() ସେଦିନ ରବିବାର । ସଂନ୍ଧ୍ୟାରେ ଝିପିଝିପି ବର୍ଷା ପାଗ । ମେସରେ ରହୁଥିବା ୬ଜଣ ସାଙ୍ଗ ଇଚ୍ଛା କଲେ ଟିକେ ଚିକେନ ଝୋଳ କରିବା ପାଇଁ । ପଇସା ବି ଆଦାୟ ହେଲା । ଜଣକା ୬୦ ଟଙ୍କା ଲେଖାଏଁ । ସେତେବେଳକୁ ରାତି ୯ଟା ହୋଇ ସାରିଲାଣୀ । ଛତାଧରି ମନୋଜ,ରବି ଗଲେ ଚିକେନ ଆଣିବା ପାଇଁ । ୨କେଜି ଚିକେନ ଆଣିବେ ବୋଲି ମେସର ବାକି ସାଙ୍ଗକୁ କହିଲେ । ସେହି ଅନୁସାରେ ମସଲା ରେଡ଼ି ହେଲା । ରବି ଓ ମନୋଜ ଟିକେ ପାଗ ଦେଖିକି ବିୟର ପିଇବା ପାଇଁ ନିଷ୍ପତି ନେଲେ । ତେଣୁ ରବି କହିଲା ମନୋଜ ଏହି ଦୁଇ କେଜି ଚିକେନରୁ ହାପକେଜି(୫୦୦ଗ୍ରାମ) ଚିକେନ ଫାଷ୍ଟ ଫୁଡ଼ ଦୋକାନୀକୁ ଦେଇଦେବା । ଆଉ ଅବଶିଷ୍ଟ ଚିକେନ ମେସରେ ଥୋଇଦେଇ ଆମେ ଗୋଟେ ଗୋଟେ ବିୟର ଆଣି ମାରିଦେବା । ତାପରେ ମେସକୁ ଯିବା । ଏକଥାରେ ଏକମତ ହେଲା ମନୋଜ । ରବି ୫ଶହ ଗ୍ରାମ ଚିକେନ ନେଇ ଫାଷ୍ଟ ଫୁଡ଼ ଦୋକାନୀକୁ ଦେଲା । କହିଲା ଭାଇ ଟିକେ କଷିଦେବ ମୁଁ ଯାଉଛି ବିୟର ଆଣିବି ତୁ, ମୁଁ ,ମନୋଜ ପିଇବା । ବର୍ଷା ପାଗରେ ଏପରି କଥା ଶୁଣି ଦୋକାନୀ ବି ଖୁସ ।
ମନୋଜ ଟିକେ ରସିକିଆ । ତା ପ୍ରେମିକାକୁ ଫୋନ କଲା । କହିଲା ମିଲି କଣ ତୁ ରୋଷେଇ କରୁଛୁ । ମିଲି କହିଲା କିଛି ନାହିଁ ଅଣ୍ଡା ଭୁଜିଆ , ଡ଼ାଲି , ଭାତ ଖାଇବୁ । ଏକଥା ଶୁଣି ମନୋଜ କହିଲା ରୁମ ତଳକୁ ଆସ । ମୁଁ ଚିକେନ ଏକ କେଜି ଆଣିଛି ଦେବି , ତୁ ଓ ତୋର ଦୁଇଜଣ ସାଙ୍ଗ ରୋଷେଇ କରି ଖାଇବ । ନିଜେ ମେସକୁ ନେଉଥିବା ଚିକେନରୁ ଗୋଟେ କେଜି ଚିକେନ କାଢିଦେଲା ନିଜର ପ୍ରେମିକା ଓ ତା ସାଙ୍ଗ ପାଇଁ । ଏହାପରେ ରବି ସହ ବିୟରମାଡ଼ କରି ମେସକୁ ଫେରିଲେ । ମେସରେ ରବି ଭଲ ରୋଷେଇ ଜାଣେ । ତେଣୁ ମସଲା ରେଡ଼ି କରି ସମସ୍ତେ ଅପେକ୍ଷା କରିଥାନ୍ତି ରବି ଓ ମନୋଜକୁ । ରବି ମେସରରେ ପହଞ୍ଚି କହିଲା ଭାଇ ସରି । ଟିକେ କ୍ଷମା କର । ସାଙ୍ଗଟେ ଦେଖାହୋଇଗଲା , ଟିକେ ବିୟର ମାଡ଼ କରିଦେଲୁ । ଏତିକି ବେଳେ ମେସରେ ଥିବା ଅନ୍ୟଚାରି ଜଣ କହିଲେ ରବି ତୁ ହେବୁନି । ତୋର ଏହି ଗୁଣଟା ଭଲ ଲାଗେନି । ସମୟ ଦେଖିଲୁ କେତେ ହେଲାଣୀ, ୧୧ଟା ୩୦ମିନିଟ । ରୋଷେଇ ସରିବ କେତେବେଳେ ଓ ଆମେ ଖାଇବା କେତେବେଳେ । ରବି କହିଲା ନୋ ଟେନସନ । ଠିକ ୧୨ଟା ବେଳେ ରୋଷେଇ ସରିବ । ଭାତ ତ ସରିଛି । କେବଳ ଚିକେନ ହେବ । ରବି ସେଠୁ ଆରମ୍ଭ କରିଦେଲା ଚିକେନ ରନ୍ଧା । ମସଲା କଷି ଯେତେବେଳେ ଚିକେନ ଜରୀ ଖୋଲି ପକାଇଲା ସେତେବେଳେ ଜରୀ ମାତ୍ର ୫୦୦ଗ୍ରାମ ଚିକେନ । ହେଲେ ତାକୁ ତ ନିଶା ସେ କଣ ଜାଣିପାରିବ । ରୋଷେଇ ସାରିଦେଲା । ସମୟ ସେତେବେଳକୁ ୧୨ଟା ୧୫ ମିନିଟ । ରବି କହିଲା ଭାଇମାନେ ଚିକେନ ରେଡ଼ି । ଖାଇବା ଚାଲ । ଏହାକହି ଖାଇବାକୁ ବସିଲେ ୬ଜଣ ସାଙ୍ଗ । ପିଆଜ, ଲଙ୍କା, ଲୁଣ ସାଇଟରେ ନେଲେ । ଖାଇବା ବଡ଼ାଗଲା । ମନୋଜ ସବୁବେଳେ ଭୋଜି ହେଲେ ଖାଇବାକୁ ବାଢ଼େ । ସେଦିନ ବି ବାଢି଼ିଲା । ସଭିଁଙ୍କ ପାଇଁ ଦୁଇଥାଳି ଭାତ ବାଢିଲା । ଆଉ ଚିକେନ ଦେଲା ବେଳେ ଖଣ୍ଡେ ଚିକେନ , ୪ଫାଳ ଆଳୁ, ତାଟିଏ ଲେଖାଏ ଚିକେନ ଝୋଳ ଦେଲା । ସଭିଁଏ ଖାଇଲେ । ମୁନା କହିଲା ମନୋଜ କଣ ବେ ଖାଲି ଝୋଳ । ମାଂସ କାହିଁ । ସମାନ କଥା କହିଲା ଟୁନା ଓ ଅନ୍ୟଦୁଇ ଜଣସାଙ୍ଗ । ଟୁନାର ତ ଟିକେ ଚିକେନ ପ୍ରିୟ । ସେ ଆସନରୁ ଉଠି କଢେଇରେ ଥାଳି କାଢି ଦେଲେ ତ କେବଳ ଚିକେନ ଝୋଳ ଆଉ ଝୋଳ । ସମୟ ବି ସେତେବେଳକୁ ୧୨ଟା ୪୫ମିନିଟ ହେଲାଣି । ୪ଜଣ ସାଙ୍ଗ କହିଲେ ବେ ରବି , ମନୋଜ ଶଳା ଆମ ଚିକେନ ପଇସାରେ ବିୟର ପିଇ ଆମକୁ ଆଜି ଝୋଳ ଖୁଆଉଛ । ରବି ତ ଜାଣିନି ମନୋଜ ତା ପ୍ରେମିକାକୁ ଚିକେନ ୧କିଲୋ ଦେଇଛି ବୋଲି । ସେ ନିଶାରେ କହିଲା ଦେଲା ଭାଇମାନେ ସତ ହେଉଛି ମୁଁ ଆଉ ମନୋଜ ୫୦୦ଗ୍ରାମ ଚିକେନ କାଢିଦେଇଥିଲୁ ଟିକେ ମାଲ ପିଇବା ପାଇଁ । ଟୁନା କହିଲା ଶଳା ଦେଢ କେଜି ଚିକେନ ତାହାଲେ କୁଆଡ଼େ ଗଲା , ଭୂତ ଖାଇଲା । ସମସ୍ତଙ୍କୁ ତ ଖଣ୍ଡେ ମାଂସ ଦେଇଛି , ଖାଲି ଝୋଳ ଆଉ ଝୋଳ । ବାକି ମାସଂ ଗଲା କୁଆଡ଼େ । ଠିକ ଏହି ସମୟରେ ମନୋଜର ଫୋନ କଲ ଆସିଲା । ନିଶା ବାଉଳାରେ ସ୍ପିକର ଫୋନ ଅନ କରି ଯେତେବେଳେ ମନୋଜ କହିଲା ହେଲୋ , ସଙ୍ଗେ ସଙ୍ଗେ ପ୍ରେମିକା ମିଲି କହିଲା , ଆଜି ଭଲ ଚିକେନ ଦେଇଥିଲ । ବାସ ଏହା ଶୁଶି ଅନ୍ୟ ସାଙ୍ଗମାନେ ଚିକେନ ଝୋଳ ଲଗାଇ ଭାତ ଖାଇଦେଲେ । ଆଉ ବର୍ଷା ପାଗରେ ଚାନ୍ଦା କରି ଚିକେନ ନୁହେଁ, ଚିକେନ ଝୋଳର ଚାହିଦା ଯେ କେତେ ତାହା ସେହିଦିନ ଅନୁଭବ କଲେ ମେସରେ ଥିବା ସାଙ୍ଗମାନେ ।
