ଦେବଗଡ଼— କର୍ତ୍ତବ୍ୟ ଆଗରେ ହାର ମାନିଲା କରୋନା l ଏପରି ଏକ ଖବର ଆସିଛି ଦେବଗଡ଼ ଜିଲାରୁ l ଗତ ୨୫ ତାରିଖ ଦିନ ତିଳେଇବଣି ବ୍ଳକ ସଡୋ ସଂଘରୋଧ କେନ୍ଦ୍ର ଦାଇତ୍ୱ ରେ ଥିବା ଜଣେ ଆଶା କର୍ମି ଙ୍କ କରୋନା ପଜିଟିଭ ଚିହ୍ନଟ ହୋଇଥିଲା । ପଜିଟିଭ ଚିହ୍ନଟ ପରେ ଆଶା କର୍ମୀ ସୁବାସିନୀ ଦେହୁରୀ ଙ୍କୁ ତୁରନ୍ତ ଦେବଗଡ଼ କୋଭିଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସା ପରେ ଆଶା କର୍ମୀ ସୁବାସିନୀ ଙ୍କ ଦେହ ସୁସ୍ଥ ହେବାରୁ ତାଙ୍କୁ ଆଜି କୋଭିଡ ଡାକ୍ତର ଖାନା ରୁ ଡ଼ିସଚାର୍ଜ କରାଯାଇଛି । ଡ଼ିସଚାର୍ଜ ପରେ କୋଭିଡ ଡାକ୍ତର ଖାନା ପରିସରରେ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ଆଶାକର୍ମୀ ଶ୍ରୀମତୀ ଦେହୁରୀ ଙ୍କୁ ସମ୍ଭରଧନା ଦିଆଯାଇଥିଲା ।ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ମନୋଜ କୁମାର ଉପାଧ୍ୟାୟ ଶ୍ରୀମତୀ ଦେହୁରୀ ଙ୍କୁ ଉପଢୌକନ ଓ ପୁଷ୍ପଗୁଚ୍ଛ ଦେଇ ସ୍ୱାଗତ କରିବା ସହ ତାଙ୍କ ଘରକୁ ବିଦାୟ ଦେଇଥିଲେ ।ସ୍ୱାଗତ ସମ୍ବର୍ଦ୍ଧନା ସମୟ ରେ ଜିଲ୍ଲା ସ୍ୱାସ୍ଥ୍ୟ ବିଭାଗ ସହ କୋଭିଡ ଡାକ୍ତର ଖାନା ର ବହୁ କର୍ମଚାରୀ ଉପସ୍ଥିତ ଥିଲେ ।
