()ଆକର୍ଷଣ ଏମିତି ଏକ ଚୁମ୍ବକ ତାହା ସମୟ କି ବୟସ ମାନେ ନାହିଁ । କିଏ କେବେ ଏହା ଦ୍ବାରା ପ୍ରଭାବିତ ହୁଏ ତାହା ବି କହିବା ମୁସକିଲ । ଭିନ୍ନ ଭିନ୍ନ ଲୋକ ଭିନ୍ନ ଭିନ୍ନ ଢଙ୍ଗରେ ଆକର୍ଷିତ ହୋଇଥାନ୍ତି । ଆଉ କେବେ ଏହି ଆକର୍ଷଣ ଲୁହା ଓ ଚୁମ୍ବକ ପରି ହୋଇଥାଏ । ଯଦି ଅଚାନକ ଲୁହାକୁ ଚୁମ୍ବକ ଆସିଯାଏ ତେବେ ଉଭୟ ଯୋଡ଼ି ହୋଇଯାଆନ୍ତି । ତେବେ ଏଥିରେ କଣ ଯେ ବ୍ୟତିକ୍ରମ । ସମାଜରେ ଏମିତି କିଛି ଆକର୍ଷଣରେ ଆମେ ସମସ୍ତେ ପ୍ରଭାବିତ ହୋଇଛନ୍ତି ତାହା ଆମକୁ ବହୁତ ସମୟରେ ହଇରାଣ କରୁଛି ଓ ସମାଜକୁ ପଥଭ୍ରଷ୍ଟ କରୁଛି । ଅତ୍ୟଧିକ ଆଶା ଯୋଗୁଁ ଆମେ ଅଧିକ ଆକର୍ଷିତ ହେଉଛନ୍ତି । ଯାହା ଆମକୁ ଅନୁତାପ କରିବାକୁ ସମୟ ବି ଦେଉନାହିଁ । ଏମିତି ଏକ ଆକର୍ଷଣରେ ଏବେ ଅନେକ ଯୁବପିଢ଼ି ଏମିତିକି ବୟସ୍କ ପଡ଼ିଛନ୍ତି । ଦୁନିଆରେ କଣ ଏମିତି ହେଉଛି । ଅଧିକ ଆଧୁନିକତା ହେବା ତାହାର ପ୍ରଭାବ କି ? ନା ଆଧୁନିକତାର ଆଳରେ ଆମେ ନିଜେ ନିଜେ ଭୁଲ ରାସ୍ତାକୁ ବାଛି ନେଇଛନ୍ତି ।
ହଠାତ ରାକେଶ ପାଖକୁ ଆସିଲା ଫ୍ରେଣ୍ଡ ରିକ୍ଵେଷ୍ଟ l ରାକେଶ ବି ତାକୁ ଗ୍ରହଣ କଲା l ହଁ ଏକଥା ସ୍ବଭାବିକ ଯେ ଯଦି ଜଣେ ସୁନ୍ଦରୀ ଝିଅ କି ସ୍ତ୍ରୀ ଲୋକ ଜଣେ ଯୁବକ ହେଉ କି ବୟସ୍କ ଯାହା ପାଖକୁ ବନ୍ଧୁତା ହେବା ପାଇଁ ସୋସିଆଲ ମିଡିଆରେ ନିବେଦନ କରିବ ତାହାକୁ କେଉଁ ପୁରୁଷ ବା ଗ୍ରହଣ କରିବନି l ନାରୀ ପାଖରେ ପା ଆକର୍ଷଣ ଭରି ରହିଛି l ପୁଣି ଏବେ ଆମେ ଆଧୁନିକ ମଣିଷ ସଭିଏଁ l ୧୦୦ରୁ ୯୫ ଜଣ ସ୍ବାର୍ଥ ଓ ଆଶା ରଖି ନାରୀ ପ୍ରେମରେ ପାଗଳ l ଅତ୍ୟଧିକ ନାରୀ ପ୍ରତି ଆକର୍ଷଣରେ ଆମେ ବେଳେବେଳେ ଏମିତି କଷ୍ଟ ପାଆନ୍ତି ଯେ ନା କାହାକୁ କହି ହୁଏ ନା ସହି ହୁଏ l ସେମିତି କିଛି ଘଟିଲା ରାକେଶ ସହ l ପୁରୁଷ ମନ ତ, ବିବାହର ୧୨ବର୍ଷ ପରେ ବି ନାରୀ ମାୟା ତା ମନରୁ ଯାଇନାହିଁ ତାହା ସଦ୍ୟତମ ଘଟଣାରୁ ଜଣାପଡିଛି l ଜଣେ ଝିଅ ତାକୁ ହନିଟ୍ରାପ କରିଛି l ବିଚରା ରାକେଶ ଏବେ କଣ କରିବ କିଛି ଭାବିପାରୁ ନାହିଁ l ନାରୀ ଆକର୍ଷଣ ପାଇଁ ତ ସେ ହନିଟ୍ରାପର ମାୟା ଜାଲରେ ପଡ଼ିଛି l ଶେଷରେ ତା ମନକୁ ଆସିଛି, ଆରେ ମୁଁ କଣ ଏକଲା, କାହିଁ କେତେ ବରିଷ୍ଠ, ବିଶିଷ୍ଟ, ଧନୀ, ମାନି, ଗୁଣୀ ବ୍ୟକ୍ତି ପା ଏଥିରେ ଶିକାର ହୋଇଛନ୍ତି l ଏଥିରେ ଭୁଲ କଣ l ସେ ଝିଅ ମତେ କଣ ବଦନାମ କରିବ , ମୁଁ ତାକୁ ବଦନାମ କରିବି l ଆଉ ଏପରି ସାଇବର କ୍ରାଇମକୁ ରୋକିବାରେ ଜଣେ ପଥିକ ହେବି l ହେଲେ ତାହାରି ଭିତରେ ଭାବୁଥାଏ କଣ ଏହା କରିବା ଠିକ୍ ହେବ l ଏମିତି କେତେ କଣ l ଘରେ ଯଦି ଜାଣିବେ, ତେବେ କେତେ ବଦନାମ ହେବି l ସେ ଯାହା ହେଉ ରାକେଶ କିପରି ଜଣେ ମାୟାବିନୀ ଜାଲରେ ପଡି ହନିଟ୍ରାପର ଶିକାର ହୋଇଛି ତାହାର ସହକର୍ମୀକୁ ଜଣାଇଲା l ପ୍ରଥମେ ପ୍ରଥମେ କିଛି ସହକର୍ମୀ ରାକେଶକୁ ଥଟ୍ଟାମଜା କଲେ l ପରେ କିନ୍ତୁ ସମସ୍ତେ ମନେ ମନେ ଭାବୁଥାନ୍ତି ମୁଁ ଯଦି ଏପରି ମାୟାଜାଲରେ ଛନ୍ଦି ହୋଇଥାନ୍ତି l ବାସ୍ ଏତିକି… ଲାଗୁଥିଲା ଯେମିତି ଫୋନ୍ କଲରେ କରେଣ୍ଟ ଯେ କେବଳ ରାକେଶ ଖାଇ ନାହିଁ ,ସମାଜର ଅନେକ ବ୍ୟକ୍ତି ପ୍ରତ୍ୟେକ ଦିନ ଏଥିରେ ଶିକାର ହେଉଛନ୍ତି l ହେଲେ ବଞ୍ଚିବାର ଉପାୟ କଣ ସେ କଥା କେହି ଭାବୁନାହାନ୍ତି l କାରଣ ସବୁ ପା ମାୟାରେ ବାୟା l
ସେଥିପାଇଁ ବିନା ସ୍ବାର୍ଥରେ ଭଲ ପାଅ, ସୁନ୍ଦର, ଧନ କି ଯୌବନକୁ ନୁହେଁ l ଜୀବନରେ ଯାହା ଘଟିବା କଥା ଘଟିବ, ଯିଏ ଆସିବା କଥା ଆସିବ ଆଉ ଯିଏ ଯିବା କଥା ଯିବ l ହେଲେ ନିମିଷକ ଖୁସି ପାଇଁ ଚିରଦିନ ଖୁସି ଏଡେଇ ଦିଆ ଯାଇନପାରି ତାହା ସେଦିନ ରାକେଶ ବୁଝୁଥିଲା l ଠିକ୍ ଏତିକି ବେଳେ ରାକେଶର ଫୋନ ରିଙ୍ଗ ହେଲା। ସେପଟୁ ଶୁଭିଲା ରାକେଶ ଆଇ ଲଭ ୟୁ….
