ଭୁବନେଶ୍ୱର : ରାଜ୍ୟରେ କରୋନା ଆକ୍ରାନ୍ତ ସଂଖ୍ୟା କମିବାର ନାଁ ଧରୁ ନାହିଁ। ଦିନକୁ ଦିନ ବଢ଼ିବାରେ ଲାଗିଛି। ଆଜି ଆଉ ଜଣେ ଆକ୍ରାନ୍ତଙ୍କର ରାଜ୍ୟରେ ମୃତ୍ୟୁ ହୋଇଛି।ମୃତ ବ୍ୟକ୍ତି ଜଣଙ୍କ ଗଞ୍ଜାମ ଜିଲ୍ଲାର ୫୫ ବର୍ଷୀୟ ପୁରୁଷ । ଏହାସହ ଆଜି ପୁଣି ୧୧୨ଜଣ ନୂଆ କରୋନା ପଜେଟିଭ ଚିହ୍ନଟ ହୋଇଛନ୍ତି । ଏବେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୩୪୯୮ରେ ପହଁଚିଛି।
ସେମାନେ ପୁରୀରୁ ସର୍ବାଧିକ ୧୫, ଖୋର୍ଦ୍ଧା ୮, ମୟୂରଭଞ୍ଜ ୭, ଅନୁଗୋଳ ଓ ଗଞ୍ଜାମରୁ ୬ ଲେଖାଏଁ, କେନ୍ଦୁଝର, ସମ୍ବଲପୁର, ଗଜପତି, ବଲାଙ୍ଗିର ଓ ବାଲେଶ୍ବରରୁ ୫ ଲେଖାଏଁ, ନୟାଗଡ଼ ଓ ସୁନ୍ଦରଗଡ଼ରୁ ୪ ଲେଖାଏ, ଯାଜପୁର, ମାଲକାନଗିରି, କଟକ ଓ ବୌଦ୍ଧରୁ ୩ ଲେଖାଏଁ, ଝା ରସୁଗୁଡ଼ା ଓ ଦେବଗଡ଼ରୁ ୨ ଜଣ ଲେଖାଏଁ କରୋନାରେ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାସହ ୨୧ ଆକ୍ରାନ୍ତଙ୍କ ମଧ୍ୟରେ ଓଡ୍ରାଫ ,ଏନଡିଆରଏଫର ଓ ଅଗ୍ନିଶମ ବିଭାଗର ଅଛନ୍ତି । ସେମାନେ ସମସ୍ତେ ଆମ୍ପନ ସମୟରେ କୋଲକାତା ଯାଇଥିଲେ। ଏନେଇ ସ୍ୱସ୍ଥ୍ୟ ଓ ପରିବାର କଲ୍ୟାଣ ବିିଭାଗ ପକ୍ଷରୁ ସୂଚନା ଦେଇଛି।ସେଥିମଧ୍ୟରୁ ସମସ୍ତ ୧୦୭ ଜଣ କ୍ବାରେଣ୍ଟିନ୍ ସେଣ୍ଟରରେ ଏବଂ ଜଣ ୫ ସ୍ଥାନୀୟ ଲୋକ ଅଛନ୍ତି ।ଏହାସହ ୧୧୩୧ଜଣ ଚିକିତ୍ସିତ ହେଉଥିବା ବେଳେ ୨୩୫୪ଜଣ ସୁସ୍ଥ ହୋଇସାରିଲେଣି। ଆଉ ୧୦ଜଣଙ୍କର ମୃତ୍ୟୁ ହୋଇଛି।
