ଦେଶରେ ୨୪ ଘଣ୍ଟାରେ ୯୯୮୭ ଜଣ ନୂଆ କରୋନା ଆକ୍ରାନ୍ତ:ମୃତ ୨୬୬

- Advertisement -

ନୂଆଦିଲ୍ଲୀ : ଭାରତରେ ଦିନକୁ ଦିନ କରୋନା ଆକ୍ରାନ୍ତ ସଂଖ୍ୟା ବଢିବାରେ ଲାଗିଛି।ଗୋଟିଏ ପରେ ଗୋଟିଏ ରାଜ୍ୟକୁ ମାଡି ଚାଲିଛି ଏହି କରୋନା ମହାମାରୀ । ଏହା ସହ ମୃତ୍ୟୁ ମଧ୍ୟ ବଢ଼ିବାରେ ଲାଗିଛି। ଏ ଯାଏ ଭାରତରେ ୨ ଲକ୍ଷ ୬୬ ହଜାର ୫୯୮ରେ ଆକ୍ରାନ୍ତ ସଂଖ୍ୟା ପହଂଚିଛି। ଏହାସହ ୭ ହଜାର ୪୬୬ ଜଣଙ୍କର ମୃତ୍ୟୁ ହୋଇଛି। ସେହିପରି ୧ ଲକ୍ଷ ୨୯ ହଜାର ୨୧୫ ଜଣ ଲୋକ ସୁସ୍ଥ ହେଲେଣି।ଏବେ ଲକ୍ଷ ୨୯ ହଜାର ୯୧୭ଜଣ ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଏ ନେଇ ସ୍ୱାସ୍ଥ୍ୟ ବିଭାଗ ସୂଚନା ଦେଇଛି ।
ଗତ ୨୪ ଘଣ୍ଟାରେ ୯୯୮୭ ଜଣ ବ୍ୟକ୍ତି ନୂଆକରି କରୋନା ଆକ୍ରାନ୍ତ ହୋଇଥିବା ବେଳେ ୨୬୬ ଜଣ ପ୍ରାଣ ହରାଇଛନ୍ତି ।
ଏହାସହ ମହାରାଷ୍ଟ୍ରରେ ସର୍ବାଧିକ ୩୧୬୯, ଗୁଜରାଟରେ ୧୨୮୦ ଆକ୍ରାନ୍ତଙ୍କ ମୃତ୍ୟୁ, ମଧ୍ୟ ପ୍ରଦେଶରେ ୪୧୪, ଦିଲ୍ଲୀରେ ୮୭୪, ରାଜସ୍ଥାନରେ ୨୪୬ ଲୋକଙ୍କର ମୃତ୍ୟୁ ହୋଇଛି।