ଦେଶରେ ୩ ଲକ୍ଷ ଓ ମହାରାଷ୍ଟ୍ରରେ ୧ ଲକ୍ଷ ଟପିଲା କରୋନା ଆକ୍ରାନ୍ତ ସଂଖ୍ୟା
ନୂଆଦିଲ୍ଲୀ : ଭାରତରେ ଦିନକୁ ଦିନ କରୋନା ଆକ୍ରାନ୍ତ ସଂଖ୍ୟା ବଢିବାରେ ଲାଗିଛି।ଗୋଟିଏ ପରେ ଗୋଟିଏ ରାଜ୍ୟକୁ ମାଡି ଚାଲିଛି ଏହି କରୋନା ମହାମାରୀ । ଏହା ସହ ମୃତ୍ୟୁ ମଧ୍ୟ ବଢ଼ିବାରେ ଲାଗିଛି।ଆଜି ବିଶ୍ୱ ସ୍ତରରେ ଆକ୍ରାନ୍ତ ସଂଖ୍ୟାରେ ବ୍ରିଟେନକୁ ପଛରେ ପକାଇ ଭାରତ ୪ ନମ୍ବରରେ ପହଂଚିଛି।ଏହାସହ ଆଜି ଦେଶରେ ୩ଲକ୍ଷ ଛୁଇଁଛି କରୋନା ଆକ୍ରାନ୍ତ ସଂଖ୍ୟା।ଏ ଯାଏ ଭାରତରେ ୩ ଲକ୍ଷ ୮ ହଜାର ୯୯୩ରେ ଆକ୍ରାନ୍ତ ସଂଖ୍ୟା ପହଂଚିଛି। ଏହାସହ ୮୮୮୪ ଜଣଙ୍କର ମୃତ୍ୟୁ ହୋଇଛି। ସେହିପରି ୧ ଲକ୍ଷ ୫୪ ହଜାର ୩୩୦ ଲୋକ ସୁସ୍ଥ ହେଲେଣି।ଏବେ୧ଲକ୍ଷ ୪୫ହଜାର ୭୭୯ ଜଣ ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଏ ନେଇ ସ୍ୱାସ୍ଥ୍ୟ ବିଭାଗ ସୂଚନା ଦେଇଛି ।
ଗତ ୨୪ ଘଣ୍ଟାରେ ୧୧,୪୫୮ ଜଣ ବ୍ୟକ୍ତି ନୂଆକରି କରୋନା ଆକ୍ରାନ୍ତ ହୋଇଥିବା ବେଳେ ୩୮୬ ଜଣ ପ୍ରାଣ ହରାଇଛନ୍ତି ।ସେହିପରି ଭାବେ ମହାରାଷ୍ଟ୍ରରେ ୧ ଲକ୍ଷ ଟପିଲା ସଂକ୍ରମିତ ସଂଖ୍ୟା।ରାଜ୍ୟରେ ୧ ଲକ୍ଷ ୧ ହଜାର ୧୪୧ ସଂକ୍ରମିତ ଚିହ୍ନଟ ହୋଇଥିବାବେଳେ ୩୭୧୭ ଜଣଙ୍କ ମୃତ୍ୟୁ ଘଟିଛି ।
