ଯାଜପୁର : ଲକ୍ଷ୍ୟ ଗୋଟିଏ । ନୂତନ ଓଡ଼ିଶା ଗଠନ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ନକ୍ସା ଅାଙ୍କିଛନ୍ତି ତାକୁ ବାସ୍ତବ ରୂପ ଦେବା । ଦୃଢ ଇଚ୍ଛଶକ୍ତି ନେଇ କାମ କଲେ ସବୁ ସମ୍ଭବ ହେବ । ସେ ଯାଜପୁର, ମୟୂରଭଞ୍ଜ ହେଉ କି କୋରାପୁଟ କି ମାଲକାନାଗିରି । ସବୁଠି ବିକାଶମୂଳକ କାମରେ କିପରି ରୋକ ଲାଗିବ ନାହିଁ ସେ ଚିନ୍ତା ଏବେ ନବୀନଙ୍କ ବିଶ୍ୱସ୍ତ ସାରଥି ତଥା ବିଜେଡ଼ି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଚିନ୍ତା । ୨୦୧୯ ସାଧାରଣ ନିବାର୍ଚନରେ ଲୋକଙ୍କୁ ଦିଅାଯାଇଥିବା ପ୍ରତିଶ୍ରୃତି ଓ ବିକାଶମୂଳକ କାମ କିପରି ନିବାର୍ଚନୀମଣ୍ଡଳୀରେ ହେବ ସେନେଇ ପ୍ରଣବ ସ୍ଥାନୀୟ ବିଧାୟକଙ୍କ ସହ ଅାଲୋଚନା କରି ସେ କାର୍ଯ୍ୟକୁ ଅାଗେଇ ନେବାକୁ ଚେଷ୍ଟା କରନ୍ତି । ବିଜେଡ଼ି ସଂଗଠନ ସମ୍ପାଦକ ହେବା ପରେ କେବଳ ରାଜନୈତିକ କାର୍ଯ୍ୟକଳାପ ନୁହେଁ, ନିବାର୍ଚନ ପ୍ରତିଶ୍ରୃତି କିପରି ସବୁ ନିବାର୍ଚନୀ ମଣ୍ଡଳୀରେ ହୋଇପାରିବ ସେ ନେଇ ପ୍ରଣବ ଦଳର ବିଧାୟକମାନଙ୍କ ସହ ଅାଲୋଚନା କରି କାମ ଅାଗେଇ ନେବାକୁ ପ୍ରୟାସ କରିଛନ୍ତି । ଏଥିଲାଗି ନିଜର ଜିଲ୍ଲାରୁ ଏହି ଅଭିଯାନ ଅାରମ୍ଭ କରି ସଭିଁଙ୍କ ପାଇଁ ଉଦାହରଣ ସାଜିଛନ୍ତି ସେ । କୋଭିଡ଼ ୧୯ ମୁକାବିଲା ସହ ଜୀବନ-ଜୀବିକା ଓ ବିକାଶମୂଳକ କାମ କରିବାକୁ ମୁଖ୍ୟମନ୍ତ୍ରୀ ଯେଉଁ ଅାହ୍ୱାନ ଦେଇଛନ୍ତି ତାହା ଯାଜପୁର ଜିଲ୍ଲାରୁ ଅାରମ୍ଭ କରିଛନ୍ତି ପ୍ରଣବ । ସୋମବାର ଧର୍ମଶାଳା ନିବାର୍ଚନୀ ମଣ୍ଡଳୀ ଅନ୍ତଗର୍ତ କଣ୍ଟିଗଡ଼ିଅା ବଡ଼ ପୋଖରି ବୁଲି ଦେଖିବା ସହ ଏହାର ଉନ୍ନତିକରଣ କରିବାକ ପାଇଁ ସ୍ଥାନୀୟ ବିଧାୟକ ପ୍ରଣବ ବଳବନ୍ତରାୟ ଓ ଜିଲ୍ଲା ପ୍ରଶାସନ ସହ ଅାଲୋଚନା କରିଛନ୍ତି ସେ । ଯାଜପୁରର କୁସୁମା ପୋଖରୀକୁ ଯେପରି ପ୍ରଣବଙ୍କ ଉଦ୍ୟମରେ ପୁନଃ ଉଦ୍ଧାର କରାଗଲା ଓ ଏହାଏବେ ରାଜ୍ୟ ପର୍ଯ୍ୟଟନୀରେ ସ୍ଥାନ ମଧ୍ୟରେ ଏକ ସ୍ୱତନ୍ତ୍ର ସ୍ଥାନ ନେଇଛି । ଠିକ ସେହିପରି ଧର୍ମଶାଳାର ଏହି ପୁରାତନ ପୋଖରୀର ପୁନଃ ଉଦ୍ଧାର ପାଇଁ ସେ ଚିନ୍ତା କରିଛନ୍ତି ।
