ଭୁବନେଶ୍ୱର : କରୋନାରେ ଓଡିଶାରୁ ଦୈନିକ ଅଢେଇ ଲକ୍ଷ ଲୋକ ସଂକ୍ରମିତ ହୋଇପାରନ୍ତି ଏବଂ ଦୈନିକ 400 ଲୋକ ମୃତ୍ଯୁବରଣ କରିପାରନ୍ତି । ଏଭଳି କିଛି ଚାଞ୍ଚଲ୍ଯକର ତଥ୍ଯ ଦେଇଛନ୍ତି ବରିଷ୍ଠ ଚିକିତ୍ସା ବିଶେଷଜ୍ଞ ଡକ୍ଟର ନିରୋଜ ମିଶ୍ର ।
ବିଶ୍ବବିଦ୍ଯାଳୟ ତଥ୍ଯ ଆଧାରରେ ଡକ୍ଟର ନିରୋଜ ମିଶ୍ର ଏଭଳି ତଥ୍ଯ ରଖିଛନ୍ତି ।
ବର୍ତ୍ତମାନର କରୋନାର କମିବା ସ୍ଥିତିକୁ ଦେଖି ଲୋକେ ଯଦି ଅମାନିଆ ହୁଅନ୍ତି ତେବେ ଏଭଳି କିଛି ଭୟାନକ କଥା ଓଡିଶାରେ ଦେଖିବାକୁ ମିଳିବ । ଆଗକୁ ଶୀତ ଥିବାରୁ ଖାସ ଏଥିପାଇଁ ମୁଖ୍ଯମନ୍ତ୍ରୀ ଏବଂ ପ୍ରଧାନମନ୍ତ୍ରୀ ଲୋକଙ୍କୁ ସଚେତନ ରହିବାକୁ କହିଥିବାବେଳେ ଲୋକେ ଏହାକୁ ନିଶ୍ଚିତ ଭାବେ ଜଗନ୍ତୁ ଏବଂ ମାସ୍କ ପିନ୍ଧିବା ସହ ଆଦୌ ଗହଳି କରନ୍ତୁ ନାହିଁ ।ଏପରିକି ଜନ୍ମଦିନ ବିବାହ ଉତ୍ସବ ଏବଂ କୌଣସି କାର୍ଯ୍ଯ଼କ୍ରମରେ ଆଦୌ ଗହଳି ନ ଜମାଇବା ପାଇଁ ସ୍ବାସ୍ଥ୍ଯ ବିଶେଷଜ୍ଞ ଚେତାଇ ଦେଇଛନ୍ତି। ଏପରିକି ନିର୍ବାଚନୀ ଭିଡକୁ ସଂପୂର୍ଣ ବ୍ଯାନ କରିବାକୁ କହିଛନ୍ତି ବିଶେଷଜ୍ଞ ।
ଅନ୍ଯପକ୍ଷରେ ଖାସ ଏହି ହାଲକା ଭାବେ ନେବାରୁ ଯ଼ୁରୋପୀୟ ଦେଶରେ ବର୍ତ୍ତମାନ ସଂକ୍ରମଣ ପୂର୍ବଠାରୁ ମଧ୍ଯ ବଳିଯାଇଛି । ଦୈନିକ ଲକ୍ଷାଧିକ ସଂକ୍ରମଣ ବିଭିନ୍ନ ସ୍ଥାନରେ ବାହାରୁଛି । ଇଂଲଣ୍ଡଠାରୁ ଆରମ୍ଭ କରି ସ୍ପେନ ତଥା ଅନ୍ଯ ଦେଶରେ ଲୋକମାନେ ପ୍ରଥମ ପର୍ଯ୍ୟାୟ ସଂକ୍ରମଣ ପରେ କରୋନା କମିଗଲା ଭାବି ବାହାରେ ପାର୍ଟି ତଥା ଭି଼ଡ ଜମାଇଲେ । ଯାହାର ପରିଣାମ ଅତ୍ଯନ୍ତ ଭଯ଼ଙ୍କର ହେଉଛି ବୋଲି କୁହାଯାଇଛି ।ଏପରିକି ପ୍ରଥମେ ସଂକ୍ରମଣର ଶିକାର ହୋଇ ଭଲ ହୋଇଥିବା ବିଶ୍ବର ୫ ଜଣ ଦ୍ବିତୀୟବାର କରୋନା ସଂକ୍ରମିତ ହୋଇଛନ୍ତି ।ଏପରିକି ଦ୍ବିତୀଯବାର ସଂକ୍ରମିତ ହେଉଥିବା ବ୍ଯକ୍ତି ମଧ୍ଯ ଭୟଙ୍କର ଭାବେ ପ୍ରଭାବିତ ହେଉଛନ୍ତି । ତେଣୁ ଏ ସବୁରୁ ବର୍ତ୍ତିବା ପାଇଁ କୋଭିଡର ସମସ୍ତ ଗାଇଡଲାଇ ମାନିବ ନିହାତି ଆବଶ୍ଯକ ବୋଲି ସ୍ବାସ୍ଥ୍ଯ ବିଶେଷଜ୍ଞ କହିଛନ୍ତି । କରୋନାର ଦ୍ୱିତୀୟ ପର୍ଯ୍ୟାୟ ଆସିବା ପୂର୍ବରୁ ସମସ୍ତେ ଅତ୍ଯନ୍ତ ସତର୍କ ହେବା ଆବଶ୍ଯକ । ଏପରିକି ଭ୍ଯାକ୍ସିନ ନ ଆସିବା ପର୍ଯ୍ୟନ୍ତ ସତର୍କତା ନିହାତି ଆବଶ୍ଯକ ।ତେଣୁ ଲୋକମାନେ ବର୍ତ୍ତମାନ କରୋନାକୁ ଦେହସୁହା ଭାବେ ନ ନେଇ ଅତ୍ଯନ୍ତ ଗୁରୁତ୍ବର ସହ ପୂର୍ବଭଳି ନିୟମ ମାନିବା ଆବଶ୍ଯକ ନଚେତ ଓଡିଶାର ସ୍ଥିତି ଭୟାନକ ହେବ ବୋଲି କହିଛନ୍ତି ଡକ୍ଟର ନିରୋଜ ମିଶ୍ର ।
