ଭୁବନେଶ୍ୱର :ସୁବ୍ରତ ବାଗଚି। ରାଜ୍ୟ ସରକାରଙ୍କ କରୋନା ମୁଖପାତ୍ର । ରାଜ୍ୟରେ କରୋନା ମହାମାରୀ ଆରମ୍ଭ ହେଲା ପରେ ବେଶ ଚର୍ଚ୍ଚିତ ହେଲେ ସେ। ସବୁ ଦିନ ସନ୍ଧ୍ୟାରେ କରୋନାର ଟିକ ଖବର ଲୋକଙ୍କୁ ଜଣାନ୍ତି। ଆଉ କରୋନା ମହାମାରୀକୁ ନେଇ ଲୋକଙ୍କୁ ସଚେତନ କରାଇବାରେ ତାଙ୍କର ପ୍ରମୁଖ ଭୂମିକା। ଯେମିତି ଜଣେ ମଫସଲୀ ଲୋକ ମଧ୍ୟ ସଚେତନ ହୋଇପାରିବ। ସେଥିପାଇଁ ଅନେକ ଲୋକବାଣୀ କହି ଲୋକଙ୍କୁ ସେ ବୁଝାନ୍ତି। ହେଲେ କିଛି ଦିନ ହେବ ଟିଭି ସମ୍ନାରୁ ହଠାତ ଗାୟବ ହୋଇଗଲେ।ସେଥିପାଇଁ ବାଗଚି କୁଆଡେ ଗଲେ ବୋଲି ଚାରିଆଡେ ଚର୍ଚ୍ଚା ଜୋର ଧରିଲା। ଆଉ ଅନେକ ଲୋକ ମଧ୍ୟ ବିଭିନ୍ନ ଭଙ୍ଗୀରେ ତାଙ୍କୁ ସମାଲୋଚନା ମଧ୍ୟ କଲେ। ହେଲେ ସେ ଆଜି ପୁଣି ଧରେ ସାମ୍ନାକୁ ଆସିଛନ୍ତି। ହେଲେ ଏକ ଭିନ୍ନ ରୂପରେ। ସୁବ୍ରତ ବାଗଚି ଓ ତାଙ୍କ ପତ୍ନୀ ଆଜି ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ୨.୫ କୋଟି ଟଙ୍କା ଦାନ କରୁଛନ୍ତି।ସେ ଆଜି ସଚିବାଳୟରେ ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କୁ ଭେଟି ଏହି ଅର୍ଥ ଦେଇଛନ୍ତି। ତାଙ୍କର ଏହି ବଦାନ୍ୟତା ପାଇଁ ଆଜି ସବୁ ମହଲରୁ ପ୍ରଶଂସା ମିଳିଛ ।
