ଭୁବନେଶ୍ୱର: ଯାହା କହନ୍ତି , ତାହା କରନ୍ତି । ଖାସ ଏଥିଲାଗି ଓଡ଼ିଶାବାସୀ ତାଙ୍କୁ ପଂଚମ ଥର ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ଦେଇଛନ୍ତି । ପୁରା ଓଡ଼ିଶାକୁ ନିଜର ପରିବାର ଭାବେ ଗ୍ରହଣ କରିଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଣି ଥରେ ସାରା ଦେଶ ପାଇଁ ଉଦାହରଣ ସାଜିଛନ୍ତି । ଓଡ଼ିଶାରେ କରୋନାରେ ମୃତ୍ୟୁବରଣ କରିଥିବା ଦୁଇଜଣ ସାମ୍ବାଦିକଙ୍କ ପରିବାରକୁ ମୁଖ୍ୟମନ୍ତ୍ରୀ ୧୫ଲକ୍ଷ ଟଙ୍କା ଲେଖାଏଁ ଆର୍ଥକ ସହାୟତା ରାଶୀ ପ୍ରଦାନ କରିଛନ୍ତି । ଏନେଇ ସୂଚନା ଓ ଲୋକସର୍ମ୍ପକ ବିଭାଗର ଉପଦେଷ୍ଟା ମାନସ ମଙ୍ଗରାଜ ଟ୍ୱିଟ କରି ଜଣାଇଛନ୍ତି । କେବଳ ସେତିକି ନୁହେଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ବି ଦେଇଛନ୍ତି ମାନସ ମଙ୍ଗରାଜ । କରୋନ ମହାମାରୀ ସମୟରେ ଜୀବନକୁ ବାଜି ଲଗାଇ ସାମ୍ବାଦିକମାନେ ଖବର ସଂଗ୍ରହ କରିବା ସହ ଲୋକଙ୍କ ପାଖରେ ସଠିକ ତଥ୍ୟ ପହଞ୍ଚାଉଛନ୍ତି । ଖାସ୍ ସେଥିପାଇଁ ସାମ୍ବାଦିକମାନଙ୍କ ସୁରକ୍ଷା ଉପରେ ମହାମାରୀ ଆରମ୍ଭ ରାଜ୍ୟ ସରକାର ଗୁରୁତ୍ୱ ଦେଇଥିଲେ । ଓଡ଼ିଶାରେ ଯଦି କେହି କର୍ତ୍ତିବ୍ୟରତ ସାମ୍ବାଦିକ କରୋନରେ ପ୍ରାଣ ହରାନ୍ତି ତେବେ ସେମାନଙ୍କ ପରିବାରକୁ ୧୫ ଲକ୍ଷ ଟଙ୍କା ଆର୍ଥକ ସହାୟତା ଦେବା ପାଇଁ ମୁଖ୍ୟମନ୍ତ୍ରୀ ଘୋଷଣା କରିଥିଲେ । କରୋନା ମହାମାରୀ ସମୟରେ ଗଂଜାମର ଦୈନିକ ସମାଜର ପ୍ରତିନିଧି ପ୍ରିୟଦର୍ଶୀ ପଟ୍ଟନାୟକ ଓ କେ.ସିଏଚ ପ୍ରାଣ ହରାଇବା ପରେ ଏହି ସହାୟତା ରାଶୀ ତାଙ୍କୁ ପ୍ରଧାନ କରାଯାଇଛି । ଏଥିଲାଗି ବିଭିନ୍ନ ସାମ୍ବାଦିକ ସଂଘ ପକ୍ଷରୁ ମୁଖ୍ୟମନ୍ତ୍ରୀ ଓ ମିଡ଼ିଆ ଉପଦେଷ୍ଟା ମାନସ ମଙ୍ଗରାଜଙ୍କୁ ଧନ୍ୟବାଦ ଦିଆଯାଇଛି । ଘୋଷଣା କରିବା ଓ କାର୍ଯ୍ୟକାରୀ କରିବାରେ ନବୀନ ସାରା ଦେଶରେ ସବୁବେଳେ ଉଦାହରଣ ସାଜିଛନ୍ତି । ସବୁଠାରୁ ବଡ଼ କଥା ହେଉଛି ଅନ୍ୟ ରାଜ୍ୟ ପଶ୍ଚିମବଙ୍ଗ ଓ ଆସାମ ବୀମା ଘୋଷଣା କରିଥିଲେ ମଧ୍ୟ ଏଯାଏ ଆର୍ଥକ ସହାୟତା ରାଶୀ ଘୋଷଣା କରିନାହାନ୍ତି । ହେଲେ ଏଦିଗରେ ନବୀନଙ୍କ ପଦକ୍ଷପ ଏବେ ସାରା ଦେଶରେ ଚର୍ଚ୍ଚାର ବିଷୟ । ଓୟୁଜେ ତରଫରୁ କରୋନାରେ ପ୍ରାଣ ହରାଇଥିବା ଦୁଇ ସାମ୍ବାଦିକଙ୍କ ପରିବାରକୁ ମିଳିଥିବା ଅନୁକମ୍ପା ସହାୟତା ପାଇଁ ମୁଖ୍ୟମନ୍ତ୍ରୀ ଓ ମିଡ଼ିଆ ଉପଦେଷ୍ଟାଙ୍କୁ ଧନ୍ୟବାଦ ଦେଇଛି । ପୂର୍ବରୁ ସାମ୍ବାଦିକ ଥିବା ଓ ବହୁବର୍ଷ ଧରି ସାମ୍ବାଦିକମାନଙ୍କ ସମସ୍ୟା ସହ ଜଡ଼ିତ ଥିବା ମାନଓ ମଙ୍ଗରାଜ ସାମ୍ବାଦିକଙ୍କ ପାଇଁ ରାଜ୍ୟ ସରକାର ଘୋଷଣା କରୁଥିବା ସବୁ ସୁବିଧା ପ୍ରତ୍ୟେକ ସାମ୍ବାଦିକ କିପରି ପାଇପାରିବେ ସେନେଇ ସରକାରି ସ୍ତରରେ ଜୋରଦାର ଉଦମ୍ୟ କରନ୍ତି । ଯାହାର ଲାଭ ଗାଁଠାରୁ ସହର ଯାଏଁ ସାମ୍ବାଦିକଟିଏ ପାଇଥାଏ । ତେଣୁ କରୋନାରେ ମୁତ୍ୟୁବରଣ କରିଥିବା ଦୁଇଜଣ ସାମ୍ବାଦିକଙ୍କୁ ଯେପରି ତୁରନ୍ତ ସହାୟତା ରାଶୀ ମିଳିଛି ସେନେଇ ମାନସ ମଙ୍ଗରାଜଙ୍କ ଉଦ୍ୟମକୁ ଏବେ ବିଭିନ୍ନ ସାମ୍ବାଦିକ ସଂଘ ପ୍ରଶଂସା କରିଛନ୍ତି ।
