ଦେବଗଡ଼ : ଆଜି ଦେବଗଡ଼ ଜିଲ୍ଲା ଠିକାଦାର ସଂଘ ସଭାପତି ଶ୍ରୀ ଅରୁଣ କୁମାର ନନ୍ଦଙ୍କ ନେତୃତ୍ୱରେ ବରିଷ୍ଠ ଠିକାଦାର ଇଂ ଚିତ୍ତରଞ୍ଜନ ପ୍ରଧାନ, ହରେନ ବେହେରା ଏବଂ ଯୁବ ଠିକାଦାର ଶ୍ରୀ ପ୍ରକାଶ କୁମାର ଆଚାର୍ଯ୍ୟ, ଇଂ ନିହାର ରଞ୍ଜନ ପଟେଲ, ଇଂ କୁମାର ସ୍ବସ୍ତିକ ମହାପାତ୍ର, ଓ ସାଧାରଣ ସମ୍ପାଦକ ଶ୍ରୀ ଅନୁପମ ମୋଦୀଙ୍କ ସମେତ ଏକ ପ୍ରତିନିଧି ମଣ୍ଡଳ ଜଟିଳ ସ୍ବାସ୍ଥ୍ୟଗତ ସମସ୍ୟା ଦେଇ ଗତି କରୁଥିବା ଦେବଗଡ଼ ର ବାସିନ୍ଦା ତଥା ଠିକାଦାର ଶ୍ରୀ ପରେଶ କୁମାର ପ୍ରଧାନଙ୍କୁ ତାଙ୍କ ସମ୍ବଲପୁର ସ୍ଥିତ ବାସଭବନ ରେ ସାକ୍ଷାତ କରିଥିଲେ।
ଏହି ପ୍ରତିନିଧି ମଣ୍ଡଳ ଶ୍ରୀ ପ୍ରଧାନଙ୍କ ସ୍ୱାସ୍ଥ୍ୟ ଅବସ୍ଥା ପଚାରି ବୁଖିବା ସହ ତାଙ୍କ ଚିକିତ୍ସା ସମ୍ବନ୍ଧରେ ବିସ୍ତୃତ ଆଲୋଚନା କରିଥିଲେ ଏବଂ ସମସ୍ତେ ତାଙ୍କ ଆଶୁ ଆରୋଗ୍ୟ କାମନା କରିଥିଲେ।
ପୂର୍ବ ପ୍ରତିଶ୍ରୁତି କ୍ରମେ ପ୍ରତିନିଧି ମଣ୍ଡଳ ଶ୍ରୀ ପ୍ରଧାନଙ୍କୁ ଏକ ଲକ୍ଷ ଟଙ୍କାର ଚେକ ପ୍ରଦାନ କରିଥିଲେ। ତାଙ୍କ ବ୍ୟୟବହୁଳ ଚିକିତ୍ସାରେ ଉପୁଜୁଥିବା ଆର୍ଥିକ ସମସ୍ୟା ନିବାରଣ ନିମନ୍ତେ ସମୟ ସମୟରେ ଯଥାସମ୍ଭବ ସାହାଯ୍ୟ ଯୋଗାଇଦେବାକୁ ସଂଘ ସଭାପତି ଶ୍ରୀ ନନ୍ଦ ଆଶ୍ୱାସନା ଦେଇଥିଲେ। ଏହି କ୍ରମରେ ବିଭିନ୍ନ ସରକାରୀ ବିଭାଗରେ ଶ୍ରୀ ପ୍ରଧାନଙ୍କ ବକେୟା ପଡିରହିଥିବା ବିଲ, ସିକ୍ୟୁରିଟି ଇତ୍ୟାଦିର ପେମେଣ୍ଟ ନିମନ୍ତେ ସହଜ ଓ ଯଥାଶୀଘ୍ର ସମ୍ଭବ ସମାଧାନ କରାଇଦେବାକୁ ପ୍ରତିଶୁତି ଦିଆଯାଇଥିଲା। ଏହା ସହ ଶ୍ରୀ ପ୍ରଧାନଙ୍କୁ ପ୍ରଶାସନ ତରଫରୁ ଅଧିକ ଆର୍ଥିକ ସାହାଯ୍ୟ ଯୋଗାଇ ଦେବା ନିମନ୍ତେ ଜିଲ୍ଲାପାଳ, ମୁଖ୍ୟମନ୍ତ୍ରୀ ଓ ରେଡକ୍ରସ ସୋସାଇଟି କୁ ସଂଘ ପକ୍ଷରୁ ଦରଖାସ୍ତ ଦେବା ନେଇ ନିଷ୍ପତ୍ତି ନିଆଯାଇଥିଲା।
