()ପୁରାଣରେ ତ୍ରି ବାର ସତ୍ୟ , ଶପଥ ସବୁ ଯୁଗରେ ବିଶ୍ୱାସ ଓ ଭରଷାର ପ୍ରତୀକ ଥିଲା l ସାମାଜିକ ଜୀବନରେ ଏହାର ଗୁରୁତ୍ଵ ବି ବହୁତ ଅଧିକ l ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ର ପିତାଙ୍କ ବଚନ ରଖା ହେତୁ ରାଜପାଠ ତ୍ୟାଗ କଲେ l ହେଲେ ବର୍ତ୍ତମାନ ରାଜପାଠ ପାଇଁ ବାପା ମାଆଙ୍କୁ ତ୍ୟାଗ କରୁଛନ୍ତି l ତେଣୁ ପରିବାରରେ ପରିଲକ୍ଷିତ ଅବିଶ୍ବାସ ସମାଜରେ ରାଣ, ନିୟମ ଓ ଶପଥକୁ ଆପେ ଆପେ ଲୋପ କରିଦେଇଛି l ଆଉ ଡିଜିଟାଲ ମିଛ ଏବେ ସଭିଙ୍କ ମନରେ ଫମ୍ଫା ବିଶ୍ୱାସ ଭାରିଦେଇଛି l ବିଚାରି ମୁନି ଏକଥାକୁ ବୁଝିପାରିନି l ଡିଜିଟାଲ ମିଛରେ ଛନ୍ଧି ହୋଇପଡିଛି ସେ l ତାହାରି ଭିତରେ ଚାଲିଛି ମୁନିର ଜୀବନ ଚକ୍ରl
ଘର ଛାଡି ସ୍ୱଳ୍ପ ରୋଜଗାର କରିବା ପାଇଁ ମୁନି ଆସିଥିଲା ସହରକୁ l ଅଜଣା ସହରରେ କଥା କଥାକେ ଡିଜିଟାଲ ମିଛ l ଆଉ ବେଶ ଅଳ୍ପ ଦିନ ଭିତରେ ନିଜ ପ୍ରଚେଷ୍ଟାରେ ମୁନି ଚାକିରୀ କରି ରୋଜଗାର କଲା l ଦୁଇ ପଇସା ରୋଜଗାର କରି ମାୟାର ସହରରେ ସୁନେଲୀ ଭବିଷ୍ୟତ ପାଇଁ ନିଇତି ରାତିରେ କେତେ କଣ ସ୍ବପ୍ନ ଦେଖିଲା l କିଏ କେତେ କଥା, ଉପଦେଶ ମଧ୍ୟ ଦେଲେ l ଆଉ କିଏ କିଏ ତ ବହୁତ କିଛି କରିଦେବାର ସ୍ବପ୍ନ ଦେଖାଇଲେ l ରାଣ, ନିୟମର ତ ହିସାବ ନାହିଁ l ବାଶ ଏ ସବୁ ମାୟା ଭିତରେ ଫସିଗଲା ସେ l କାରଣ ସେ ଥିଲା ସରଳ ଓ ନିରୀହ l ଡିଜିଟାଲ ଯୁଗର ମିଛ ଠାରୁ ବହୁ ଦୂରରେ l
ବର୍ତମାନର ସ୍ମାର୍ଟ ସିଟି ସୋସାଇଟିରେ ଡିଜିଟାଲ ମିଛ ରୂପକ ରାକ୍ଷସ ପୁର ପଲ୍ଲୀର ସରଳିଆ ଓ ନିଷ୍କପଟ ବ୍ୟକ୍ତି ମାନଙ୍କୁ ନିଜର ଶିକାର କରିଚାଲିଛି l ଏଥିରୁ ମୁକୁଳିବା ପାଇଁ ସଚେତନତା ଓ ପ୍ରତିକାର ଖୋଜିବା ଏକ ବଡ ଚ୍ୟାଲେଜ ଭାବରେ ଉଭା ହୋଇଛି l କିନ୍ତୁ ମୁନି! ନା ଥିଲା ସଚେତନ ନା ଡିଜିଟାଲ ମିଛକୁ ହରେଇବାରେ ସକ୍ଷମ……
