- Advertisement -
ଭୁବନେଶ୍ୱର : ପହଞ୍ଚିଲା କୋଭିଡ ଭ୍ୟାକ୍ସିନ ଫ୍ଲାଇଟ । ଭୁବନେଶ୍ୱର ବିମାନବନ୍ଦରରେ ଟିକା ପହଞ୍ଚିଛି । ଏୟାରପୋର୍ଟରୁ ଓଡିଶା ଔଷଧ ନିଗମକୁ ଗଲା ଟିକା । ଏ ନେଇ ରାଜ୍ୟ ସରକାରଙ୍କ ପକ୍ଷରୁ ସମସ୍ତ ପ୍ରକାରର ବ୍ୟବସ୍ଥା କରାଯାଇଛି । ଭୁବନେଶ୍ୱର ଏୟାରପୋର୍ଟରେ ସ୍ପାଇସ ଜେଟର ସ୍ବତନ୍ତ୍ର ବିମାନରେ କୋରୋନା ଟିକା ପହଞ୍ଚିଛି । 3ଟି ଗାଡି ମଧ୍ୟରେ ଟିକା ରାଜ୍ୟ ଔଷଧ ନିଗମରେ ପହଞ୍ଚିଛି । କଡା ସୁରକ୍ଷା ବଳୟରେ ଟିକାକୁ ଭୁବନେଶ୍ୱର ଏୟାରପୋର୍ଟରୁ ଓଡିଶା ଔଷଧ ନିଗମକୁ ଯାଇଛି । ସ୍ପାଇସ ଜେଟ ଏସ ଜି 7466 ବିମାନ ଯୋଗେ ପୁନେରୁ ଭୁବନେଶ୍ୱର ଆସିଛି। ତେବେ ଏଥିରେ 34 ପ୍ୟାକେଟ ରହିଥିବାବେଳେ ଏହାର ଓଜନ 12 କେଜି ରହିଛି। ତେବେ ଏହାକୁ କଡା ସୁରକ୍ଷା ବଳୟରେ ପରିବହନ କରାଯାଇଛି ବୋଲି ଜେଟି ଜେନେରାଲ ମ୍ୟାନେଜର ସରୋଜ କୁମାର ରାଉତ କହିଛନ୍ତି । ସୂଚନା ଥାଉକି ଆସନ୍ତା 16 ତାରିଖରୁ ସାରା ଦେଶରେ କୋରୋନା ଟୀକା ଆରମ୍ଭ ହେବାକୁ ଯାଉଥିବା ବେଳେ ସ୍ୱାସ୍ଥ୍ୟ ବିଭାଗ ସମ୍ପୂର୍ଣ୍ଣ ରୂପେ ପ୍ରସ୍ତୁତ ହୋଇରହିଛି ।
