() ଆଜି ଧାମନଗର ଉପ ନିର୍ବାଚନ ପାଇଁ ଜୋରଦାର ହେବ ପ୍ରଚାର । ପ୍ରଚାର ମଇଦାନକୁ ଓହ୍ଲାଇବେ ଓଡ଼ିଶା ଜନପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଚାରକୁ ଆଉ ୩ ଦିନ ବାକି ଥିବା ବେଳେ ପଂଚାୟତ ଓ ଓ୍ବାର୍ଡ଼ରେ ୩ ପ୍ରମୁଖ ରାଜନୈତିକ ହେବିଓ୍ବେଟ ନେତାମାନଙ୍କ ମଧ୍ୟରେ ଗ୍ରାଉଣ୍ଡରେ ଲଢେଇ ଚାଲିଛି l ବାଲେଶ୍ବର, ବ୍ରଜରାଜନଗର ଉପ ନିର୍ବାଚନ ପରି ଧାମନଗରରେ ବିଜେଡ଼ି ପ୍ରାର୍ଥୀ ଅବନ୍ତୀ ଦାସଙ୍କ ପାଇଁ ଭୋଟଭିକ୍ଷା କରିବେ ନବୀନ। ଏଥିପାଇଁ ଧାମନଗର ବିଭିନ୍ନ ପଂଚାୟତ ଓ ଓ୍ବାର୍ଡ଼ରେ ଏଲିଡ଼ି ମାଧ୍ୟମରେ ମୁଖ୍ୟମନ୍ତ୍ରୀଙ୍କ ପ୍ରଚାର ସହ ଭୋଟର ଯୋଡି ହେବେ l ଏଥିଲାଗି ବିଜେଡ଼ି ପକ୍ଷରୁ ବ୍ୟାପକ ଆୟୋଜନ କରାଯାଇଛି । ବିଜେଡ଼ି ପ୍ରାର୍ଥୀଙ୍କ ଧରି ଶାସକ ଦଳର ନେତା ଓ ମନ୍ତ୍ରୀମାନେ ଘରଘର ବୁଲି ଭୋଟ ଭିକ୍ଷା କରୁଛନ୍ତି , ଯେଉଁଥିରେ ବିପୁଳ ମାତ୍ରାରେ ଜନ ସମର୍ଥନ ମିଳୁଛି ।
ବିକାଶ ଓ ଧାମନଗର ପ୍ରଗତି ପାଇଁ ମୁଖ୍ୟମନ୍ତ୍ରୀଙ୍କ ଉପରେ ବିଶ୍ବାସ କରି ଭୋଟର ବିଜେଡ଼ି ପ୍ରାର୍ଥୀ ଅବନ୍ତୀ ଦାସଙ୍କୁ ବଡ଼ ବିଜୟ ବ୍ୟବଧାନରେ ଜିତାଇବାକୁ ଅଣ୍ଟା ଭିଡ଼ିଛନ୍ତି । ଯାହା କାଲି ପରେ ଧାମନଗରବାସୀ ନିଜର ମତସାବ୍ୟସ୍ତ କରି ଦେଖାଇବେ ବୋଲି ଶାସକ ଦଳ କହିଛି । ୨୫ ବର୍ଷର ଜନସେବା ଓ ବିକାଶ ପାଇଁ ମୁଖ୍ୟମନ୍ତ୍ରୀଙ୍କ ନେତୃତ୍ବକୁ ସବୁବେଳେ ରାଜ୍ୟବାସୀଙ୍କ ଆର୍ଶୀବାଦ ମିଳିଛି । ଓଡ଼ିଶାବାସୀ ମୁଖ୍ୟମନ୍ତ୍ରୀଙ୍କ ଆସନରେ ନବୀନ ପଟ୍ଟନାୟକଙ୍କୁ ବସାଇ ପ୍ରମାଣିତ କରିଛନ୍ତି । ନିର୍ବାଚନର ମାହୋଲ ଯାହା ଥାଉ ମୁଖ୍ୟମନ୍ତ୍ରୀ ପ୍ରଚାର ପରେ ଏକ ପାଖିଆ ଭାବେ ବିଜେଡ଼ି ପ୍ରାର୍ଥୀଙ୍କ ସପକ୍ଷରେ ଭୋଟ ଯିବ ବୋଲି ରାଜନୈତିକ ସମୀକ୍ଷକ ମାନେ କହିଛନ୍ତି । ୨୦୧୯ ପରେ ଯେତେ ଗୁଡ଼ିଏ ଉପ ନିର୍ବାଚନ ହୋଇଛି ସବୁଠି ବିଜେଡ଼ି ପ୍ରାର୍ଥୀ ବଡ଼ ବ୍ୟବଧାନରେ ବିଜୟ ହୋଇଛନ୍ତି । ବାଲେଶ୍ବର ପରି ଧାମନଗରରେ ମଧ୍ୟ ବିଜେଡ଼ି ତାର ଗଡ଼ ଦଖଲ କରିବ ବୋଲି ରାଜନୈତିକ ସମୀକ୍ଷକ କହିଛନ୍ତି ।
ଆଉ ୪୮ଘଣ୍ଟା ପ୍ରଚାରକୁ ବାକି ଥିବା ବେଳେ ଧାମ ନଗରରେ ଏବେ ବିରୋଧି ଓ ଶାସକ ଦଳ ଶେଷ କସରତ ଜାରୀ ରଖିଛନ୍ତି l ଧାମନଗରରେ ମୋଟ ୪୪ପଂଚାୟତ ଓ ୧୧ୱାଡ ରହିଛି l ସବୁଠି ବିଜେଡି ପାଲା ଭାରୀ ରହିଛି l ଯଦି ପଂଚାୟତ ଓ ପୌର ନିର୍ବାଚନ ଫଳାଫଳକୁ ସମୀକ୍ଷା କରାଯିବା ତେବେ ବିଜେଡି ଏବେ ବି ଧାମ ନଗରେ ୧୫ହଜାର ଭୋଟ ରେ ଆଗରେ ରହିଛି l
