ଭୁବନେଶ୍ୱର : କଥା ଦେଇ କଥା ରଖିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମହାମାରୀ ସମୟରେ ସାମ୍ବାଦିକ ନିଜ ଜୀବନକୁ ବାଜିରେ ଲଗାଇ କରୋନା ସମ୍ବନ୍ଧିତ ଟିକ ନିକ ଖବର ଲୋକଙ୍କ ପାଖକୁ ପହଞ୍ଚାଇଥିଲେ । ଖବର ସଂଗ୍ରହ କରିବା ସମୟରେ News 18ର ଭୁବନେଶ୍ୱର ରିପୋର୍ଟର ପ୍ରବୀର ପ୍ରଧାନଙ୍କ କରୋନାରେ ମୃତ୍ୟୁ ହୋଇଥିଲା । ଆଜି ମୁଖ୍ୟମନ୍ତ୍ରୀ ତାଙ୍କ ପରିବାର ପାଇଁ ଅନୁକମ୍ପାମୂଳକ ୧୫ ଲକ୍ଷ ଟଙ୍କା ସହାୟତା ରାଶି ମଞ୍ଜୁର କରିଛନ୍ତି । ଏଥିଲାଗି ରାଜ୍ୟ ସରକାରଙ୍କ ଗଣମାଧ୍ୟମ ଉପଦେଷ୍ଟା ମାନସ ମଙ୍ଗରାଜ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ।
ସବୁବେଳେ ନିଜର ଲୋକାଭିମୁଖୀ କାର୍ଯ୍ୟକ୍ରମ ପାଇଁ ଦେଶ ପାଇଁ ଉଦାହରଣ ସାଜିଛନ୍ତି ନବୀନ l ଶ୍ରେଷ୍ଠ ପ୍ରଶାସକର ମାନ୍ୟତା ବି ମିଳିଛି l କରୋନା ମହାମାରୀ ସମୟରେ ଅନେକ କରୋନା ଯୋଦ୍ଧା ନିଜର ବଳିଦାନ ଦେଇଛନ୍ତି । ସେ ସମସ୍ତଙ୍କୁ ନବୀନ ଯୋଦ୍ଧାର ସ୍ୱୀକୃତି ଦେଇ ତାଙ୍କ ପରିବାର କଥା ନିଜେ ବୁଝୁଛନ୍ତି ମୁଖ୍ୟମନ୍ତ୍ରୀ । ପୂର୍ବରୁ ଦୁଇ ଜଣ ସାମ୍ବାଦିକଙ୍କୁ ରାଜ୍ୟ ସରକାର ସହାୟତା ଯୋଗାଇ ଦେଇଛନ୍ତି l ଗଣମାଧ୍ୟମ ଉପଦେଷ୍ଟା ହେବା ପରେ ସାମ୍ବାଦିକ ମାନେ କିପରି ସବୁସୁବିଧା ପାଇପାରିବେ ତାହାକୁ ଗୁରୁତ୍ୱ ଦେଇଛନ୍ତି ମାନସ ମଙ୍ଗରାଜ l
