ଦେବଗଡ଼ : ମିସେସ ନାଭି ମୁମ୍ବାଇ-୨୦୨୦ ରେ ଦ୍ୱିତୀୟ ହେଲେ ଓଡ଼ିଆ ଝିଅ l ସଶକ୍ତ ସୁନ୍ଦରତା ଓ ଆତ୍ମନିର୍ଭରଶୀଳ ସଫଳତା ପାଇଲେ ସଫଳତା l ଦେବଗଡ଼ ବଲିଉଡ ର ପ୍ରଖ୍ୟାତ ଫିଲ୍ମ ନିର୍ମାତା ଦୀପକ ସେଟୀ ଙ୍କ ଡି. ଏସ. ଏଣ୍ଟରଟେଂନମେଣ୍ଟ ଅନୁଷ୍ଠାନ ପକ୍ଷରୁ ୪୦ ବର୍ଷ ବୟସ ରୁ ଉର୍ଦ୍ଧ ମହିଳା ମାନଙ୍କୁ ନେଇ ମିସେସ ନଭି ମୁମ୍ବାଇ-୨୦୨୦ ପ୍ରତିଯୋଗିତାରେ ଓଡିଶା ତଥା ଦେବଗଡ଼ ର ଝିଅ ସଫଳତା ପାଇଥିବା ଜଣାପଡିଛି । ମହିଳା ସଶକ୍ତିକରଣ ଓ ଆତ୍ମ ବିଶ୍ୱାସ ବଢ଼ାଇବା ପାଇଁ ଅନୁଷ୍ଠିତ ଏହି ପ୍ରତିଯୋଗିତାରେ ଭାରତ ବର୍ଷର ବିଭିନ୍ନ ପ୍ରାନ୍ତ ରୁ ୪୦ ଜଣ ମହିଳା ଅଂଶ ଗ୍ରହଣ କରିଥିଲେ। ସେମାନଙ୍କ ମଧ୍ୟରୁ ଶ୍ରେଷ୍ଠ ୬ ଜଣ ପ୍ରତିଯୋଗି ଫାଇନାଲ ପର୍ଯ୍ୟାୟ କୁ ଉର୍ଣ୍ଣିତ ହୋଇଥିଲେ ।ଏହି ୬ ଜଣଙ୍କ ମଧ୍ୟରେ ଓଡ଼ିଶାର ଏକମାତ୍ର ପ୍ରତିଯୋଗୀ ଦେବଗଡ଼ ର ଝିଅ ଦେବଶ୍ରୀ ରାୟ ଥିଲେ । ଦିଲ୍ଲୀ ରୁ ୧, କୋଲକାତା ରୁ ୧, ମୁମ୍ବାଇ ରୁ ୨, ଆଗ୍ରା ରୁ ୧ ଏବଂ ଓଡ଼ିଶା ରୁ ଦେବଶ୍ରୀ ଫାଇନାଲ ରାଉଣ୍ଡ ରେ ଅଂଶ ଗ୍ରହଣ କରିଥିଲେ ।ଏଥିରେ ସୁନ୍ଦରତା , ଡାଇନିଂ, ଆତ୍ମବିଶ୍ବାସ ,ଆତ୍ମ ନିର୍ଭରଶୀଳ ଉପରେ ବିଭିନ୍ନ ପ୍ରକାର ର ପ୍ରତିଯୋଗିତା କରାଯାଇଥିଲା । ଶେଷରେ ଓଡ଼ିଆ ଝିଅ ଦେବଶ୍ରୀ ଦ୍ୱିତୀୟ ସ୍ଥାନ ରେ ରହି ରନସ ଅପ ହୋଇ ଓଡ଼ିଶା ତଥା ଦେବଗଡ଼ ପାଇଁ ଗୌରବ ଆଣିଛନ୍ତି । ମିସେସ ନଭି ମୁମ୍ବାଇ-୨୦୨୦ ରେ ଦେବଗଡ଼ ର ଝିଅ ର ସଫଳତା ପାଇବା ପରେ ଏଠାରେ ଖୁସି ର ଲହରୀ ଦେଖା ଦେବା ସହ ବିଭିନ୍ନ ମହଲରେ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଏଠାରେ ସୂଚନାଯୋଗ୍ୟ ଯେ, କିଛି ମାସ ପୂର୍ବେ ଫିସା ଷ୍ଟାର ଇଣ୍ଡିଆ ପକ୍ଷରୁ ଅନୁଷ୍ଠିତ ଦ ରିଏଲ ସୁପର ଓମେନ -୨୦୨୦ ଆୱାଡ଼ ମଧ୍ୟ ଦେବଶ୍ରୀ ଙ୍କୁ ମିଳିଥିଲା । ଦେବଶ୍ରୀ ଦେବଗଡ଼ ପ୍ରଧାନପାଟ ରୋଡ଼ ସ୍ଥିତ ପ୍ରବୀର ଗଙ୍ଗଦେଵ ଙ୍କ ଝିଅ ଏବଂ ଯାଜପୁର ରେ ବିବାହ କରିଥିବା ମୁକିକାନ୍ତ ରାୟ ଙ୍କ ସ୍ତ୍ରୀ ଅଟନ୍ତି ।
