ଯେ କୌଣସି କାମ କରିବା ପୂର୍ବରୁ ମନ ଭିତରୁ ଗୋଟେ ଦ୍ୱନ୍ଦ୍ୱ ସୃଷ୍ଟି ହୁଏ l ଏହା ଠିକ୍ ନା ଭୁଲ l ଆଉ ସେ ଚିନ୍ତାରେ ଆମେ ଘାଣ୍ଟି ହୁଅନ୍ତି l ଏ ଭାବନାକୁ ସରଳୀକୃତ କଲେ ଜଣା ଯାଏ ଏ ଧ୍ଵନୀ ହେଉଛି ବିବେକର l ଯେହେତୁ ବିଗେକ ଭଗବାନଙ୍କ ପ୍ରଦତ୍ତ , ତେଣୁ ସବୁ କାମ କରିବା ପୂର୍ବରୁ ନିଜର ବିବେକ ମାର୍ଗ ଦର୍ଶନ କରିବାକୁ ଚେଷ୍ଟା କରେ l ହେଲେ ଆଜିର ଅତ୍ୟାଆଧୁନିକ ଯୁଗରେ ଵିବେକ ଆଜି ବାଟବଣା ହୋଇଛି l କଣ କଲେ ଠିକ୍, କଣ କଲେ ଭୁଲ ତାହା ଜାଣି ବି ଆମେ ଭୁଲ ରାସ୍ତାକୁ ସହଜରେ ବାଛି ଦେଉଛନ୍ତି l ପୃଥିବୀରେ ବିବେକ ବିଚାର ଓ ବୃଦ୍ଧି ଥିବା ଶ୍ରେଷ୍ଠ ପ୍ରାଣୀ ହେଉଛି ମଣିଷ l ନିଜର ସ୍ବାର୍ଥ, “ମୁଁ ” ପଣ ଓ କ୍ଷଣିିକ ସୁଖ ପାଇଁ ସେ ନିଜ ବିବେକକୁ ହରାଇଦିଏ l ଆଉ ପରେ ଭାବିଲା ବେଳକୁ ସମୟ ଗଡିଯାଇଥାଏ l ଆମ ଦୈନିକ ଜୀବନ ଶୈଳୀରେ ଆମେ ବିବେକକୁ ଚାବୁକ ମାରି ଆଗେଇ ଚାଲିଛନ୍ତି l ଧରନ୍ତୁ ଆପଣ ଜାଣୁଛନ୍ତି ଆପଣ ଆଜି ଯାହା କରୁଛନ୍ତି ତାହା ଆପଣ ବିବେକ ଚାହୁନାହିଁ ତଥାପି ବାରମ୍ବାର ସେ କାମ କରୁଛନ୍ତି ତାହା ଦିନେ ଆପଣଙ୍କୁ ଦୁଃଖ ଦେବ l ଆଉ ସେତେବେଳେ ଚିନ୍ତା କଲେ ଯେପରି ହାତରୁ ଧନୁ ତୀର ଖସିଗଲେ ଫେରିଆସେନି ଠିକ୍ ଆପଣଙ୍କ ଅବସ୍ଥା ସେମିତି ହେବ l ତେଣୁ ଜୀବନକୁ ସହଜରେ କାଟିବାକୁ ଯଦି ଚାହୁଁଛନ୍ତି ତେବେ ବିବେକ ଅନୁସାରେ ଠିକ୍ ଓ ଭୂଲର ବିଚାର କରନ୍ତୁ ଓ ନିଜମର୍ଜିରେ ବଞ୍ଚନ୍ତୁ l ଦେଖିବେ ଏ ସମାଜ ଓ ଆପଣ ନିଜେ ମଧ୍ୟ ଏଇ ଜୀବନ ଶ୍ରେଷ୍ଠ ବୋଲି ଅନୁଭବ କରିବ l କାରଣ ବିବେକ ଅନୁସାରେ କାମ କରୁଥିବା ବ୍ୟକ୍ତି ଭୁଲରୁ ବଂଚିଯାଏ l ଫଳରେ ନିଜେ ଖୁସି ରହିବା ସହ ଅନ୍ୟକୁ ଖୁସି ବାଣ୍ଟେ l
ଏବେ କୁହନ୍ତୁ ବିବେକ ଅନୁସାରେ ଜୀବନକୁ ଆଗକୁ ନେବା ନା ସବୁବେଳେ ଦ୍ୱନ୍ଦ୍ୱରେ ଜୀବନ ବିତାଇବା l ଵିଚାର ଆପଣଙ୍କର…..
