() ଯେବେ ବି ନିର୍ବାଚନ ପରାଜୟ ଭୟ ଆସେ, ବିରୋଧୀଙ୍କ ଟାର୍ଗେଟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସନ୍ତି। ହେଲେ ସେମାନେ ସଫଳ ହୁଅନ୍ତି ନାହିଁ। ସେଥିପାଇଁ ସେମାନେ ନବୀନଙ୍କ ସ୍ୱାସ୍ଥ୍ୟକୁ ନେଇ ଅପପ୍ରଚାର କରନ୍ତି। ଗତ ମାସ ବି କଲେ, ହେଲେ ସାଧାରଣତନ୍ତ୍ର ଦିବସରେ ନବୀନଙ୍କ ସୁଲତାନ ଚାଲି ବିରୋଧୀଙ୍କ ମୁହଁ ବନ୍ଦ କରି ଦେଲା।
ମୁଦ୍ଦା ନଥିବା ବିରୋଧୀ କିନ୍ତୁ ସେହି ଫର୍ମୁଲା ପଞ୍ଚାୟତ ନିର୍ବାଚନରେ ଲାଗୁ କଲେ। ସମସ୍ତଙ୍କୁ ଫୋନ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦେହାନ୍ତ କଥା କହି ଚାଲିଲେ। ହେଲେ ଏହା ବୁମେରାଙ୍ଗ ହେଲା କାରଣ ରାଜ୍ୟବାସୀ ନବୀନଙ୍କୁ ଭଲ ପାଆନ୍ତି। ସେମାନେ ଚିନ୍ତାରେ ପଡ଼ିଲେ। ରାଜ୍ୟବାସୀଙ୍କ ଟେନ୍ସନ ଦେଖି ଘରୁ ବାହାରିଲେ ନବୀନ। 
ମହାଶିବରାତ୍ରି ପାଇଁ ଏକାମ୍ର ନଗରୀ ମହାପ୍ରଭୁ ଶ୍ରୀଲିଙ୍ଗରାଜଙ୍କୁ ଦର୍ଶନ କଲେ ଦେଶର ଏକ ନମ୍ବର ମୁଖ୍ୟମନ୍ତ୍ରୀ। ବିରୋଧୀଙ୍କ ନିର୍ବାଚନୀ ଏଜେଣ୍ଡା ମୁଖ୍ୟମନ୍ତ୍ରୀଙ୍କ ଦେହ ଅସୁସ୍ଥତା କଥାକୁ କଡ଼ା ଜବାବ ଦେଲେ ନବୀନ। ତା ପରେ ନା ସୋସିଆଲ ମିଡିଆ ନା ଗୁଜବ, କେଉଁଠାରେ ବି ବିରୋଧୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅସୁସ୍ଥତାକୁ ନେଇ ପାଟି ଫିଟାଉ ନାହାନ୍ତି। 
କାରଣ ସେମାନଙ୍କ ପାଖରେ ବି ଆଉ ପଂଚାୟତ ନିର୍ବାଚନ ଲଢ଼ିବାର ଅନ୍ୟ କୌଣସି ପ୍ରସଙ୍ଗ ନାହିଁ। ତେବେ ଗୋଟିଏ କଥା ସତ, ଗଣତନ୍ତ୍ରରେ ଗଠନମୂଳକ ସମାଲୋଚନାର ସ୍ଥାନ ଅଛି। ହେଲେ ଦେଶର ମୁଖ୍ୟ ପ୍ରଧାନମନ୍ତ୍ରୀ କି ରାଜ୍ୟର ମୁଖ୍ୟ ମୁଖ୍ୟମନ୍ତ୍ରୀଙ୍କୁ ଅପମାନିତ କରିବା ଦେଶଦ୍ରୋହଠାରୁ ଅଧିକ ଗମ୍ଭୀର ନ ହୋଇ ପାରେ। କାରଣ ସେହି ସର୍ବୋଚ୍ଚ ନେତାଙ୍କୁ ଭାତରବାସୀ ନିର୍ବାଚିତ କରିଛନ୍ତି। 
ଆଉ ଏ ହେଉଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଯିଏ ବିରୋଧୀ ଦଳ ନେତା ଅସୁସ୍ଥ ହେଲା ବଡ଼ ବଡ଼ ଡାକ୍ତରଙ୍କ ସହ ସେମାନଙ୍କ ଆରୋଗ୍ୟ ପାଇଁ ଆଲୋଚନା କରନ୍ତି। ଗଣତନ୍ତ୍ରର ପୂଜକ ଯେ ନବୀନ, ଏ କଥାକୁ କେହି କେବେ ଏଡ଼ାଇ ପାରିବେ ନାହିଁ।
