାମିତ କରାଯାଇଛି I ଏହି ଫୁଲକୁ ଉତ୍ତରାଖଣ୍ଡରେ ଜାତୀୟ ଫୁଲ ଭାବେ ଘୋଷଣା କରାଯାଇଛି I ପତ୍ରରୁ ଗଛ ହୋଇ ବ୍ରହ୍ମକମଳ ଫୁଲ ଫୁଟିଥାଏ I ମହାପ୍ରଭୁଙ୍କ ଆଶୀର୍ବାଦରୁ ରମେଶ ଶତପଥୀଙ୍କ ବଗିଚାରେ ବ୍ରହ୍ମକମଳ ଫୁଲ ଫୁଟୁଥିବାରୁ ରମେଶ ଭାବବିହ୍ଵଳ ହୋଇ ପ୍ରଭୁଙ୍କ ଆଶୀର୍ବାଦ ଏପରି ଥାଉ ଓ ବାରମ୍ବାର ବ୍ରହ୍ମକମଳ ଫୁଲ ତାଙ୍କ ବଗିଚାରେ ଫୁଟୁଥାଉ ବୋଲି ଜଗନ୍ନାଥଙ୍କ ପାଖରେ କାଲି ୧୨ଟି ଫୁଲ ଅର୍ପଣ କରିବା ସମୟରେ ସେ ପ୍ରାର୍ଥନା କରିଛନ୍ତି I ଅତି ଯତ୍ନରେ ବ୍ରହ୍ମକମଳ ଗଛର ଯତ୍ନ ନିଅନ୍ତି ସେ , ତାସାହିତ ପ୍ରଭୁଙ୍କ ଆଶୀର୍ବାଦ ଯୋଗୁ ବାରମ୍ଵାର ତାଙ୍କ ବଗିଚାରେ ଏହି ବିରଳ ଫୁଲ ଫୁଟୁଛି I
