ରାଜ୍ୟରେ ଆସନ୍ତାକାଲିଠାରୁ ଗଡିବ ସରକାରୀ ବସ୍.

- Advertisement -

ଭୁବନେଶ୍ୱର: ଆସନ୍ତାକାଲି ଠାରୁ ରାଜ୍ୟରେ ଗଡିବ ସରକାରୀ ବସ।ସାଧାରଣ ଯାତ୍ରୀଙ୍କ ଗମନାଗମନକୁ ଦୃଷ୍ଟିରେ ରଖି ରାଜ୍ୟ ସଡ଼କ ପରିବହନ ନିଗମ ଏପରି ନିଷ୍ପତ୍ତି ନେଇଛି।
ପ୍ରଥମ ପର୍ଯ୍ୟାୟରେ ରାଜ୍ୟର କେବଳ ୬୬ଟି ରୁଟରେ ବସ ଚାଲିବ। ଏଥି ପାଇଁ ୯୬ଟି ବସରେ ସେବା ଯୋଗାଇ ଦିଆଯିବ।ଏହି ବସ୍‌ଗୁଡ଼ିକ ଭୁବନେଶ୍ୱର ସମେତ ୨୨ଟି ସହରକୁ ଯୋଡ଼ିବ ।ଏ ନେଇ ସୂଚନା ଦେଇଛନ୍ତି ଓଡ଼ିଶା ରାଜ୍ୟ ସଡ଼କ ପରିବହନ ନିଗମର ମୁଖ୍ୟ ପରିଚାଳନା ନିର୍ଦ୍ଦେଶକ ଅରୁଣ ବ୍ରୋଥା।
କରୋନା ମହାମାରୀ ପାଇଁ ତିନି ମାସ ହେଲାଣି ରାଜ୍ୟର ସମସ୍ତ ବସ ସେବା ବନ୍ଦ ଅଛି। କିଛି ଦିନ ପୂର୍ବରୁ ଘରୋଇ ବସ ସେବା ଆରମ୍ଭ ହୋଇଛି। ହେଲେ ଅଳ୍ପ ସଂଖ୍ୟକ ଯାତ୍ରୀ ହେଉଥିବାରୁ ମାଲିକମାନେ ମଧ୍ୟ ଗାଡି ଚଳେଇବାକୁ ରାଜି ହେଉନାହାନ୍ତି।ଫଳରେ ଯାତ୍ରୀମାନେ ଗମନାଗମନରେ ଅନେକ ଅସୁବିଧା ପାଉଛନ୍ତି। ଯାତ୍ରୀମାନଙ୍କର ଏହି ସବୁ ଅସୁବିଧାକୁ ଦେଖି ରାଜ୍ୟ ସରକାର ଆସନ୍ତା କାଲିଠାରୁ ଓଏସ୍‌ଆରଟିସିର ବସ ଚଳାଇବା ପାଇଁ ନିଷ୍ପତ୍ତି ନେଇଛନ୍ତି।